1 PETER 3:1 - AMÜSA BAIBEL (BSI)

¹ Hütsü roh-i nitpürüti, nührü niirü khürünü Tsingrangba yu müyudsinye, nührü sayingnü arüh yudsisohnungthsa arüh pohki lieng. Nührünü yu khüdusü yonung müdhsütah,

1 PETER 3:1 Iomraidhean Croise

LIPOH 3:16

Ko Abinü khingkutpü te yocho, “Ihnü nüfü müdingde adhsangthsi alaa ko azarü surode adhsa alaa kangsohnung. Hitanye nühnü nü nii alaa mükhyahnung ko nüh abi dikehrü thsanung.”

CHOYOH 11:30

Amüsabanü akang jüre, ta shüh threhbanü hütsü hitsire.

CHOYOH 18:19

Jünirü atrota tsü akhümkhüm yangdi tbü kyole, ta abi te yubejarongkhang, abinü nü khyang kukhang tohti pehnung.

MATHI 18:15

“Nü jünirünü nüh nyüm amünyi shitpahkhang, abi yang wüng ko abi thsamehcho tsü ngusohng. Ta hütsü rangnü nühjü kahla du nguching. Abinü nüte nyikhang nühnü nü jünirü jingchoko.

ROMRÜ 10:16

Ta Yuse Atsa tsü atümung nülü mükhyücho. Isaya apunü yocho, “Abüdongba sünü ihrü yu yudsicho?”

ROMRÜ 6:17

Ta Tsingrangba neng seing! Tunüo nührü khüdupi amünyi yurü thsanye, nührünü khyüchocho adoba lanü nguba yuje la tsü nührü lasih apümnü nyicho.

ROMRÜ 7:2

Adüzünü, axengcho khingkurü khüdu tsü anii akang li tashi yuzengnü anii te rah lile; ta anii sükhang, abükyü rah mühle.

1 KORINTRÜ 11:3

Ta nyitsarü atümung michah Khrista tsü athah, anii tsü anitpü michah athah, ko Tsingrangba tsü Khrista michah athah-epü nührü te nyichehsohnyüre.

1 KORINTRÜ 14:34

ashibülung la khingkurünü sahmüthsa püm. Jihudarü yuzengnü yocho kyo, arüh chonung mümülare, arüh atrotarü du thsaang.

1 KORINTRÜ 7:16

Khristan nitpü, nühnü nü nii mükhümchonungepü khüta müdhero? Mahkhang Khristan anii, nühnü nü nitpü mükhümchonungepü khüta müdhero?

EFESIARÜ 5:33

Ta hi nührü nengdangsü lile: Nührünü abürü roh-i nitpürü tsü müibae, ko nitpürünü niirü jengreng drübae.

KOLOSIRÜ 3:18

Nitpürüti, nührü niirü pohki lieng, tunüo hütsü khristanti anguchinung.

KOLOSIRÜ 4:5

Nührünü müyudsirü te nguchi te bekhyah atsa apüm sihthsa bichieng.

2 TESALONIKARÜ 1:8

mihmüle la ronang, Tsingrangba mükhyüchorü ko Abüdongba Jisu Yuse atsa yocho münyirüti khingchinung.

IBRIRÜ 11:8

Yudsinü khode Tsingrangba-nü abi khyang anyengchocho limih jünung lang shemüsunung dsicho, Abraham-nü yochonyicho. Abinü abi khüilang würünang mümüdhepü abi yang pehjücho.

IBRIRÜ 5:9

Khode abi dekhing kangsohcho, ayu nyirü atümung nengdang abi tsü müchangkaba akangcheh pohchehchah kangcho,

1 PETER 1:22

Ade nührünü yuje te yochonyichonü nührübürü müdhsengchehko ko müjang yudsirüti nengdang khele müire, nührü lasih atümungnü khüdunü khüdu te müitaang.

1 PETER 3:2

tunüo arühnü nührü saying khütoh-i amüchong ko amüsa hütsü ngunung.

1 PETER 3:7

Hütsü roh-i, niirüti, nührü nitpürü tsü nührü tenü suh amüzehbaepü nyicheh libae. Arüh te jengrengjo bichieng, tunüo Tsingrangba akang jiyü tsü arühsü nührü te müjang ngunung. Nührü dangkhidangnang tunü mülongmüzinung nengdang hiroh-isü nguching.

1 PETER 4:17

Yukhanung becho chihko, ko Tsingrangba apu nyitsarüti akhu yu khanung. Hütsü Ihsa chahnü dikehkhang, Tsingrangba Yuse Atsa chah müyudsirü achangka suro tu thsanung?