1 PETER 1:3 - AMÜSA BAIBEL (BSI)

³ Ihsa Abüdongba Jisu Khrista Au Tsingrang khyang Ihsanü anengse jonung! Tunüo abi yanglilüm amülahnü asücho lanü Jisu Khrista kanglisohcho khu Ihsa khyang akang asi jüko. Hinü Ihsa khyang akang liba alongdi khüdu jüre,

1 PETER 1:3 Iomraidhean Croise

1 YANGTHSARÜTI 8:15

Abinü yocho, “Israel Tsingrang, Abüdongba neng seing! Abinü Iu David te hita nyengcho yohpücho,

1 ROHTHÜP 29:20

Hütsüpü David-nü müyurü te yuzengjo yocho, “Abüdongba nührü Tsingrang neng seing!” Achotsü ashimükhongrü apümnü arüh jümürü Tsingrang Abüdongba secho ko mükhukeh Abüdongba ko arüh yangthsaba khyang adhichi jücho.

2 ROHTHÜP 31:8

Yangthsaba Hezekia ko abi thsazirütinü hütsütoi jücho ngude, arühnü Abüdongba nengsecho ko abi müyurü Israelrü secho.

NENGSEKHI 41:13

Israel Tsingrang Abüdongba seing! Ade ko lede Abi seing! Amen! Amen!

NENGSEKHI 86:15

Ta O Tsingrang, Nüh yanglilüm ko amüi Tsingrang, lede arangcho, lede amüi ko yuje.

NENGSEKHI 86:5

Nühnü ihrü te tsare ko mülang pehjüre, Nüte kihchirü atümung te müthrehba amüinü jeng lile.

NÜCHEHCHO 34:6

Hütsüpü Abüdongba-nü abi bete lahkhucho ko züdecho, “Ih Abüdongba, amüi ko yanglilümnü jeng, zah zii müchüroba, amüi amülah ko longlangchehba Tsingrang.

ISAYA 26:19

Ihrü nyitsarü sürü sücho arüh thali kanglinung! Arüh fü kangli ronung. Kong la yüpjorü apüm jesunung ko akünyangnü khi thsanung. Yingkihnü alih tbachijücho kyo, süpü anyahli lirüti, Abüdongba-nü kanglisohnung.

JONA 4:2

Achotsü abinü yocho, “Abüdongba, Nühnü hita nguchiririepü müshemüsuedenü Ihnü müyocho do? Hütsü khyanglangnü I nengdang Tarshish lang rangkhu tsinung tsü atsauba thsacho. Nüh amüi ko yanglilüm Tsingrang, lede arangcho, lede atsa, ko lede lasih thsamüla, akhingchi müjüba Tsingrangepü Ihnü müdhele.

JOHAN 1:13

sürü ashüh mahkhang shutsa mahkhang nyitsarü lümcho la müsuro ta Tsingrangba chahnü surocho.

ROMRÜ 12:12

Alongdila künyang, akhingchi la rangchoung, ko lede dangkhidangnang.

ROMRÜ 15:13

Anbü Amüsa zii khu nührü alongdi zinung shulüm, alongdi Tsingrang-nü nührü yudsi khu akünyang ko atbachinü nührü jengsohng.

ROMRÜ 4:25

Ihsa münyi ngang abi asünung khakhuchüjücho, ko Ihsa langjünung nengdang abi kanglicho.

ROMRÜ 5:10

Ihsa Tsingrangba rorüh thsacho, ta abi Tsurü sücho khu abinü Ihsa abi shangrü kangsohcho. Ade Ihsa Tsingrangba shangrü lile, khang Khrista akang khu Ihsa khütoh-i alaa khümchonung!

ROMRÜ 8:11

Jisu asücho lanü kanglisohba Tsingrangba Nbü nührü chah likhang, nührü chah Anbü licho khu Khrista asücho lanü kanglisohbanü nührü asüba fü khyangsü akang jünung.

ROMRÜ 8:24

Tunüo hiba alongdila Ihsa khümchoko; ta nahnü nguba alongdi tsü yuje mah. Tunüo ngucho khüdu nengdang sünü longdiro?

1 KORINTRÜ 13:13

Hütsünü yudsi, alongdi ko amüi; hiri asang lede lile; ta hiri yola amüi adiuba.

1 KORINTRÜ 15:20

Ta yujenü, yüpseh lirüti kanglinung amüdhethsa, Khrista asücho lanü kangliko.

2 KORINTRÜ 1:3

Ihsa Abüdongba Jisu Khrista Au Tsingrang ko Yanglilümba Au, apüm trobong Tsingrang neng Ihsanü senung!

GALATIARÜ 6:16

Khütoinü hiba yuzeng bichiro, arüh te ko Tsingrangba tsurü atümung te atbachi ko yanglilüm thsaang!

EFESIARÜ 1:17

ko Ihsa Abüdongba Jisu Khrista Au ahechi Tsingrangba te nührü khyang Anbü Amüsa, sünü nührü lümlong li kangsohnung, ko Tsingrangba nührü yang mishasohnung, khüinü nührünü abi müdhenung, hütsü jüngpü kihchijüre.

EFESIARÜ 1:3

Ihsa Abüdongba Jisu Khrista Au Tsingrang khyang anengse jünung! Tunüo Ihsa Khrista te kehtachonü ninglanglih anbü amüwa lüpcho abinü Ihsa khyang müwajücho.

EFESIARÜ 1:7

Tunüo Khrista sücho khu Ihsa lehchehko, ko Ihsa münyi pehjüko.

