1 JOHAN 5:6 - AMÜSA BAIBEL (BSI)

⁶ Jisu Khrista tsü kih ko ashüh la rocho; abi kih la du mah, ta kih ko ashüh la rocho. Ko anbü apu tsü yuzi, tunüo anbü tsü yuje.

1 JOHAN 5:6 Iomraidhean Croise

EZEKIEL 36:25

Ihnü nührü chah kih amüdhseng xahkehjünung ko kyothri ko lüpchonü nührü münyijücho lanü müsachehjünung.

LEVIRÜ 17:11

Akang liba apüm akang tsü ashüh la tsü zehle, hütsünü amünyi pehnung nengdang ashüh apüm tsü bholu chah tungkehnung Abüdongba-nü yuzeng jüko. Ashüh, khüi akang liro, hütsünü amünyi hitsire.

ZEKARIA 9:11

Abüdongba-nü yore, “Kangmübü shühnü shingti nührü te zengtachonü, Ihnü nührü nyüje kangsohnung yangtsila kungcheh licho shukuh lanü lehchehnung.

MATHI 26:28

“Hiba hi I azengtacho shüh lile, khüi adrong mülangpehjünung nengdang khatohcho.

MATHI 3:16

Jisu bapti yeng, abi kih lanü chürocho. Hütsüde ning khangthrucho, ko abinü Tsingrangba nbü mümüdhrü roh-i jüro abi chah pümcho ngucho.

MARK 14:24

Jisu-nü yocho, “Hiba hi I shüh khüiba adrong nengdang khatohcho, I shüh khüinü Tsingrangba azengtacho shingkehre.

YUSE ATSA LUK 22:20

Hütsü roh-i, thsüti tsupü abinü shing tsü jonü yocho, “Shing hi nührü nengdang khatohcho I shüh la asi azengtacho lile.

JOHAN 14:17

Abi tsü Tsingrangba yuje mishajübong Anbü. Limihnü abi mükhyüchore, tunüo limihnü abi müngure mahkhang mümüdhe. Ta nührünülü abi müdhele, tunüo abi nührü te lire ko nührü chah lile.

JOHAN 14:6

Jisu-nü abi te lalingcho, “Lang, yuje ko akang tsü Ih; Ih mükhupü süsü Au yanglang müwücheh.

JOHAN 15:26

“Atrorü, Anbü sünü Tsingrangba yuje mishajüro abi Tsingrangba chahnü ronung. Ihnü abi Au chahnü nührü yang müthehnung, ko abinü I nengdang yuzi jünung.

JOHAN 16:13

Ta khode Tsingrangba yuje mishajübong Anbü tsü ronang, abinü nührü yuje apümlang nünung. Abinü alümyunü tu müchonung, ta abinü tu yuchicho, hütsü nengdang chonung ko aronung tu liro hütsüri nengdang nührü te yonung.

JOHAN 3:5

Jisu-nü lalingcho, “Ihnü nüte yutsatsa yore,” “Kih ko Anbü la müsurokhang, sünüsü Tsingrangba yanglih la züdunung mükoh.

JOHAN 4:10

Jisu-nü lalingcho, “Tsingrangba-nü tu jüro ko nüte ayongnung chingba tsü nühnü müdherelanglü, nühnü abi te chingbae, ko abinü nü khyang akangnung kih jübae.”

JOHAN 4:14

ta sürünü Ihnü jüba kih yongro khodesü müxonung. Ihnü jünungba kih tsünü abi chah kihnatung kangnung, khüi khu abi khyang akangnung kih ko müchangkaba akang jünung.”

JOHAN 6:55

Tunüo I shuh yuje atsuba; ko I shüh yuje ayongba.

RIWÜRÜTI NGUCHI 8:36

Anyüh jowüyade, kih azikyah licho müdüm khüdu chii rocho, ko adibong tsünü yocho, “Hila kih lile. Ih mübaptichehnungthsa tunü yatinung?”

