3 Nü pohki yohpüjübarü michah tsü akohtitangthsa tünguchi, ta amülung te tsü adüzü kang.
Khüiba yucho Tsingrang Abüdongba liro, arüh akünyangnung; nyitsarü sürü Abi yo thsanung throchehcho, arüh akünyangnung!
Nühnü papade Nüpu nengdang throchehcho, Nüpu yucho kangnung ayurü suro lanü nüchehbati lümchehng. Nüh khüdupi liba, Zion Zong lümchehng.
Nühnü tase müzehrüti müdhing, füdhsa libati mükyangjü, lerohpeh libati mürümjü, thrümeh tsibati münoro mahkhang chah libati müyangchi. Hütsü mülih, nühnü arüh dee mütsa bichiko.
O Abüdongba, Nühnü throchehcho Israelrü san-nyahrü nüh kang. Arüh akungaselih la papa linye, arüh mükangmüla asu lih lile. Papade kyo arüh Bashan ko Gilead ngah la wü lamungsohng.
Ta bholu ko khütang Amüsa Müdümla bebü nguchi nguchinunglü nüh ko nü tsurüti dunü xükümnung. Hiri hi nührü bha thsanung, tunüo Ihnü nührü khyang bebürü thsanung jiyü tsü jüko. Amüxangchehrü sü hiba Amüsa kohro shündhün ronang abilü süsohnung.”
Ihnü nührü te nguchicho roh-i nührünü nguchinung nengdang, Ihnü adüzü khüdu ngusohko.
Hütsüeko nührübürü ko Anbü Amüsanü nührü khyang nyümkehjüba yudsirüti atümung nengdang dhingyehng. Tsingrangba Lithro khüi apu Tsurü sücho khu abi yo kangsohcho, nührü hütsü nyahrü kang.
Ta, Abüdongba la, khingkurü tsü adhrerü müzehpü apisa mah, mahkhang adhrerü tsü khingkurü müzehpü apisa mah.
Akhang, Apollos süo? Ko Paul süo? Ihrüsü nührü yudsisohrü dikehrü du lile. Ihrü atümung Abüdongba-nü abi khyang tu lümcho jücho hütsü du nguchire:
Tunüo ihrü Tsingrangba nengdang müjang nguchirü, ko nührü Tsingrangba luh.
Ihrünü nührü yudsi nengdang khingrü mah; nührü yudsi la drengdreng yalepü ihrünü müdhele. Ta nührübürü akünyang nengdang nührü yola ihrünü nguchire.
Tunüo ihrünü abürü nengdang thsingyurü mah; ta Jisu Khrista tsü Abüdongbaepü ihrünü Jisu khyanglangnü nührü dikehrüepü thsingyure.
ta Jakob trah apu nengdang throchehcho.”
Jüniriti, Ih iithsang. Ihrünü nührü khyang yohpüjüba adüzü atsa sürünü bichiro arüh chahnü dhingchoung.
Nührünü I chahnü tu nyichocho, khyüchocho, yuchicho, ko ngucho, hütsüri tsü nguching; ko atbachi Tsingrang tsü nührü te linung.
Hütsünü Macedonia ko Akaia la yudsirü atümung te nührü adüzü khüdu kangko.
Ihrünü chingnung athsalang müthsachonü nguchicho mah, ta nührü khyang ihrü dhingchosohnung adüzüthsa nguchicho.
Nüh kunu bekhyah sü khyangsü tümükhimüngusoh, ta yudsirü nengdang yu la, saying la, amüila, yudsi la ko amüsaba la adüzüthsa lieng.
Nü jangjang lüpcho la saying atsa adüzü kang libae. Nü athsingyuba la dee müci jüng.
Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.