1 JOHAN 4:12 - AMÜSA BAIBEL (BSI)

¹² Sünüsü Tsingrangba müngudhing, ta Ihsanü khüdunü khüdu te müitakhang, Tsingrangba Ihsa chah lire, ko abi amüi Ihsa chah apisa kangre.

1 JOHAN 4:12 Iomraidhean Croise

LIPOH 32:30

Jakob-nü yocho, “Ihnü Tsingrangba romih-e romih nyüh dhsükehta nguko, ta abinü I akang rikijüko” hütsünü abinü hütsüba müdüm te Peniel pü dsicho.

NÜCHEHCHO 33:20

Ihnü nü khyang I romih müngusohnung, tunüo sünüsü Ih ngupü akang linung mükoh,

KHIDHINGCHO 12:8

Hütsünü Ihnü abi te romih e romih nyüh dhsükehta, arangyunü mah ta tsidsanü chotare; abinü I tsah mii nguko. Khüta nührünü I dikehrü Mosa nyüm chonung kohro?”

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

1 KORINTRÜ 13:13

Hütsünü yudsi, alongdi ko amüi; hiri asang lede lile; ta hiri yola amüi adiuba.

1 TIMOTI 1:17

Müchangkaba yangthsaba, amüsüba ko amünguba, Tsingrang khüdu du, abi khyang adhichi ko ahechi müchangkapü thsaang! Amen.

1 TIMOTI 6:16

Amüsüba tsü abi du; sünüsü müchichehba atsingsela abi lire. Sünüsü abi müngudhing; ko sünüsü abi müngucheh. Adhichi ko müchangkaba yanglih abi yo thsaang! Amen.

IBRIRÜ 11:27

Yudsinü, Mosa-nü yangthsaba zichürocho müdrüpü Ijip limih pehjücho. Abinü amünguba Tsingrang ngunü thalinung dhsonglicho.

1 JOHAN 2:5

Ta sünü abi yu bichiro abinü yujeba Tsingrangba müicho dekhing ngusohre. Hinü Ihsa Tsingrangba chah lilepü tsüpre.

1 JOHAN 3:24

Sünü Tsingrangba yuzeng bichiro abi Tsingrangba chah lire ko Tsingrangba abi chah lire. Tsingrangba-nü Ihsa khyang jüba Anbü khunü Ihsa chah Tsingrangba lirepü Ihsanü müdhere.

1 JOHAN 4:16

Ko Ihsabürünüsü Ihsa nengdang Tsingrangba amüi tsü müdhere ko yudsire. Tsingrangba tsü amüi, sü amüila liro abi Tsingrangba chah lire ko Tsingrangba abi chah lire.

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.

1 JOHAN 4:6

Ta Ihsalü Tsingrangba yo lile. Sünü Tsingrangba müdhero abinü Ihsa te nyire; sü Tsingrangba yo mahro abinü Ihsa te mühnyire. Hi khu Ihsanü arahkheh anbü ko yuje anbü adukah tsü müdhere.