1 PETER 3:4 - AMÜSA BAIBEL (BSI)

⁴ Hütsü mülih, nührü lasiking tsah atsa, müshi-müziba tsah atsa, aküna ko alonglüm nbü, khüi Tsingrangba lahpi amii adiuba liro, hiri kehbae.

1 PETER 3:4 Iomraidhean Croise

NENGSEKHI 131:2

Ta, Ih longsü ko tbachi lile. Akhunganü atpa nyikih chah sahmüthsacho kyo, I lasih kyahshang lile.

NENGSEKHI 147:6

Abinü alonglümrü dhimüsure, ta amütsarü alih chah kengkeh nyehre.

NENGSEKHI 149:4

Abüdongba-nü Abi nyitsarü te künyangre; Abinü alonglümrü akoh ngusoh dhichire.

NENGSEKHI 25:9

Abinü alonglümrü athsalangla nüre ko arüh te Abi lümlong dore.

NENGSEKHI 45:13

Yangthsaba kuh la tsü atsulatpü lile, abükyü tsah khüta atsa! Abükyü jengki tsü hon shenü kyahcho.

NENGSEKHI 51:6

Nühnü dhsütahba tsü müci jüba ko yuje tsü lile; Nü lümlongnü I lasih jengjüng.

ISAYA 11:4

abinü ailümrü yu tsa khanung ko atrorü mülirü athsalang khümnung. Abi yuzeng la müyurü khingchinung, ko amütsarü sünung.

ISAYA 29:19

Ailümrü ko alonglümrünü Israel Amüsa Tsingrang, Abüdongba-nü arüh khyang jüba akünyang tsü thali ngunung.

ISAYA 57:15

“Ih müchangkapü liba amichahba ko Amüsa Tsingrang. Ih amilang ko Amüsa müdümla lire, ta arüh longlangba ko arüh alongdi lisohnung, longlüm ko lasih thsamülaba müyurü yolasü Ih lire.

ISAYA 61:1

AbüdongbaTsingrang nbü I chah lile, tunüo ailümrü yang yusi atsa thsingyunung. Lasih dhsa lirü kyangjünung, Kümyoh lirü müthehnung, Ko arangyoh la lirü nengdang nyüje sobhonung Abinü Ih müyühjü throchehcho.

JEREMIA 51:59

Yangthsaba Zedekia jing te athrahba tsü Maseia shümtsurü ko Neria tsurü Seraia licho. Juda la Zedekia yangthsacho kang müyüula, Seraia tsü abi yola Babylon lang wücho, ko Ihnü abi khyang athülaba khürü jücho.

MATHI 11:29

Nührünü I hongzih khyüng ko hütsü dhieng, ko I chahnü nyichoung, tunüo Ih alonglüm ko künale; ko nührünü akyahshang ngunung.

MATHI 21:5

“Zion yangdi te young, Dhing, nü yangthsaba nüh yang tsehle! Abi alonglüm ko Gadu za khüdu chah pümpü.”

MATHI 23:26

Anatoh Farisirü! Shing ayonglang tsü akhu thsütohng, hütsükhang amichah mii müsanung!

MATHI 5:5

Sürü longlümro arüh amüwanung; tunüo arühnü Tsingrangba-nü nyengchocho ngunung!

YUSE ATSA LUK 11:40

Adohrüti! Tsingrangba sünü amichah külüpcho, abinü ayonglangsü mükülüpcho do?

YUSE ATSA LUK 16:15

Jisu-nü arüh te yocho, Nyitsarü bete abürü jangjang amüsa kang ngusohba tsü nührüe, ta Tsingrangba-nü nührü lasih müdhele. Tunüo nyitsarü yola amii amülah liba kohro tsü Tsingrangba jingte amii mühle.

ROMRÜ 1:23

arühnü amüsüba Tsingrang müli, asüba nyitsarü, uza, kanglungrü mahkhang chitsiba kanglungrü kyoba kyothri mübüre.

