1 JOHAN 4:7 - AMÜSA BAIBEL (BSI)

⁷ Amüi jünirüti, Ihsanü khüdunü khüdu te müitanung, tunüo amüi tsü Tsingrangba chahnü rore. Sünü müiro abi Tsingrangba chahnü surocho, ko abinü Tsingrangba müdhele.

1 JOHAN 4:7 Iomraidhean Croise

JOHAN 13:34

Ko Ihnü ade nührü khyang yuzeng asi khüdu jüre: Nührü khüdunü khüdu te müitaang. Ihnü nührü müicho roh-i nührü khüunü khüu te müitaang.

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

1 KORINTRÜ 8:3

Ta sünü Tsingrangba müiro abinü abi müdhele.

2 KORINTRÜ 4:6

Tsingrangba sünü, “Ama lanü atsingse vieng” pü yoba apu tsünü Khrista romih chah Tsingrangba ahechi tehkehba tsü müdhesohnung Ihsa lasih la apu atsingse hekehsohcho.

GALATIARÜ 4:9

Ta adelü Tsingrangba nührünü müdhele, mahkhang Ihnü yonungnü, adelü Tsingrangba-nü nührü müdhele, hütsükhang khüta nührünü sumüzehba ko amüinung anbü yangthsathsaba yang thalinung? Nührünü thali arüh yurü kangnyürü do?

GALATIARÜ 5:22

Ta Anbü sih tsü amüi, akünyang, yangtsa, arangcho, kangli atsa, atsaba, longlangchehba,

AZIKA YU 30:6

Nührü lasih apümnü Abi müinungthsa ko hütsüla mütozah linung nengdang Abüdongba nührü Tsingrang-nü nührü ko nührü trah khyang yochonyiba lasih jünung.

2 TIMOTI 1:7

Tunüo Tsingrangba-nü Ihsa khyang aring-adrü anbü mah, ta abi anbü tsünü zii, amüi ko arahsehba jüre.

1 PETER 1:22

Ade nührünü yuje te yochonyichonü nührübürü müdhsengchehko ko müjang yudsirüti nengdang khele müire, nührü lasih atümungnü khüdunü khüdu te müitaang.

1 JOHAN 2:10

Sünü ajünirü müiro abi atsingse la lile, ko abi chah amüdekheng tu mühle.

1 JOHAN 2:29

Khrista tsü amüsabaepü nührünü müdhele; khang sürünü tu yuje hütsü nguchiro, arüh tsü Tsingrangba tsurüepü nührünü müdhebae.

1 JOHAN 2:3

Ihsanü Tsingrangba yuzeng bichikhang, Ihsanü abi müdhelepü Ihsanü tsüpre.

1 JOHAN 2:4

Khürünü abi müdhelepü yokhang, ta abi yuzeng mübichikhang, hitari nyitsarü tsü arahkhehrü ko abi chah yuje tsü mühle.

1 JOHAN 2:7

Amüi shangrüti, Ihnü nührü yanglang thrahba yuzeng hi asi mah; ta adikehdinü nührünü bichi rochoba yuzeng ahi du tsü lile. Ahiba yuzeng yu tsü nührünü yuchiko.

1 JOHAN 3:9

Sü Tsingrangba tsurü liro abinü amünyi mübichire, tunüo Tsingrangba yangthsa abi chah kehle; ko Tsingrangba tsü Au thsachonü, abinü amünyi mübichire.

1 JOHAN 4:11

Amüi jünirüti, Tsingrangba-nü hütsüta Ihsa müichokhang, Ihsasü khüdunü khüdu te müitabae.

1 JOHAN 4:12

Sünüsü Tsingrangba müngudhing, ta Ihsanü khüdunü khüdu te müitakhang, Tsingrangba Ihsa chah lire, ko abi amüi Ihsa chah apisa kangre.

1 JOHAN 4:16

Ko Ihsabürünüsü Ihsa nengdang Tsingrangba amüi tsü müdhere ko yudsire. Tsingrangba tsü amüi, sü amüila liro abi Tsingrangba chah lire ko Tsingrangba abi chah lire.

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.

1 JOHAN 4:8

Sünü mümüiro abinü Tsingrangba mümüdhe, tunüo Tsingrangba tsü amüi.

1 JOHAN 5:1

Sünü Jisu tsü Mesia-epü yudsiro abi Tsingrangba tsurü lile; ko sünü Au müiro abinü Atsurüsü müire.

2 JOHAN 1:5

Hütsüeko Ihnü nüte tsingdhingre, amüi sangpi: Ihsa atümung khüdunü khüdu te müitanung. Ihnü nü yanglang yuzeng asi thrahrü mah; ta hiba hi adikeh lanü licho yuzeng khüdu due.