1 PETER 1:2 - AMÜSA BAIBEL (BSI)

² Au Tsingrang-nü lümcho la, anbünü nührü amüsa nyitsarü kangsoh, Jisu Khrista yochonyi ko abi shühnü thsütohsohnung nengdang nührü throchehcho. Nührü te achomang ko atbachi bholo lisohng.

1 PETER 1:2 Iomraidhean Croise

2 TESALONIKARÜ 2:13

Abüdongba-nü müiba jünirüti, nührü nengdang bekhyah apüm la ihrünü Abüdongba khyang anengse jüre. Tunüo yuje la nührü yudsinü ko nührü Tsingrangba amüsa nyitsarü kangnung Anbü ziinü nührü akhu khümchorü yola zehnungba abinü nührü throcho.

1 PETER 1:22

Ade nührünü yuje te yochonyichonü nührübürü müdhsengchehko ko müjang yudsirüti nengdang khele müire, nührü lasih atümungnü khüdunü khüdu te müitaang.

IBRIRÜ 12:24

Nührü azengchotacho asi külüpba ko Abel shüh tenü atsau anyengchocho shüh xahkehba Jisu yanglang ro lile.

ROMRÜ 11:2

Tsingrangba-nü adikeh lanü throchehcho apu nyitsarüti mükhyüchopü mühle. Israelrü nyümnü Elija-nü Tsingrangba te kihchibala tsü amüsa yunü tu yoro nührünü müdhele.

2 PETER 1:2

Tsingrangba ko Ihsa Abüdongba Jisu nührünü müdheba la achomang ko atbachi ajeng thsaang.

RIWÜRÜTI NGUCHI 2:23

Tsingrangba apunü lümcho roh-i nührü khyang Jisu khakhuchüjünung abinü throchehko hamkehsoh nührünü abi müpsehko.

ROMRÜ 16:26

Ta ade, azikehrünü thrahcho khu hütsüba yu tsü misha lile; ko müchangkaba Tsingrangba yuzeng khu, atümungnü yochonyi yudsisohnung hütsü yucho atümung khyang müdhesohko.

2 TIMOTI 2:10

ko müchangkaba ahechi Jisu Khrista khu hiroba akangcheh tsü Tsingrangba throchehcho nyitsarü khyang ngusohnyülangnü Ihnü lüpcho rangchore.

1 KORINTRÜ 6:11

Hütsütari khürü nührü yola licho. Ta Abüdongba Jisu Khrista nengla ko Ihsa Tsingrang Anbü la nührü thsütohko; nührü müsachehko; ko nührü langjüko.

MARK 13:27

Hütsüde, abinü ninglang riwürüti limih jongnah müyülang Tsingrangba-nü throchehrüti alih changka khüulangnü khüulang chii nübülungnung müthehchünung.”

MARK 13:20

Ta Abüdongba-nü hütsüri nyümong kyüpehjüko; hütsüta müthsarelang, süsü mükhümchobae. Athrochehrü khyanglangnü, abinü hütsüri nyümong kyüpehjücho.

IBRIRÜ 10:22

Hütsüeko Ihsanü lasih apümnü ko yuti khu, thsameh lümba lanü müsachehba lasih ko kih amüsengnü mütsahcho afü zeh Tsingrangba shündhün wünung.

ROMRÜ 16:19

Nührü ayochonyicho atümungnü yuchiko, hütsü nengdang Ih künyangre. Nührü atsa la lümzeh ko amütsa la khoto lisohnyüre.

ROMRÜ 8:33

Tsingrangba-nü throchehcho nyüm sünü mülangjünung? Tsingrangba apunü arüh langjüpehko.

YUSE ATSA LUK 18:7

Tsingrangba-nü apu nyitsarü sürünü abi te ama tsingse arüku nengdang züdero arüh khüm yu mükhanung ang? Arüh tronung abinü münunung ang?

MATHI 24:24

Tunüo arahkheh Mesia ko arahkheh azikehrüti chüronung; kohkhang, arühnü Tsingrangba athrochehrüti mii thsüyohchünung nengdang thsayahiya ko anyemüyangnung nguchinung.

MATHI 24:22

Ta Tsingrangba-nü nyümong adrong khipehjüko; hütsüta müthsalang, süsü mükhümchonung. Ta abi athrochehrüti khyanglangnü Tsingrangba-nü nyümongti tsü khipehjünung.

AZIKA YU 7:6

Hi nguching tunüo nührü Abüdongba Tsingrang yo lile. Limih la nyitsarü apüm yolanü Abinü apu yo thsanung nührü throchehcho.

1 PETER 2:9

Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.

IBRIRÜ 11:28

Yudsinü, asü riwürünü Israelrü aukhurüti mümüpsehsohnung nengdang abinü Phungkhu Thsüti ko kukhang chah ashüh xahkehba külüpcho.

ROMRÜ 15:16

Yangpirüti tsü Tsingrangba jingte akhyüchochehba amübü khüdu, Anbü Amüsanü müsachehjüba thsanung nengdang, Yuse Atsa thsingyubala Ih bebürü khüdu kyo dikehcho.

ROMRÜ 8:13

Tunüo nührü shutsa la likhang, nührü sünung; ta Anbünü nührü amünyi nguchiti süsohkhang, nührü akang linung.