ROMRÜ 2:29

Ta, yuje Jihudarü tsü, sü ayonglang lasiking la müjüp-pehro hütsü yujeba Jihudarü tsü lile. Ko hi tsü athrahcho yuzengnü mah, ta anbü nguchi khu lile. Hitari nyitsarü anengse tsü nyitsarü khunü mah, ta Tsingrangba chahnü lile.

ROMRÜ 6:6

Ko amünyi zii afü thsangnyangnung ko adelü amünyi yurü mükangnung shulüm, Ihsa ahiba akang tsü khala chah Khrista te hamkehpehkopü Ihsanü müdhele.

ROMRÜ 7:22

I lasih la Ihnü Tsingrangba yuzeng la künyangre.

2 KORINTRÜ 10:1

Ih, Paul-nü nührü te Ipu nengdang kihchire. Ih nührü yola lide alonglüm ko aküna, ta nührü tenü za lide akako. Khrista alonglüm ko aküna ko amüi khu Ih nührü yanglang rode zii müchürosohnung kihchire;

2 KORINTRÜ 4:16

Hütsü ngangnü ihrünü khodesü suzah mühle. Ihrü shutsa akang hi chang tsinye, ihrü anbü akanglü nyümong mükhu asi kangre.

GALATIARÜ 5:23

alonglüm, ko abürü jangjang rahsehba. Hiri chah khu apa yuzeng tu mühle.

EFESIARÜ 4:2

Lede azikyah kang, longlüm, ko rangcho lieng. Khüdunü khüdu te rangchotanü nührü amüi ngusohng.

KOLOSIRÜ 3:12

Nührü Tsingrangba nyitsarü lile; abinü nührü müicho ko nührü apu yo thsanung throchehcho. Hütsüeko nührünü dhsa lümba, amüi, azikyah kangba, alonglüm, ko arangcho hiri khüm.

KOLOSIRÜ 3:3

Tunüo nührü sücho, ko nührü akang Khrista te Tsingrangba la rangpüle.

1 TESALONIKARÜ 4:11

Ihrünü amüngunü nührü te yocho roh-i, sahmüthsa linung, nührü nguchi nguchinung, ko nührübürü akang linung shehshenung lüm.

2 TESALONIKARÜ 3:12

Hitari nyitsarü te akang athsalangnü linung, ko palu akang nengdang nguchinung ihrünü Abüdongba Jisu Khrista nengla yuzeng jüre.

1 TIMOTI 2:2

Yangthsarüti ko tase bichirüti nengdang, ko nyitsarü atümung nengdang akihchiba, dangkhidangnang, kihchijüba ko anengse Tsingrangba khyang jüng.

2 TIMOTI 2:25

abi nyümrü longlümnü müchongchijüng, tunüo Tsingrangba-nü arüh lasih thsamülasohnü yuje tsü müdhe ronung kohle.

TITAS 3:2

Sü nengdangsü amütsa müchonung, ta tsata linung ko lede atümung te kangli atsa ngusohnung young.

JAKOB 1:21

Hütsüeko amümüsa ko akhürah saying apüm pehjüng. Ko Tsingrangba-nü nührü lasih la lengjüba yu khüinü nührü khümchonung kohro hütsü khyüchoung.

1 PETER 1:23

Tunüo akang liba ko müchangkaba Tsingrangba yu khu asüba mah, ta amüsüba tpurü chahnü tsuzarü roh-i nührü anyüpiu suroko.

1 PETER 3:15

Ta nührü lasih la Khrista jengreng drüng, ko Abüdongba roh-i abi heching. Shikhe apüm la, masüte abi chah nührü alongdi changnah youngde yochehnungthsa rungnüm lieng,

1 SAMUEL 16:7

Ta Abüdongba-nü abi te yocho, “Abi khütoi thseng ko pümtrung tsanye pehjüng. Ihnü abi müthro, tunüo Ihnü nyitsarü kyo yu mükhare. Nyitsarünü amichah dhingre, ta Ihnü lasih du dhingre.”