EFESIARÜ 2:4

Ta Tsingrangba achomang bholora, ko Ihsa nengdang abi amüi dirachonü,

EFESIARÜ 3:20

Tsingrangba sü ziinü Ihsa chah nguchinü Ihsanü kihchicho mahkhang lümdhingcho tenü alaa nguchinung kohro:

KOLOSIRÜ 1:23

Ajüje, nührünü yudsi la drengdreng ko mümühachipü mütozah lieng, ko nührünü yuse atsa khunü nguba alongdi la tsünü nührübürü tüshümshümsoh. Hiba yuse atsa khüi liküprü te thsingyucho, hi nengdang Ih, Paul dikehrü khüdu kangcho.

KOLOSIRÜ 1:27

Tsingrangba lümchung tsü hiba bholo, ko thsidi arangyu khüi abi nyitsarü atümung nengdang liro, abi arangyu tsü apu nyitsarü te müdhesohnung Tsingrangba lümchung lile. Ko hiba arangyu tsü nührü chah Khrista lile, adüzü nührünü Tsingrangba ahechi la changtanung.

1 TESALONIKARÜ 1:3

Tunüo nührü yudsi khüta nguchi kangcho ko Abüdongba Jisu Khrista la nührü alongdi drengdrengcho nengdang, ihrünü Ihsa Au Tsingrang bete lümchehre.

1 TESALONIKARÜ 4:13

Jünirüti, alongdi mülirüti roh-i nührü müwahnung nengdang, asürüti nengdang ihrünü yuje tsü nührü khyang müdhesohnyüre.

2 TESALONIKARÜ 2:16

Ihsa Abüdongba Jisu Khrista apunü ko Au Tsingrang sünü Ihsa müicho, ko abi achomang la Ihsa khyang müchangkaba re ko adrengdreng alongdi jücho,

1 TIMOTI 1:14

Ko Ihsa Abüdongba-nü I khyang abi achomang bholo mükhakehjücho ko Jisu Khrista la yudsi ko amüi jücho.

TITAS 2:13

hütsü Ihsanü longdiba amüwajüba Nyümong, khode Ihsa adibong Tsingrangba ko Ihsa Kangchehjüba Jisu Khrista ronang, hütsü nengdang yingre.

IBRIRÜ 3:6

Ta Khrista-lü Atsurü roh-i Tsingrangba Kuh michah longlangcheh axükümrü licho. Ihsa alongdi la rezeh ko longlangcheh likhang Ihsa abi kuh.

JAKOB 1:18

Abinü thricho akang apüm yola amungthriba kangnungthsa, apu lümchonü yuje yu khu abinü Ihsa chürosohcho.

1 PETER 1:13

Hütsünü, nguchinung nengdang nührü lüm thsachehng. Jisu Khrista mishade nührü khyang jünung liba achomang nengdang mungkhung longdieng ko lümkang.

1 PETER 1:21

Abi khu asücho lanü abi kanglisohba ko ahechi jüba Tsingrangba chah nührünü yudsire; hütsü nührü yudsi ko alongdi Tsingrangba chah lile.

1 PETER 1:23

Tunüo akang liba ko müchangkaba Tsingrangba yu khu asüba mah, ta amüsüba tpurü chahnü tsuzarü roh-i nührü anyüpiu suroko.

1 PETER 2:2

Akhungarüti roh-i, anbü nyikih amüdhseng mürung, hütsü yongchonü nührü zinung ko khümchonung.

1 PETER 3:15

Ta nührü lasih la Khrista jengreng drüng, ko Abüdongba roh-i abi heching. Shikhe apüm la, masüte abi chah nührü alongdi changnah youngde yochehnungthsa rungnüm lieng,

1 PETER 3:21

khüi nührü ade khümchoro hütsü baptiba adüzü thonguchoba lile. Hiba hi fü chah axüh mütsahpehchoba mah, ta lümlong amüchongnü Tsingrangba te anyengchoba külüpcho lile. Jisu Khrista kangli ropü,

1 PETER 3:5

Tunüo atsicho shikhela khakhuchüjüba khingkurüti Tsingrangba chah longdinü arüh palu niirü pohki lichonü arühbürü tangsohcho.

1 JOHAN 2:29

Khrista tsü amüsabaepü nührünü müdhele; khang sürünü tu yuje hütsü nguchiro, arüh tsü Tsingrangba tsurüepü nührünü müdhebae.

1 JOHAN 3:3

Khrista chah sünü hiba alongdi liro arühnü khüroh-i Khrista amüsa hütsü roh-i apu jangjang müsa yohpüre.

1 JOHAN 3:9

Sü Tsingrangba tsurü liro abinü amünyi mübichire, tunüo Tsingrangba yangthsa abi chah kehle; ko Tsingrangba tsü Au thsachonü, abinü amünyi mübichire.

1 JOHAN 4:7

Amüi jünirüti, Ihsanü khüdunü khüdu te müitanung, tunüo amüi tsü Tsingrangba chahnü rore. Sünü müiro abi Tsingrangba chahnü surocho, ko abinü Tsingrangba müdhele.

1 JOHAN 5:1

Sünü Jisu tsü Mesia-epü yudsiro abi Tsingrangba tsurü lile; ko sünü Au müiro abinü Atsurüsü müire.

1 JOHAN 5:18

Tsingrangba tsurünülü amünyi mübichirepü Ihsanü müdhele, tunüo Tsingrangba Tsurünü abi khümcho yohpüre, ko münyirünü abi thsakehjünung mükoh.

1 JOHAN 5:4

tunüo Tsingrangba tsurü müipinü limih kohnung kohle. Ko Ihsanü Ihsa yudsi khunü limih chah akoh tsü ngure.