ROMRÜ 1:7

Hütsüta Tsingrangba-nü müiba ko apu nyitsarü thsanung Rom la lirü nührü atümung yang Ihnü thrahre. Ihsa Au Tsingrangba ko Abüdongba Jisu Khrista chahnü nührü yanglang achomang ko atbachi thsaang.

ROMRÜ 1:5

Abi khu Tsingrangba-nü yuchoti atümung yudsisohnung ko yocho nyisohnung, Khrista khyanglangnü Ih riwürü khüdu kangnung yanglih jücho.

RIWÜRÜTI NGUCHI 15:18

Hütsüta papadenü hi müdhesohba Abüdongba-nü yore.’ ”

DANIEL 4:1

Yangthsaba Nebukadnezar-nü yusi hi limih la yanglih, ahung ko yucho apüm yanglang müthehcho: “Salüm!

JUDA 1:2

Achomang, atbachi ko amüi nührü te bholo lieng.

IBRIRÜ 5:9

Khode abi dekhing kangsohcho, ayu nyirü atümung nengdang abi tsü müchangkaba akangcheh pohchehchah kangcho,

KOLOSIRÜ 3:12

Nührü Tsingrangba nyitsarü lile; abinü nührü müicho ko nührü apu yo thsanung throchehcho. Hütsüeko nührünü dhsa lümba, amüi, azikyah kangba, alonglüm, ko arangcho hiri khüm.

2 KORINTRÜ 13:14

Abüdongba Jisu Khrista achomang, Tsingrangba amüi ko Anbü Amüsa azehba nührü atümung te lieng.

2 KORINTRÜ 10:5

Ihrünü arahkheh yurehta thsangnyangjüre; ko Tsingrangba lümlong yatiba ihrünü khülusohre; Ihrünü alümcho apüm rahseh Khrista yocho nyisohre.

ROMRÜ 11:28

Arühnü Yuse Atsa mükhyüchochonü, nührü yangpirü thsacholanü Tsingrangba te Jihudarü arorüh kangcho. Ta Tsingrangba-nü throchehchonü ko arüh jümürü khyanglangnü arüh abi shangrü lile.

RIWÜRÜTI NGUCHI 20:32

“Ko ade Tsingrangba ko abi achomang yu khüinü nührü dhikehjünung kohro, ko atümung nengdang abi amüwala nührü nyümkeh yohpüjüre.

TITAS 1:1

Tsingrangba dikehrü ko Jisu Khrista riwürü Paul chahnü. Tsingrangba-nü throchehcho nyitsarü yudsi la tronung, ko Ihsa yangthsanü yocho yuje thongunung khüiba müchangkaba akang alongdi liro, hütsü nengdang Ih throcheh müthehcho.

1 KORINTRÜ 1:30

Ta nührülü Tsingrangba-nü Jisu Khrista te kehtasohko, ko Tsingrangba-nü Khrista tsü Ihsa lümlong kangsohko; Ihsa Tsingrangba amüsa nyitsarü ko nyüje kangsohko.

MARK 13:22

Tunüo arahkheh Khristanti ko arahkheh azikehrüti chüronung. Kohkhang, arühnü athrochehcho nyitsarüti miinü kihyochünung nengdang thsayahiya ko anyemüyangnung nguchinung.

MATHI 24:31

Rühti arangcheh mehnung, athrochehrüti alih achangka khüulangnü khüulang chii nübülungnung nengdang abinü ariwürüti limih jongnah müyülang müthehnung.

ISAYA 55:7

Amütsarünü arüh lang pehjüsohng, ko arüh lümlong mülihchisohng. Arühnü Abüdongba, Ihsa Tsingrang yang ximülasohng; Abi yanglilüm ko zah mülang pehjüba.

2 JOHAN 1:13

Nühnü müiba jünilarü tsurütinü salüm müdhesohre.

2 JOHAN 1:1

Aziba chahnü— Amüiba sangpi ko atsurüti, Ihnü dee müthsümbarü yang. Ko I mülengnü mah, ta sürünü yuje müdhero arüh atümungnü nüh müire,

DANIEL 6:25

Hütsüpü yangthsaba Darius-nü limih la yanglih, ahung ko yuchoti apüm te hi thrahcho: “Salüm!

ISAYA 65:9

Ihnü Juda tsutpu Israelrü müwajünung, ko arüh trahnü Iyo azong lih khyünung. Ihnü throchehrü, ko I dikehrüti, hütsüla linung.

LEVIRÜ 1:5

Abinü misüpung tsü hütsüla müpsehnung ko Aron hung bebürütinü ashüh tsü Abüdongba khyang jünung ko Shükuh trahtri la bholu müyüdinglang tungkehjünung.

1 PETER 1:14

Tsingrangba te yocho nyieng, ko nührü amümüdhe shikhe liba saying roh-i akang tüli.

1 PETER 1:19

ta arah ko lapha mükehba sanza Khrista thsidi shühnü rochehcho.

1 PETER 1:20

Limih müthridenü abi Tsingrangba-nü throchehcho ko nührü khyanglangnü hiri achangka nyümongti la mishacho.