1 JOHAN 3:5 - AMÜSA BAIBEL (BSI)

⁵ Amünyiti hitsinung Khrista rochoepü nührünü müdhele, ko abi chah amünyi mühle.

1 JOHAN 3:5 Iomraidhean Croise

HOSEA 14:2

Abüdongba yang thalieng, ko akihchiba khi Abi te nührü amübü thsasohng: “Ihrü mülang apüm pehjüng ko ihrü kihchicho nyieng, ko ihrünü nyengchocho kyo ihrünü Nüh senung.

MATHI 1:21

Abükyünü adhrezarü khüdu nümüsunung, ko nühnü abi neng Jisu dsinung, tunüo abinü anyitsarü arüh münyi lanü khümchonung.”

YUSE ATSA LUK 23:41

Ihjülü athsalange, tunüo Ihjülü Ihjü nguchicho aleng ngure; ta abilü tu müthsameh.”

YUSE ATSA LUK 23:47

Khode thsih michah anüchiba tsünü atikehcho tsü ngucho, abinü Tsingrangba nengse yocho, “Ajüje hiba hi achomükeh nyitsarü thsako!”

JOHAN 1:29

Nyümong khüu tsü, Johan-nü Jisu abi yanglang rochi ngu yocho, “Alimih münyi hitsibong Tsingrangba Sanza tsü dhing!

JOHAN 1:31

Abi sü donang Ihnü mii mümüdhe, ta abi Israelrü khyang müdhesohnung nengdang Ihnü kih la baptijo rocho.”

JOHAN 14:30

Ihnü nührü te anyahli müchotacheh, tunüo hiba limih yangthsabong tsü tsehle. Abi I chah tu tase mühle,

JOHAN 8:46

Nührü sünü Ih amünyirüepü yuzi jüchehnung? Ihnü yuje tsü yokhang tuepü I yu müdsiro?

2 KORINTRÜ 5:21

Khrista la ihrü Tsingrangba amüsaba tsü kangnung nengdang, sünü amünyi mümüdhecho, abi ihrü nengdang amünyi kangsohcho.

1 TIMOTI 1:15

Hiba yu hi yuje-epü apümnü khyücho yudsinungthsa: Jisu Khrista limih yang münyirü khümchonung rocho. Ko arüh apüm tenü Ih amütsauba.

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

IBRIRÜ 1:3

Tsingrangba ahechi tsü abinü tehmüla ngusohre; abi tsü Tsingrangba kyosangle, ko athrijungcho tsü abi yu zii khu lisohre. Amünyi tsurü münyi mülang pehba ngusohko khanglang, abi ninglang yanglih la amungthriba zii, Tsingrangba tsalangthring pümcho.

IBRIRÜ 4:15

Ihsa Amungthriba Bebü tsü Ihsa sumüzeh nengdang dhsa lümjüba khüdu mah. Ta Ihsa Amungthriba Bebü tsü lang apüm la Ihsa roh-i thsadsücho, ta abinü münyi müshitpah.

IBRIRÜ 7:26

Hütsünü, Jisu tsü Ihsa dhsütah desahnung Amungthriba bebürü. Abi amüsa; abi chah amünyi mahkhang mülang mühle; münyirü yolanü abi pathsa throcheh yohpücho ko ningti michah küdusohcho.

IBRIRÜ 9:26

hütsütarelang limih thridunü abi adrongpi chongchapü libae. Ta, ade shang bekhyah apüm achangka amünyethsa rode, apu akang mübü khu amünyiti pehjünung lede nengdang khüdupi ngusohcho.

IBRIRÜ 9:28

Hütsüta nyitsarü khütango münyi hinung nengdang Khrista-nü akang mübü khüdupi jücho. Amünyi nengdang mah, ta abi yingrü khümchonung nengdang abi anyüpili ronung.

1 PETER 1:18

Tunüo nührü jümürü chahnü amii müliba akang lanü rochehnung tu nguchichonang hütsü nührünü müdhele. Hütsü achangpehba hon mahkhang taripinü mah;

1 PETER 1:20

Limih müthridenü abi Tsingrangba-nü throchehcho ko nührü khyanglangnü hiri achangka nyümongti la mishacho.

1 PETER 2:22

Abinü amünyi tu müshitpah, ko sünüsü abi be lanü arahkheh cho müyuchidhing.

1 PETER 2:24

Ihsa amünyi la sünung ko amüsaba nengdang linung nengdang, Khrista apunü khala chah apu fü la Ihsa münyi hicho. Abi ihanü Ihsa kyangko.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,

1 JOHAN 1:2

Khode hiba akang tsü mishacho, ihrünü hütsü ngucho; hütsünü hütsü nengdang ihrünü sobhore ko nührü te müchangkaba khüiba Au te licho ko khüi ihrü te müdhesohcho hütsü nengdang yore.

1 JOHAN 1:7

Tanye abi atsingse la licho roh-i Ihsanü atsingse la likhang, Ihsa khüdunü khüdu te akehtala lile ko Atsurü Jisu Khrista shühnü Ihsa münyi apüm lanü müsachehjüre.

1 JOHAN 2:1

I tsurüti, nührü amünyi müshitpahsohnung nengdang Ihnü nührü yang hi thrahre; ta khürünü amünyi shitpahkhang, Ihsa phikhüm Au te kihchijürü khürü lile, hütsü amüsaba Jisu Khrista.

1 JOHAN 2:2

Ko Khrista apu tsü Ihsa münyi mülang pehjübong tsü lile, ko Ihsa münyi du mah, ta atümung mülang pehjürü lile.

1 JOHAN 2:29

Khrista tsü amüsabaepü nührünü müdhele; khang sürünü tu yuje hütsü nguchiro, arüh tsü Tsingrangba tsurüepü nührünü müdhebae.

1 JOHAN 3:8

Sünü amünyi bichiro abi motsing chahnü lile, tunüo adikeh lanü motsingnü amünyi shitpahko. Motsingnü tu nguchicho hütsü changjünung nengdang Tsingrangba Tsurü rocho.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko