1 PETER 5:2 - AMÜSA BAIBEL (BSI)

² Tsingrangba-nü nührü khyang jüba santi tsü khingnü mah, ta longphisehnü xüküm nyahnung Ihnü nührü te thsüchire. Angang nengdang du mah, ta yujeba dikehnung alongphinü nührü nguchi nguching.

1 PETER 5:2 Iomraidhean Croise

2 YANGTHSARÜTI 12:6

Ta Joash yangthsacho kang mükyüpü asang yingcheh, bebürütinü Amübükuh tu mükülüpchicho.

SOLOMON KHI 1:8

Nühnü müdüm tsü mütsüp ang? Khingkurü yola atsautpü! Wüng ko santi khanglang iing; San nyahrüti shükuh shündhün nü santi lamungsohng.

ISAYA 40:11

San-nyahrü kyo Abinü Abi santi xükümnung; Abinü sanzati nübülungnung ko apakyarü chah dhinung; ko Abinü atpati tsü khainü nünung.

ISAYA 56:11

Arüh tsü khodesü mi müjengba müramüro füza kyole. Hiri langnürüti anyichehba mühle. Arüh apümnü palu thsanyücho thsare ko abürü nengdang du lümre.

ISAYA 6:8

Hütsüde Abüdongba-nü yo Ihnü yuchicho, “Ihnü sü müthehnung? Ihrü nengdang sü wünung?” Hütsüde Ihnü yocho, “Ih hila lile! Ih müthehng!”

ISAYA 63:11

Ta hütsüpü arühnü atsichola Abüdongba dikehrü Mosa chichah lümchehcho, ko arühnü tsingdhingcho, “Kihdi lanü langnürüti khümchoba Abüdongba sü khülo? Mosa khyang Abi Anbü jüba Abüdongba sü khülo?

JEREMIA 13:17

Nühnü mühnyikhang, Ihnü rang nü kükhing nengdang tranung; Ihnü dee longri tranung, ko I nahshükih threhnung, tunüo Abüdongba müyurü arangyohlang küm tsiko.

JEREMIA 13:20

Jerusalem, Dhing! Kihku lahpinü nü rorüti tsehle! Nü chah nyümkehjüba müyurü, nühnü dümpiba nü müyurüsü khülo?

JEREMIA 6:13

Azikyahrü ko amülahrü atümungnü yuje mücho thsi külüpnyüre; azikehrü ko bebürünü mii müyurü kihyochüre.

JEREMIA 8:10

Hütsü khu Ihnü arüh luh abüdongrü aparü khyang jünung ko arüh nitpürü aparü adhrerü khyang jünung. Aikyah amülah atümungnü yuje mücho thsi külüpnung müküpre. Azikehrü ko bebürütinü mii müyurü kihyochüre.

EZEKIEL 34:23

I dikehrü David kyo, Ihnü arüh san-nyahrü khüdu kangsohnung yangthsaba khüdu jünung ko abinü arüh xükümnung.

EZEKIEL 34:31

“Nührü, I san, Ihnü kangba santi, nührü I müyurü ko Ih nührü Tsingrang” epü Amichahba Abüdongba-nü yore.

EZEKIEL 46:24

Nyitsarüba tsünü Ite yocho, “Müyurünü mübücho amübükuh la dikehrünü kangmübü chongji chongkyaji tsü hiri lile.”

MIKA 3:11

Yangthsarünü pohsa khyüre, bebürünü thsi ngang Yuzeng changnah yore, azikehrünü thsi ngang müngucheh yore, ko arüh atümungnü ihrü te Abüdongba zehlepü yore. Arühnü yore, “Ihrü chah tu mütikehnung, Abüdongba ihrü te lile.”

MIKA 5:4

Khode abi ronang, abinü Abüdongba-nü jüba tase ko Abüdongba Tsingrangba apu akohbala yangthsanung. Abi müyurüti khümcho linung, tunüo limih chah lirü atümungnü abi mülahcho müdhenung,

MIKA 7:14

O Abüdongba, Nühnü throchehcho Israelrü san-nyahrü nüh kang. Arüh akungaselih la papa linye, arüh mükangmüla asu lih lile. Papade kyo arüh Bashan ko Gilead ngah la wü lamungsohng.