ROMRÜ 3:25

Abi süchonü abi chah arüh yudsi khu arüh mülang pehji kangnung nengdang, Tsingrangba-nü abi amübü jücho. Abi amüsa ngusohnung nengdang Tsingrangba-nü hütsüta nguchicho.

EFESIARÜ 1:7

Tunüo Khrista sücho khu Ihsa lehchehko, ko Ihsa münyi pehjüko.

KOLOSIRÜ 1:4

Tunüo Jisu Khrista chah nührü yudsi ko Tsingrangba nyitsarüti atümung te nührü amüi nengdang ihrünü yuchiko.

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.

TITAS 3:5

abinü Ihsa khümchocho. Hütsü Ihsa jangjangnü nguchi atsa nguchichonü mah, ta apu achomangnü, Anbü Amüsa sü khu Ihsa thsütohjo, asi surosoh akang asi jüro, abinü Ihsa khümchoko.

IBRIRÜ 10:29

Khang Tsingrangba Tsurü müthsamünyüba tsülü khütanung? Tsingrangba azengchocho shüh khüinü abi amünyi lanü müsachehjüro, hütsü mükhimüchorü khüta? Achomang Nbü müthsamünyürü khüta? Abi akhingchi khütoh-i amütsau lengro lümdhing!

IBRIRÜ 12:24

Nührü azengchotacho asi külüpba ko Abel shüh tenü atsau anyengchocho shüh xahkehba Jisu yanglang ro lile.

IBRIRÜ 13:20

Tsingrangba-nü Ihsa Abüdongba Jisu, sü San nyahrü Adiuba ko sü kangmübü thsa sücho khu müchangkaba azengchota külüpcho, abi asü lanü kanglisohcho.

IBRIRÜ 9:14

Khang, Khrista shühnü khütoi alaa nguchichehpü linung! Müchangkaba anbü khu abinü Tsingrangba khyang apisaba kangmübü khüdu apu akang jücho. Ihsanü akang liba Tsingrang dikehchehnung nengdang abi shühnü akhyüchah müliba ayah mübü lanü Ihsa müsachehjünung.

IBRIRÜ 9:7

Ta amichahba bebüba du kang la khüdupi müyurünü mümüdhepü shitpahcho münyiti nengdang Tsingrangba mübünung ashüh bipü züdure.

1 PETER 1:2

Au Tsingrang-nü lümcho la, anbünü nührü amüsa nyitsarü kangsoh, Jisu Khrista yochonyi ko abi shühnü thsütohsohnung nengdang nührü throchehcho. Nührü te achomang ko atbachi bholo lisohng.

1 PETER 3:21

khüi nührü ade khümchoro hütsü baptiba adüzü thonguchoba lile. Hiba hi fü chah axüh mütsahpehchoba mah, ta lümlong amüchongnü Tsingrangba te anyengchoba külüpcho lile. Jisu Khrista kangli ropü,

1 JOHAN 1:7

Tanye abi atsingse la licho roh-i Ihsanü atsingse la likhang, Ihsa khüdunü khüdu te akehtala lile ko Atsurü Jisu Khrista shühnü Ihsa münyi apüm lanü müsachehjüre.

1 JOHAN 4:10

Amüi tsü hi: Ihsanü Tsingrangba müicho mah, ta abinü Ihsa müichonü atsudhre Ihsa münyi pehjünung nengdang müthehcho.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko

MISHACHO 5:9

Arühnü khi asi khüdu thsacho: “Thrahlohcho tsü khyo ashingticho tsü khangthrunung nüh adekheng. Tunüo nüh müpsehcho, ko nüh sücho khu ahung, yucho, limih ko atrah müipi lanü Tsingrangba khyang nühnü nyitsarü lihchehjüko.

MISHACHO 7:14

Ihnü lalingcho, “Ihnü mümüdhe, nühnü müdhele, adirü!” Abinü Ite yocho, “Hiri nyitsarüti hi adrünung dhsümthsedhsümloh lanü khümcho rorüti lile. Arühnü arüh jengki Sanza shüh la thsütoh thru kangsohko.