1 JOHAN 4:6 - AMÜSA BAIBEL (BSI)

⁶ Ta Ihsalü Tsingrangba yo lile. Sünü Tsingrangba müdhero abinü Ihsa te nyire; sü Tsingrangba yo mahro abinü Ihsa te mühnyire. Hi khu Ihsanü arahkheh anbü ko yuje anbü adukah tsü müdhere.

1 JOHAN 4:6 Iomraidhean Croise

2 ROHTHÜP 18:21

Anbü tsünü lalingcho, Ihnü wünung ko Ahab azikehrü apüm khyang arahkheh chosohnung. Abüdongba-nü yocho, Wüng ko abi kihyochüng. Nühnü kohnung.’”

ISAYA 29:10

Abüdongba-nü nührü nyichisohre, yüpsehsohnung külüpre. Azikehrü tsü müyurü nahtse thsanungbae, ta Tsingrangba-nü arüh nahtohsohko.

ISAYA 8:20

Nührünü hütsüri laling, “Abüdongba-nü nührü te tu yoro hütsü nyieng! Asülang würü yu tünyi, arühnü yoba tsü nü nengdang tu ajingcho mülinung.”

HOSEA 4:12

Arühnü singchang khüdu te thsayahiya tsingdhingre! Singchang tsünü arühnü müdhenyücho tsü yore! Arühnü Ih pehjüko. Khingkurü khüdu nahtrahnaxenglarü kangcho kyo, arühnü aparü tsingrang khyang khakhuchüjüko.

MIKA 2:11

“Arühnü arahkheh azikehrü sürünü, ‘Nührü nengdang yongkha ko Amüchaba kükyo linung pü choyohrü du khyünyüre.’

MIKA 3:8

Ta I nengdanglü, Abüdongba-nü Abi anbü ko zii khu jengjüko, ko yuje ko müci mülahnü Israelrü münyi nengdang chonung.

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

JOHAN 10:16

San kuh la müzehcho adesü I yo san apasü lile. Ihnü arühsü norobae; arühnü I yuva nyinung, ko arüh anyahrü khüdu pohki atii khüdu kangnung.

JOHAN 10:27

I santinü I yuva nyire; Ihnü arüh müdhele, ko arühnü I khanglang iirore.

JOHAN 10:3

Abi khyang trahtri nyahbanü kukhang khangthrujüre; ko abinü apu Santi anengnü dside arühnü abi yuva nyichehre, ko abinü arüh nücheh tsire.

JOHAN 13:20

Ihnü nührü te yutsatsa yore: Sünü Ihnü riwüsohba nyitsarü khyüchonang abinü Ih khyüchore; ko sünü Ih khyüchoro abinü I riwüsohbong khyüchore.”

JOHAN 14:17

Abi tsü Tsingrangba yuje mishajübong Anbü. Limihnü abi mükhyüchore, tunüo limihnü abi müngure mahkhang mümüdhe. Ta nührünülü abi müdhele, tunüo abi nührü te lire ko nührü chah lile.

JOHAN 15:26

“Atrorü, Anbü sünü Tsingrangba yuje mishajüro abi Tsingrangba chahnü ronung. Ihnü abi Au chahnü nührü yang müthehnung, ko abinü I nengdang yuzi jünung.

JOHAN 16:13

Ta khode Tsingrangba yuje mishajübong Anbü tsü ronang, abinü nührü yuje apümlang nünung. Abinü alümyunü tu müchonung, ta abinü tu yuchicho, hütsü nengdang chonung ko aronung tu liro hütsüri nengdang nührü te yonung.

JOHAN 18:37

Hütsünü Pilat-nü abi te tsingdhingcho, “Khang nüh yangthsarü khüdu mah-o?” Jisu-nü lalingcho, “Ih yangthsabaepü nühnü yore. Ih yujeba nengdang yuzi jünung surocho, ko hütsü nengdang Ih limih la rocho. Sü yuje yo liro abinü I yu nyire.”

JOHAN 20:21

Jisu-nü arüh te anyüpiusü yocho, “nührü te atbachi lieng. Aunü Ih müthehcho kyo, Ihnü nührü müthehre.”

JOHAN 8:19

Arühnü abi te tsingdhingcho, “Nü U khüde liro?” Jisu-nü lalingcho, “Nührünü Ihsü mümüdhe ko I U sü mümüdhe. Nührünü Ih müdherelang I U sü müdhebae.”

JOHAN 8:23

Jisu-nü lalingcho, “Nührü hiba limih lanü, Ih ninglangnü; Nührü hiba limih yo, Ihlü limih yo mah.

ROMRÜ 1:1

Paul, Jisu Khrista dikehrü khüdu ko Tsingrangba-nü abi Yuse Atsa thsingyusohnung throcheh dsiba riwürü chahnü.

ROMRÜ 11:8

Amüsa yunü yocho kyo, “Tsingrangba-nü arüh thoh ko lasih alü kangsohcho; chünye yingcheh arühnü ngunung mahkhang yuchinung mükohre.”

1 KORINTRÜ 14:37

Nührü yola khürünü azikehrü mahkhang Anbü jiyü kehlepü lümkhang, Ihnü nührü yang tu thrahro, hütsü Abüdongba yuzengepü abinü nyichehng.

2 KORINTRÜ 10:7

Nührünü amichah atsah dhingre. Khürünü abi Khrista monoepü lümkhang, ihrü roh-i abisü Khrista mono pü ajangjang lümchehsohng.

2 TESALONIKARÜ 1:8

mihmüle la ronang, Tsingrangba mükhyüchorü ko Abüdongba Jisu Yuse atsa yocho münyirüti khingchinung.

1 TIMOTI 4:1

Akhanglanglü nyitsarü khürünü arüh yudsi thrüchahchüpehnungepü Anbünü tsidsa yore; arühnü arahkheh anbü yochonyi amünyi adoba khanglang iiwünung.

2 PETER 3:2

Ihnü nührü khyang papade amüsa azikehrütinü chocho yu, ko nührü riwürüti khu jüba Kangchehjüba Abüdongba yuzeng lümchehsohnyüre.

1 JOHAN 4:1

Amüi jünirüti, Anbü kehlepü yorü atümung chah tüyudsi, ta arüh chah kehba anbü tsü Tsingrangba chahnü rocho Anbü a mahnang müdhenung nengdang arüh thsadsüdhing. Tunüo arahkheh azikehrü limih la khütango chüroko.

1 JOHAN 4:4

I tsurüti, nührü Tsingrangba yo lile, ko arahkheh azikehrüti nührünü kohko, tunüo limih nyitsarüti chah liba anbü tenü nührü chah liba anbü tsü rezehba lile.

1 JOHAN 4:8

Sünü mümüiro abinü Tsingrangba mümüdhe, tunüo Tsingrangba tsü amüi.

1 JOHAN 5:19

Limih apüm amünyi yangthsathsaba pohki linye, Ihsalü Tsingrangba yo lilepü Ihsanü müdhele.

JUDA 1:17

Ta shangrüti, atsicho la nührü te Abüdongba Jisu Khrista riwürütinü tu yocho hütsü lümchehng.