1 PETER 3:9 - AMÜSA BAIBEL (BSI)

⁹ Amütsa müli amütsa ko chokehchola müli chokehcholanü tümüli, hütsümüli müwajüng, tunüo nührü amüwa ngunung khyanglangnü nührü dsicho.

1 PETER 3:9 Iomraidhean Croise

LIPOH 42:25

Hütsüpü Josef-nü amungrü bha thsajünung, ko arüh thsi tsü thali arüh bha la yohjünung, ko lang nengdang tsangtüm rungnümjünung yuzengjücho, ko hütsüta nguchicho.

CHOYOH 17:13

Nühnü atsa mülih amütsa jükhang, nü kuh lanü amünyi khodesü mütsinung.

CHOYOH 20:22

Amütsa mülih nüpu jangjang türüyang, Abüdongba chah longlang ko Abinü nüh rükunung.

CHOYOH 28:10

Yuje chorü amünyi la xohsohkhang, nüpu zeng la nüh xohnung. Achomükehrü aleng jiyünung.

MATHI 19:29

Ko sürünü I khyanglangnü kuh mahkhang amung-ani mahkhang afü-ani mahkhang au mahkhang atpa mahkhang tsuzarüti mahkhang luphiyongphi pehjücho, thsihpinü alaa ngunung ko müchangkaba akang jünung.

MATHI 25:34

Hütsüde yangthsabanü abi tsalang liba nyitsarüti te yonung, ‘Rung, I U-nü müwajürüti! Rung, ko limih thridinü nührü nengdang rungnüm liba Yanglih tsü khyüng.

MATHI 5:39

Ta adelü Ihnü nührü te yore: nüte amütsa nguchirü te rüh tüyang. Khürünü nü müchüp tsalangthring tangkhang, fülilangsü tangsohng.

MATHI 5:44

Ta adelü Ihnü nührü te yore: nü rorüh müing ko nü dhsümthserü nengdang dangkhidangnangjüng.

MARK 10:17

Ko abi langla wüchi yade, nyüh khüdu shang ronü ajingte mükhukeh tsingdhingcho, “Athsingyurü atsa, lede akang ngunung Ihnü tu nguchinung?”

YUSE ATSA LUK 10:25

Yuzeng dorü khüdu shemüsu Jisu xohsohnung müküpcho. Abinü tsingdhingcho, “Athsingyurü, müchangkaba akang ngunung Ihnü tu nguchinung?”

YUSE ATSA LUK 18:18

Jihudarü langnürü khüdunü Jisu te tsingdhingcho, “Athsingyurü Atsa, müchangkaba akang ngunung Ihnü tu nguchinung?”

ROMRÜ 12:14

Nührü dhsümthserü müwajüng; tüchokehchola, ta müwajüng.

ROMRÜ 12:17

Sü khyangsü amütsa müli amütsa tüjü, atümungnü tsalecho nguchinung müküpm.

ROMRÜ 8:28

Tsingrangba-nü abi müirüti sürü abi lümcho la dsi liro, arüh te lüpchola atsa du nguchirepü Ihsanü müdhele.

ROMRÜ 8:30

Sürü Tsingrangba-nü pathsa yohpücho, arüh abinü dsicho; ko sürü abinü dsicho, abinü langjü abi ahechi arüh te changtacho.

GALATIARÜ 3:14

Tsingrangba-nü Abraham te nyengchocho amüwa tsü Khrista Jisu khu yangpirü khyang jünung nengdang, ko Tsingrangba-nü nyengchocho Anbü tsü Ihsanü yudsi khu khyüchonung nengdang Khrista-nü hi nguchicho.

EFESIARÜ 4:32

Hütsü mülih, nührü khüdunü khüdu te müita ko kangli tsata lieng, ko Tsingrangba-nü Khrista khu mülang pehjücho kyo, nührü khüdunü khüdu mülang pehjütaang.

1 TESALONIKARÜ 5:15

Sünüsü amütsa müli amütsa tüjü, ta lede khüdunü khüdu te ko atümung te atsa nguchinung nahdhingkeh thsaang.

IBRIRÜ 12:17

Abinü akhanglang Au amüwa khyünyücho; ta iipehcho, tunüo nahshükih threh yangchinye, abinü akhudi tu nguchicho hütsü mülichinung mükohcho.

IBRIRÜ 6:14

Abinü yocho, “Ihnü nüh müwajünung ko khütang trahchosohnung Ihnü nyengchore.”

1 PETER 5:10

Ta nührü azachah chongchapü khanglang achomang Tsingrang, sünü Khrista la lede ahechi changtanung nührü dsicho, abinü nührü pisasohnung, ko nührü drengdreng suzehsohnung ko nührü müshehchisohnung.

1 SAMUEL 26:11

Abüdongba-nü throchehcho yangthsaba chah kheh müküdunung Abüdongba apunü Ih yatieng. Ihsanü abi thsuh ko dhomo khyüpü tsinung.”