1 JOHAN 5:16 - AMÜSA BAIBEL (BSI)

¹⁶ Nü jünirü khüdunü sünung lengnü mahpü amünyi bichi ngukhang, nühnü Tsingrangba sünü abi khyang akang jünung abi te dangkhidangnangjüng. Hiba hi asünung müthsaba amünyi nengdang du lile.Ta asünung amünyi khüdu lile, hütsü nengdang dangkhidangnangjüng pü Ihnü müyore.

1 JOHAN 5:16 Iomraidhean Croise

LIPOH 20:17

Abraham nitpü Sara chah hütsüta tikehcho khu, Abüdongba-nü Abimelek kuh la khingkurü sünüsü tsuzarü müthsanung yatipehjücho.

LIPOH 20:7

Ta ade, khingkutpü tsü thali anii khyang jüng. Abi azikehrüe, nüh müsünung abinü nü khyang dangkhidangnangjünung. Ta nühnü abükyü thali müjükhang, nüh ko nü müyurü apüm sünungepü Ihnü nüh müzahsohre.”

NENGSEKHI 106:23

Tsingrangba-nü anyitsarü changjünungepü yode, Abi dikehrü Mosa-nü Tsingrangba nyüm yarü müchangjüsohnung Abi zii dümticho.

NÜCHEHCHO 34:9

Abinü yocho, “Abüdongba, yuje Nühnü I chah longlangkhang, Nüh ihrü yola rung pü Ihnü Nüte kihchire. Nyitsarü hiri lasih amüküp lile, ta ihrü mütsa ko münyi mülang pehjüng ko ihrü Nüpu müyurü kang khyüchoung.”

JEREMIA 11:14

Jeremia, hiri nyitsarü nengdang Ite tüdangkhidangnang mahkhang tükihchi. Arüh chongchala lide ko arüku nengdang kihchide, Ihnü arüh te mühnyinung.”

JEREMIA 14:11

Abüdongba-nü Ite yocho, “Hiri nyitsarü tronung Ite tütsingdhing.

JEREMIA 7:16

Abüdongba-nü yocho, “Jeremia, nyitsarü hiri nengdang tükihchi. Arüh nengdang tüzüde mahkhang tüdangkhidangnang; Ite tükihchi, tunüo Ihnü nüte mühnyinung.

EZEKIEL 22:30

Ihnü nyitsarü khürü sünü tbü khüdu külüpchehnung, sünü tbü trümnahcho müdümla tsü yachehnung ko I rihlong chüro hütsü thsangnyangjünung thsade tsungtichehnung, hitari yangchire, ta Ihnü hütsütari müngure.

KHIDHINGCHO 12:13

Achotsü Mosa-nü Abüdongba te zühdecho, “O Tsingrang, abükyü kyangjüng.”

KHIDHINGCHO 15:30

Ta khürünü ahsa thsangnyangkhang, abüdongrünye shuparünye, Abüdongba mükhimüngucho mülang thsanung, ko abilü süsohnung,

YUSE ATSA LUK 12:10

“Sünü Nyitsarü Tsurü nyüm chonang mülangpehjünung; ta sünü Anbü Amüsa nyüm müthsamünyüro hütsülü mülang müpehjünung.

JOHAN 17:9

“Ihnü arüh nengdang kihchire. Ihnü limih nengdang mükihchire, ta nühnü jübati nengdang kihchire, tunüo arüh nüyo lile.

2 TIMOTI 4:14

Alexander, ikengbongnü Ih khütang lerohpehjüko, abi nguchi aichi Abüdongba-nü jiyünung.

1 JOHAN 5:17

Thsamehcho apüm tsü amünyi; ta asünung müthsaba amünyi khüdu lile.

1 SAMUEL 12:19

ko arühnü Samuel te yocho, “Ihrü tüsüsoh pü Abüdongba-nü Tsingrang te kihchijüng. Ihrü münyi apa chah lahkeh, ihrünü yangthsarü khüdu chingba tsü amünyi shitpahko pü chünye ihrünü lümchehre.”

1 SAMUEL 2:25

Nyüh khüdunü aparü khüdu nyüm amünyi shitpahkhang, Tsingrangba-nü abi khümnung kohle; ta Abüdongba nyüm amünyi shitpahcholü sünü khümnung?” Ta arühnü au yu tsü mühnyicho, tunüo Abüdongba-nü arüh süsohnung dhrongchehpehko.