1 JOHAN 4:16 - AMÜSA BAIBEL (BSI)

¹⁶ Ko Ihsabürünüsü Ihsa nengdang Tsingrangba amüi tsü müdhere ko yudsire. Tsingrangba tsü amüi, sü amüila liro abi Tsingrangba chah lire ko Tsingrangba abi chah lire.

1 JOHAN 4:16 Iomraidhean Croise

NENGSEKHI 31:19

Nü jengreng drürü khyang yohpüjüba kohro atsa tsü khüta anyemüyangnung! Nüh khütoh-i atsa atümungnü müdhele, Nü chah longlangrü khüta aringnung müli khümcho liro.

ISAYA 64:4

Sünüsü Nüh kyo abi chah longdirü nengdang hitoi nguchiba Tsingrang müngudhing, mahkhang müyuchidhing.

JOHAN 6:69

Ko nüh Tsingrangba chahnü rocho Amüsaba tsüepü ihrünü adelü müdhele ko yudsire.”

JOHAN 9:3

Jisu-nü lalingcho, “Abi nahtohba tsü apu münyi mahkhang tpurü münyi nüsü mah, ta abi chah Tsingrangba zii mishanung nengdang.

1 KORINTRÜ 2:9

Ta, Amüsa yunü yocho kyo: “Sünüsü müngucho mahkhang müyuchicho, sünüsü tikehnung mülümcho, hütsü Tsingrangba-nü abi müirüti shulüm rungnümcho.”

1 JOHAN 3:1

Dhing Aunü Ihsa khütoh-i müicho! Abi amüi dirachonü Ihsa te Tsingrangba tsurü pü dsire, hütsü roh-i yuje, Ihsa abi tsurüti lile. Hütsünü limihnü Ihsa mümüdhere: tunüo limihnü abi mümüdhe.

1 JOHAN 3:16

Khrista-nü Ihsa khyang apu akang jüba hinü amüi tsü tunang Ihsanü müdhere. Hütsütakhang, Ihsanüsü Ihsa jünirüti nengdang Ihsa akang jübae!

1 JOHAN 3:24

Sünü Tsingrangba yuzeng bichiro abi Tsingrangba chah lire ko Tsingrangba abi chah lire. Tsingrangba-nü Ihsa khyang jüba Anbü khunü Ihsa chah Tsingrangba lirepü Ihsanü müdhere.

1 JOHAN 4:7

Amüi jünirüti, Ihsanü khüdunü khüdu te müitanung, tunüo amüi tsü Tsingrangba chahnü rore. Sünü müiro abi Tsingrangba chahnü surocho, ko abinü Tsingrangba müdhele.