1 JOHAN 4:4 - AMÜSA BAIBEL (BSI)

⁴ I tsurüti, nührü Tsingrangba yo lile, ko arahkheh azikehrüti nührünü kohko, tunüo limih nyitsarüti chah liba anbü tenü nührü chah liba anbü tsü rezehba lile.

1 JOHAN 4:4 Iomraidhean Croise

JOHAN 12:31

Ade hiba limih yukhanung bekhyah; ade hiba limih yangthsaba iipehnung.

JOHAN 14:30

Ihnü nührü te anyahli müchotacheh, tunüo hiba limih yangthsabong tsü tsehle. Abi I chah tu tase mühle,

JOHAN 16:11

ko yukhaba nengdang arüh amüthsalang licho, tunüo hiba limih yangthsaba yu tsü khapehko.

JOHAN 17:23

Ih arüh chah ko nüh I chah; hütsünü arüh khüdu du kangnung, ko nühnü Ih müthehcho ko müicho kyo arüh mii müirepü limihnü müdhenung nengdang, ahechi nühnü I khyang tu jücho Ihnü arüh khyang jüko.

ROMRÜ 8:31

Hiri atümung ngude, Ihsanü tu yonung? Ihsa te Tsingrangba likhang, Ihsa nyümnung sü liro?

ROMRÜ 8:37

Mah, hiri apüm lanü sünü Ihsa müicho, abi khu Ihsa akohrü tenü awüba.

1 KORINTRÜ 2:12

Ihsanü hiba limih nbü mükhyücho; ta Tsingrangba-nü Ihsa khyang jücho apüm müdhenung nengdang, Ihsanü Tsingrangba-nü müthehcho Anbü khyüchocho.

1 KORINTRÜ 6:13

“Tsuyongnung tsü ami nengdang, ko ami tsü tsuyongnung nengdang.” Ta Tsingrangba-nü anyüding changkasohnung. Afü tsü mabomashi nengdang mah, ta Abüdongba dikehnung nengdang; ko Abüdongba-nü afü nengdang chixire.

2 KORINTRÜ 4:4

Arüh shulümlü hiba limih tsingrangnü müyudsirü khyang Khristarü ahechi yuse atsa, sü Tsingrangba kyocho, arühnü atsingse müngusohnung shulüm arüh nahtohsohko.

2 KORINTRÜ 6:16

Müyudsirünü kyothri te Tsingrangba amübükuh tu la kihtachehnung? Tunüo Ihsa akang Tsingrangba amübükuh lile! Tsingrangba-nü yocho roh-i: “Ih arüh yola linung ko tsehchinung, Ih arüh Tsingrang thsanung, ko arüh I müyurü thsanung!”

EFESIARÜ 2:2

Hütsü shikhela nührünü limih amünyi langla tsehcho; nührünü ningwüm la amünyi ziiti yangthsarü, sünü ade Tsingrangba yocho mühnyirüti michah yangthsaro, abi yochonyicho.

EFESIARÜ 3:17

ko yudsi khu nührü lasih la Khrista lichehnung Ihnü kihchijüre. Nührü amüila ara ra lichehnung nengdang Ihnü kihchire,

EFESIARÜ 6:10

Achangkathsa, Abüdongba la ko abi akohba zii la re zehng.

1 JOHAN 2:1

I tsurüti, nührü amünyi müshitpahsohnung nengdang Ihnü nührü yang hi thrahre; ta khürünü amünyi shitpahkhang, Ihsa phikhüm Au te kihchijürü khürü lile, hütsü amüsaba Jisu Khrista.

1 JOHAN 2:13

Ihnü nührü te thrahre, auti, tunüo nührünü sü adikehdinü licho abi müdhele. Ihnü nührü te thrahre, dhrezarüti, tunüo nührünü amütsaba tsü kohko.

1 JOHAN 3:20

Ihsa lasihnü Ihsa mülangjükhang, Tsingrangba tsü Ihsa lasih tenü adiubaepü ko abinü lüpcho müdherepü Ihsanü müdhere.

1 JOHAN 3:24

Sünü Tsingrangba yuzeng bichiro abi Tsingrangba chah lire ko Tsingrangba abi chah lire. Tsingrangba-nü Ihsa khyang jüba Anbü khunü Ihsa chah Tsingrangba lirepü Ihsanü müdhere.

1 JOHAN 4:13

Ihsa Tsingrangba chah ko abi Ihsa chah lirepü Ihsanü tsüpre, tunüo abinü apu anbü Ihsa khyang jüko.

1 JOHAN 4:16

Ko Ihsabürünüsü Ihsa nengdang Tsingrangba amüi tsü müdhere ko yudsire. Tsingrangba tsü amüi, sü amüila liro abi Tsingrangba chah lire ko Tsingrangba abi chah lire.

1 JOHAN 4:6

Ta Ihsalü Tsingrangba yo lile. Sünü Tsingrangba müdhero abinü Ihsa te nyire; sü Tsingrangba yo mahro abinü Ihsa te mühnyire. Hi khu Ihsanü arahkheh anbü ko yuje anbü adukah tsü müdhere.

1 JOHAN 5:19

Limih apüm amünyi yangthsathsaba pohki linye, Ihsalü Tsingrangba yo lilepü Ihsanü müdhele.

1 JOHAN 5:4

tunüo Tsingrangba tsurü müipinü limih kohnung kohle. Ko Ihsanü Ihsa yudsi khunü limih chah akoh tsü ngure.

MISHACHO 12:11

Ko arühnü Sanza shüh ko arühnü sobhoba yuje tsünü abi kohko: ko arühnü arüh akang jünung ko sünung mii khyangcho.