1 JOHAN 4:9 - AMÜSA BAIBEL (BSI)

⁹ Ko Tsingrangba-nü atsudhre hiba limih yang müthehcho khu abi amüi Ihsa te ngucho, hütsünü abi khu Ihsa akang ngunung.

1 JOHAN 4:9 Iomraidhean Croise

LIPOH 22:2

Tsingrangba-nü yocho, “Nühnü müibong, nü tsudhre Isak nüng ko Moria lih lang wüng. Hütsüla Ihnü thongunung zong khüdu chah I khyang abi kangmübü jüng.”

NENGSEKHI 2:7

Yangthsabanü yore, “Abüdongba-nü tu seyohjücho Ihnü müdhesohnung. Abinü Ite yocho, ‘Nüh I tsurü, chünye Ihnü nüh nümüsure.

MARK 12:6

Adelü müthehnung tsü nyüh khüdu du nying licho, hütsü apu amüiba tsurü licho. Hütsüde achangkathsa anguchirü yang atsudhre tsü müthehcho. ‘Ihnü lümre arühnü abi khyanglü jengreng jünung.’

YUSE ATSA LUK 4:18

“Abüdongba Nbü I chah lile, tunüo ailümrü khyang yusi atsa hironung abinü Ih müyühjü throchehcho. Arangyoh la lirü te nyüje seyohjünung ko nahtohrü trahsohnung; ko ayurü lehcheh müthehsohnung,

JOHAN 10:10

Aführünü afühnung, amüpsehnung ko thsangnyangjünung du rore. Nührü akang ajeng ngusohnung Ih rocho.

JOHAN 14:6

Jisu-nü abi te lalingcho, “Lang, yuje ko akang tsü Ih; Ih mükhupü süsü Au yanglang müwücheh.

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

JOHAN 3:18

Sürünü Atsudhre chah yudsiro abi mümülangjüre; ta sünü müyudsiro abi mülangjüpehko, tunüo abinü Tsingrangba amüiba tsurü chah müyudsi.

JOHAN 5:23

abinü atsudhre khyang yukhanung tase apüm jopehko. Sünü Atsurü jengreng müdrüro, abinü abi riwüsohba Au jengreng müdrüre.

JOHAN 6:29

Jisu-nü lalingcho, “Tsingrangba-nü müthehba chah yudsinung tsü abinü nguchisohnyüba tsü lile.”

JOHAN 6:51

Ninglangnü jüroba akang tsuyongnung tsü Ih. Khürünü hiba tsuyongnung tsukhang, abi lede akang linung. Ihnü jünung tsuyongnung tsü Ipu shuh, khüi limih akang linung nengdang Ihnü jüre.”

JOHAN 6:57

Akang liba Aunü Ih rosohcho, ko abi khu Ihsü lire. Hütsü kyo sünü Ih tsuro, Ih khu abi akang linung.

JOHAN 8:29

Ko sünü Ih müthehcho abi Ite lile; abinü I müleng müpehjü, tunüo abi künyangnungthsa Ihnü lede nguchire.”

JOHAN 8:42

Jisu-nü arüh te yocho, “Tsingrangba tsü Yuje nührü Auelang, nührünü Ih müibae, tunüo Ih Tsingrangba chahnü rocho, ko hila lile. Ipu lümyunü müro, ta Ih abinü müthehcho.

JOHAN 9:3

Jisu-nü lalingcho, “Abi nahtohba tsü apu münyi mahkhang tpurü münyi nüsü mah, ta abi chah Tsingrangba zii mishanung nengdang.

ROMRÜ 8:32

Tsingrangba sünü apu Tsurü mütphahlipü Ihsa atümung müli khakhuchüjücho, abinü Ihsa khyang lüpcho müjünung ang?

IBRIRÜ 1:5

Tunüo Tsingrangba-nü abi ninglang riwürü sütesü hita müyo: “Nüh I Tsurü, Chünye Ihnü nüh nümüsure.” Mahkhang Tsingrangba-nü riwürü sü nengdangsü hita müyo, “Ih abi Au kangnung, ko abi I tsurü kangnung.”

1 JOHAN 3:16

Khrista-nü Ihsa khyang apu akang jüba hinü amüi tsü tunang Ihsanü müdhere. Hütsütakhang, Ihsanüsü Ihsa jünirüti nengdang Ihsa akang jübae!

1 JOHAN 4:10

Amüi tsü hi: Ihsanü Tsingrangba müicho mah, ta abinü Ihsa müichonü atsudhre Ihsa münyi pehjünung nengdang müthehcho.

1 JOHAN 4:16

Ko Ihsabürünüsü Ihsa nengdang Tsingrangba amüi tsü müdhere ko yudsire. Tsingrangba tsü amüi, sü amüila liro abi Tsingrangba chah lire ko Tsingrangba abi chah lire.

1 JOHAN 5:11

Yuzi tsü hi: Tsingrangba-nü Ihsa khyang müchangkaba akang jüko, ko hiba akang tsü Atsudhre chah lile.

1 JOHAN 5:13

Nührü Tsingrangba Tsurü chah yudsirüti, nührü müchangkaba akang lilepü müdhenung nengdang, Ihnü nührü yanglang hi thrahre.