1 JOHAN 3:8 - AMÜSA BAIBEL (BSI)

⁸ Sünü amünyi bichiro abi motsing chahnü lile, tunüo adikeh lanü motsingnü amünyi shitpahko. Motsingnü tu nguchicho hütsü changjünung nengdang Tsingrangba Tsurü rocho.

1 JOHAN 3:8 Iomraidhean Croise

LIPOH 3:15

Ihnü khingkutpü nühjü arorüh kangsohnung; abi za ko nü za lede arorüh thsanung. Abi zanü nü thah jürüpnung ko nühnü arüh thsühza la mükyühnung.”

ISAYA 27:1

Hütsü nyümong Abüdongba-nü akhürah kijang ko arahmütsa dragon ko kihkangdi Abi mürelung zehba nohnü kyüsehnung.

KHIDHINGCHO 21:9

Achotsü Mosa-nü imüyengnü mürü khüdu külüpcho ko tbütphü chah dhimüsu yohpücho. Sürü mükyühcho, arühnü hütsü chah kehchü dhingcho ko kyangcho.

MATHI 12:28

Hiba hi Beelzebul-nü mah, ta Tsingrangba Yanglih tsü nührü yola ropehkopü yuzi jünung nengdang, Tsingrangba anbünü amünyi iipehsohnung I khyang zii jüre.

MATHI 13:38

luh tsü limih; majüh atsa tsü ninglang Yanglih tsurüti; ko Sepungza tsü amünyi tsurüti;

MATHI 4:3

Hütsüde motsing tsünü abi yang ro yocho, “Nüh Tsingrangba Tsurükhang, lung hirinü hümdhse kangsohnung yuzeng jüng.”

MARK 1:24

“Ihrü te nüh tu nguchinyüro, Nazaret-rü Jisu? Nüh ihrü changsohnung hila rocho mah-o? Nüh sünang Ihnü müdhele. Nüh Tsingrangba Amüsa yusi hirü lile.”

YUSE ATSA LUK 10:18

Jisu-nü arüh te lalingcho, “Ninglangnü ningmüla roh-i Satan shohjocho Ihnü nguko.

JOHAN 12:31

Ade hiba limih yukhanung bekhyah; ade hiba limih yangthsaba iipehnung.

JOHAN 16:11

ko yukhaba nengdang arüh amüthsalang licho, tunüo hiba limih yangthsaba yu tsü khapehko.

JOHAN 8:44

Nührü, nührü au motsing tsurüti ko nührünü nührü au lümcho la du tsehnyüre. Abi adikehdinü amüpsehrü ko khodesü yuje la mühle, abinü arahkheh choba tsü abi susuh, tunüo abi arahkhehrü ko arahkheh apüm au.

ROMRÜ 16:20

Ko tbachijüba Tsingrangba-nü nührü jing pohki Satan zah dhrümnahsohnung. Ihsa Abüdongba Jisu achomang nührü te lieng.

EFESIARÜ 2:2

Hütsü shikhela nührünü limih amünyi langla tsehcho; nührünü ningwüm la amünyi ziiti yangthsarü, sünü ade Tsingrangba yocho mühnyirüti michah yangthsaro, abi yochonyicho.

KOLOSIRÜ 2:15

Abinü ayingti ko ziiti kengchonü arüh michah akohba kang khala chah arüh tsü misha adüzüthsa ngusohko.

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.

IBRIRÜ 2:14

Tsuzarüti tsü shutsa ko ashüh thsachonü, Jisu apusü arüh kyo kangcho ko nyitsarü yangthsa khyüchocho. Abinü hi nguchiba tsü abi sücho khunü Motsing, sü asü michah tase liro abi thsangnyangjünung,

IBRIRÜ 9:26

hütsütarelang limih thridunü abi adrongpi chongchapü libae. Ta, ade shang bekhyah apüm achangka amünyethsa rode, apu akang mübü khu amünyiti pehjünung lede nengdang khüdupi ngusohcho.

2 PETER 2:4

Amünyi shitpahba ninglang riwürüti tsü Tsingrangba-nü müditpang, ta yukhaba Nyümong yingnü arüh rahpü amarürah mümehmi la dhiyohchücho.

1 JOHAN 1:2

Khode hiba akang tsü mishacho, ihrünü hütsü ngucho; hütsünü hütsü nengdang ihrünü sobhore ko nührü te müchangkaba khüiba Au te licho ko khüi ihrü te müdhesohcho hütsü nengdang yore.

1 JOHAN 3:10

Hinü Tsingrangba tsurü ko motsing tsurü adukah tsidsajüre: sünü yuje tsü münguchiro ko ajünirü mümüiro abi Tsingrangba tsurü mah.

1 JOHAN 3:5

Amünyiti hitsinung Khrista rochoepü nührünü müdhele, ko abi chah amünyi mühle.

1 JOHAN 5:19

Limih apüm amünyi yangthsathsaba pohki linye, Ihsalü Tsingrangba yo lilepü Ihsanü müdhele.

JUDA 1:6

Ninglang riwürüti sürünü palu azengzah tase pohki mülipü arüh liji pehjücho; arüh tsü apohki amarürah la achangka müliba ixilihnü rah lile, hütsüba nyümong amülah khüila arüh mülangjünung hütsüba nengdang Tsingrangba-nü arüh yohpülepü lümchehng.

MISHACHO 20:10

Hütsüpü arüh khürahyohchüba motsing tsü, miphoh ko michang khüde kangdi ko arahkheh azikehba rangyohcho, hütsüla dhiyohchücho; ko ama atsingse achangka müli arüh khingchinung.

MISHACHO 20:15

Sü neng akang vakhala thrah müngucho, abi michang shukuh la tsü rangyohcho.