ZEKARIA 11:17

Hütsü amüdekheng san-nyahba tsü ahohah! Abinü abi santi thrüchahchüpehko. Chitanü abi tase changjünung. Apükyang kungkehpenung, ko anahtse tsalang tohpehnung.”

MALAKI 1:10

Akohbong Abüdongba-nü “I bholu chah amükhyu michang tahkehba yatinung nengdang nührü yola nyüh khüdunü amübükuh trahtri khangtisohnyüre. Ih nührü te mükünyang; Ihnü nührü amübü mükhyüchonung.

KHIDHINGCHO 18:7

Ta bholu ko khütang Amüsa Müdümla bebü nguchi nguchinunglü nüh ko nü tsurüti dunü xükümnung. Hiri hi nührü bha thsanung, tunüo Ihnü nührü khyang bebürü thsanung jiyü tsü jüko. Amüxangchehrü sü hiba Amüsa kohro shündhün ronang abilü süsohnung.”

YUSE ATSA LUK 12:32

“Tüdrü, nungzarü, tunüo nührü Aunü nührü khyang yanglih tsü jünung dhrongchehpehko.

RIWÜRÜTI NGUCHI 20:29

Ih tsipü khanglang, santi müditpangpü changjünung rangfü amütsati ronungepü Ihnü müdhele.

RIWÜRÜTI NGUCHI 21:13

Ta abinü lalingcho, “Tuepü nührünü hita tranü I lasih thsangnyangsohro? Ih Jerusalem la rahsohnung du mahpü, Abüdongba Jisu khyanglangnü asünung mii rungnüm lile.”

ROMRÜ 1:15

Hütsünü, nührü Rom la lirü tesü Ihnü Yuse Atsa tsü thsingyunung longphire.

1 KORINTRÜ 9:7

Rothsarü khüdunü apu thsi tsu dikehrü mah-o? Shükusih luh thsapü hütsü lanü mütsurü sü liro? Sünü Santi nyahnü arüh chahnü nyikih müyongrü sü liro?

1 TIMOTI 3:3

yongkha yongrü mahkhang shühkhatohrü mah, ta alonglüm ko kangli atsa; thsi müirü mah;

1 TIMOTI 3:8

Lithro la dikon tsü nguchi la müci jürü, ta müle anyüh kehrü mah, yongkha müxüprü mah mahkhang thsi müxümüngurü mah;

TITAS 1:11

Arühnü choba tsü yatinung dhsütahre, tunüo ashahnung nguchi thsi nengdang arühnü amüthsalang thsingyunü kukhi apüm thsangnyangjüre.

TITAS 1:7

Tunüo Lithro langnürü tsü Tsingrangba nguchi la khehthsithsarü thsachonü, abi tsü arah mükeh thsabae. Abi hongzirü mahkhang zah zichürorü, mahkhang müchamülohrü, shühkhatohrü mahkhang thsi müruthsarü müthsabae.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

TITAS 3:1

Nührü nyitsarüti te yangthsarü ko yangbe pohki linung ko lüpcho la atsa nguchinung rungnüm linung lümchehsohng.

FILEMON 1:14

Ta Ihnü nüte khingchi Ih troung pü müyore; hütsü müli nü tsachonü nguchisohnyüre. Hütsüeko nühnü heho müthsade Ihnü tusü münguchinung.

IBRIRÜ 12:15

Tsingrangba achomang lanü müximülanung müzahng. Singra akha khüi zide hütsü müyühnü chongcha khütang chürosohro, süsü hütsü tükyo.

2 PETER 2:3

Nührü te akülüpcho yukheh yochonü hiri müxümüngu arahkheh adorütinü arüh jingchonung. Arüh yukhaba rungnümpü adelü nyahliko ko arüh Achangjübong tsü jesu lile.