1 JOHAN 4:1 - AMÜSA BAIBEL (BSI)

¹ Amüi jünirüti, Anbü kehlepü yorü atümung chah tüyudsi, ta arüh chah kehba anbü tsü Tsingrangba chahnü rocho Anbü a mahnang müdhenung nengdang arüh thsadsüdhing. Tunüo arahkheh azikehrü limih la khütango chüroko.

1 JOHAN 4:1 Iomraidhean Croise

1 YANGTHSARÜTI 13:18

Hütsüde ashiba azikehba tsünü abi te yocho, “Ihsü nüh kyo azikehrü khüdue ko Abüdongba-nü yuzengjo ninglang riwürü khüdunü Ite I kulang nüh nowü tüptinung mülako.” Ta ashiba azikehba tsünü arahkheh chorü thsacho.

CHOYOH 14:15

Adohrünü apüm yudsire; ta asithsarünü müzahnü mütrahre.

JEREMIA 14:14

Ta Abüdongba-nü lalingcho, “Azikehrünü I nengla arahkheh chore; Ihnü arüh müwüsoh, mahkhang arüh khyang yuzeng müjü mahkhang arüh te yu khüdu mii müyo. Arühnü choba müngucheh tsü I chahnü rocho mah; arühnü choyohba tsü arühnü lümcho ko hütsü amii mühle.

JEREMIA 23:16

Akohba Abüdongba-nü Jerusalemrü te yocho, “Azikehrünü yoba tsü tünyi; arühnü arahkheh alongdinü nührü jengsohre. Arühnü nührü te Ihnü yocho mahpü arühnü lümcho yore.

JEREMIA 5:31

azikehrütinü arahkheh du chore; bebürütinü azikehrünü mülacho du nguchire ko müyurünü tu adhsongliba müjüre. Ta hiri apüm achangka khüdu chii rode arühnü tu nguchinung?”

MARK 13:21

“Hütsütade, khürünü nüte, ‘Dhing, Khrista hila lile, mahkhang, Dhing, abi hütsüla lilepü yokhang, hütsü tüyudsi!’

YUSE ATSA LUK 12:57

“Yujeba nguchinung tuepü nührübürü jangjang yu mükharo?

YUSE ATSA LUK 21:8

Jisu-nü yocho, “Nührü mükihyochüsohnung müzahng. Tunüo adrongnü I nengla ronü, ‘Ih abie’ ko Becho chihko pü yonung. Ta arüh tüiwü.

RIWÜRÜTI NGUCHI 17:11

Hütsüla liba nyitsarüti tsü Tesalonikarü tenü asasaba thsacho. Arühnü yu tsü dee longphi nyicho, ko Paul-nü yoba tsü yuje a mahnang müdhenung nengdang nyümong müthe arühnü amüsa yu tsü khicho.

RIWÜRÜTI NGUCHI 20:29

Ih tsipü khanglang, santi müditpangpü changjünung rangfü amütsati ronungepü Ihnü müdhele.

1 KORINTRÜ 12:10

Nyüh khüdu khyang thsayahiya nguchinung; khüdu khyang thsingyunung; khüdu khyang anbüti changcheh yochehba jiyü. Khüdu khyang yu pa la chonung ko khüdu khyang hütsü thsamüla yonung jüre.

1 KORINTRÜ 14:29

Ko choyohrü nyüh anyüh mahkhang asang khyang chosohng, ko aparü tsü nyieng.

1 TESALONIKARÜ 5:20

choyohcho tümüthsamünyü.

1 TESALONIKARÜ 5:21

Ta atümung müchehdhing: tu atsa hütsü yümpung

2 TESALONIKARÜ 2:2

Hi Ihnü choyohde mahkhang thsingyude yocho mahkhang vathrah la thrahchoepü lüm linung kohle.

1 TIMOTI 4:1

Akhanglanglü nyitsarü khürünü arüh yudsi thrüchahchüpehnungepü Anbünü tsidsa yore; arühnü arahkheh anbü yochonyi amünyi adoba khanglang iiwünung.

2 TIMOTI 3:13

ko nyitsarü amütsati ko kihyochüjürüti aparü thsüyohchü amütsa lanü amütsau kangnung.

2 PETER 2:1

Atsicho la nyitsarü yola arahkheh azikehrüti chürocho, hütsüta nührü yolasü arahkheh adorüti chüronung. Arühnü athsangnyang, arahkheh adoba chürosohnung, ko arüh rochehba Abüdongba mii münyengchonung, arühbürü michah dhrongyeng achangba hironung.

1 JOHAN 2:18

I tsurüti, achangka tsü amünyethsa lile. Khrista rorüh ronungepü nührü te yoko; ko ade Khrista rorüh khütang chüroko, hütsünü achangka tsü amünyethsa lilepü Ihsanü müdhere.

1 JOHAN 2:7

Amüi shangrüti, Ihnü nührü yanglang thrahba yuzeng hi asi mah; ta adikehdinü nührünü bichi rochoba yuzeng ahi du tsü lile. Ahiba yuzeng yu tsü nührünü yuchiko.

2 JOHAN 1:7

Jisu Khrista tsü shutsa la müro pü yorü limih la khütango chüroko. Hitari nyitsarü tsü kihyochüjürü ko Khrista arorüh lile.

3 JOHAN 1:11

Amüi shangrü, amütsa tüithsa, ta atsa iithsang. Sünü atsa nguchiro abi Tsingrangba yo; sünü amütsa nguchiro abinü Tsingrangba müngu.

MISHACHO 2:2

Ihnü nü nguchi müdhele; nühnü khütoh-i müküp nguchicho ko rangchocho Ihnü müdhele. Nühnü münyirü te mürangchore ko riwürü mahko khüli riwürüepü yorü thsadsüdhingnü arüh arahkhehrüepü rangchehcho Ihnü müdhele.