1 JOHAN 5:1 - AMÜSA BAIBEL (BSI)

¹ Sünü Jisu tsü Mesia-epü yudsiro abi Tsingrangba tsurü lile; ko sünü Au müiro abinü Atsurüsü müire.

1 JOHAN 5:1 Iomraidhean Croise

MATHI 16:16

Simon Peter-nü lalingcho, “Nüh Mesia, akang liba Tsingrangba Tsurü.”

YUSE ATSA LUK 7:5

Abinü ihrü nyitsarü dee müire ko ihrü khyang Sinagog-sü thsajüko.”

JOHAN 1:3

Abi khu Tsingrangba-nü lüpcho külüpcho; athrichola tusü abi müzehpü mükülüp.

JOHAN 15:23

Sünü Ih thrünyiro abinü I U sü thrünyire.

JOHAN 3:3

Jisu-nü lalingcho, “Ihnü nüte yutsatsa yonung: anyüpili müsurokhang sünüsü Tsingrangba yanglih müngunung.”

JOHAN 6:69

Ko nüh Tsingrangba chahnü rocho Amüsaba tsüepü ihrünü adelü müdhele ko yudsire.”

JOHAN 8:42

Jisu-nü arüh te yocho, “Tsingrangba tsü Yuje nührü Auelang, nührünü Ih müibae, tunüo Ih Tsingrangba chahnü rocho, ko hila lile. Ipu lümyunü müro, ta Ih abinü müthehcho.

RIWÜRÜTI NGUCHI 8:36

Anyüh jowüyade, kih azikyah licho müdüm khüdu chii rocho, ko adibong tsünü yocho, “Hila kih lile. Ih mübaptichehnungthsa tunü yatinung?”

RIWÜRÜTI NGUCHI 8:37

(Filip-nü yocho, “Nü lasih apümnü yudsikhang, nüh baptinung kohle.” Abinü lalingcho, “Jisu Khrista tsü Tsingrangba Tsurüepü Ihnü yudsire.”)

JAKOB 1:18

Abinü thricho akang apüm yola amungthriba kangnungthsa, apu lümchonü yuje yu khu abinü Ihsa chürosohcho.

1 PETER 1:3

Ihsa Abüdongba Jisu Khrista Au Tsingrang khyang Ihsanü anengse jonung! Tunüo abi yanglilüm amülahnü asücho lanü Jisu Khrista kanglisohcho khu Ihsa khyang akang asi jüko. Hinü Ihsa khyang akang liba alongdi khüdu jüre,

1 JOHAN 2:10

Sünü ajünirü müiro abi atsingse la lile, ko abi chah amüdekheng tu mühle.

1 JOHAN 2:29

Khrista tsü amüsabaepü nührünü müdhele; khang sürünü tu yuje hütsü nguchiro, arüh tsü Tsingrangba tsurüepü nührünü müdhebae.

1 JOHAN 3:14

Ihsa asücho lanü akang langi rokopü Ihsanü müdhele; ko Ihsanü Ihsa jünirü müichonüepü Ihsanü müdhele. Sünü mümüiro abi ade yingcheh asüba tase pohki lile.

1 JOHAN 3:17

Alirü khüdunü, jünirü khüdu dhsütah ngupü, ta alasih mülehchehkhang, abinü Tsingrangba müirepü khüta yonung?

1 JOHAN 3:9

Sü Tsingrangba tsurü liro abinü amünyi mübichire, tunüo Tsingrangba yangthsa abi chah kehle; ko Tsingrangba tsü Au thsachonü, abinü amünyi mübichire.

1 JOHAN 4:2

Hinü nührünü Tsingrangba Anbü a mahnang müdhenung: Sünü Jisu Khrista tsü shutsa la rochoepü chechorünang hütsü Tsingrangba chahnü rocho Anbü.

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.

1 JOHAN 4:7

Amüi jünirüti, Ihsanü khüdunü khüdu te müitanung, tunüo amüi tsü Tsingrangba chahnü rore. Sünü müiro abi Tsingrangba chahnü surocho, ko abinü Tsingrangba müdhele.

1 JOHAN 5:18

Tsingrangba tsurünülü amünyi mübichirepü Ihsanü müdhele, tunüo Tsingrangba Tsurünü abi khümcho yohpüre, ko münyirünü abi thsakehjünung mükoh.

1 JOHAN 5:4

tunüo Tsingrangba tsurü müipinü limih kohnung kohle. Ko Ihsanü Ihsa yudsi khunü limih chah akoh tsü ngure.

1 JOHAN 5:5

Sünü limih kohchehnung kohro? Jisu tsü Tsingrangba Tsurüepü sünü yudsiro abi dunü kohchehnung.