1 JOHAN 3:4 - AMÜSA BAIBEL (BSI)

⁴ Sünü amünyi shitpahro abinü Tsingrangba yuzeng thsangnyangre; tunüo amünyi tsü yuzeng thsangnyangba.

1 JOHAN 3:4 Iomraidhean Croise

1 YANGTHSARÜTI 8:47

Nü müyurünü kihchicho nyijüng. Arorüh lih la linye, arühnü arüh münyi ko mütsa müdhe lasih thsamüla Nüte kihchikhang, arühnü kihchicho lalingjüng, O Abüdongba.

1 ROHTHÜP 10:13

Saul-nü Abüdongba te yuje müchocho khu abi sücho. Abinü Abüdongba yuzeng mübichi; abinü Abüdongba te mahpü asürü nbü te mücheh arüku khyünung müküpcho.

2 ROHTHÜP 24:20

Hütsüde Tsingrangba anbünü bebüba Jehoiada tsurü Zekaria rangcho. Müyurünü ngunung müdüm khüdula yapü abinü züdecho, “Tuepü Abi amülaba münyipü nührübürü chah achangba hirosohropü Abüdongba Tsingrangba-nü tsingdhingre! Nührünü Abi pehjüko, hütsünü Abinü nührü pehjüre.”

ISAYA 53:8

Abi rangcho ko mülangjüpü süsohnung hiwücho, ta sünüsü abi mütro. Ihsa münyi ngang abi süsohcho.

DANIEL 9:11

Israelrü atümungnü Nü yuzeng thsangnyangko ko Nüyu mühnyi. Ihrünü Nüh nyüm amünyi shitpahko, hütsünü Nühnü Nü dikehrü Mosa Yuzeng la liba chokehchola ihrü michah hirojücho.

KHIDHINGCHO 15:31

tunüo abinü Abüdongba-nü yocho dhsongli abi yuzeng khüdu ahsa thsangnyangko. Abi süba tsü apu bha thsanung.

MATHI 5:19

Hütsünü, sürünü hiri yuzeng azauba khüdu dusü thsangnyangro, ko aparü tesü hütsüroh-i nguchinung thsingyuro, ninglang yanglih la azauba thsanung. Adesü, sürünü yuzeng nyiro ko aparü tesü hütsüroh-i nguchinung thsingyuro, ninglang Yanglih la arüh adiuba thsanung.

RIWÜRÜTI NGUCHI 23:3

Hütsüde Paul-nü abi te yocho, “Nüh athru müyücho dengzi! Tsingrangba-nü nüh lahnung. Yuzengnü I yukhanung nüh hütsüla pümre, ta I chah tangnung yuzengjüba tsünü nüh yuzeng thsangnyangre!”

ROMRÜ 3:20

yuzeng la licho lüpcho tsü yuzeng pohki lirüti chah bichinung. Tunüo yuzengnü tu mülacho hütsü nguchichonü Tsingrangba jingte süsü alanglang mükangnung. Yuzengnü nguchiba tsü abinü amünyi shitpahko pü ngusohnung nengdang lile.

ROMRÜ 4:15

Yuzengnü Tsingrangba rihlong hirore; ta khüde yuzeng müliro hütsüla amünyi mühle.

2 KORINTRÜ 12:21

Hiko, Ih nührü yang rode, I Tsingrang-nü nührü bete Ih ashah khyüsohnung lümxüre, ko atsicho la amünyi khütang shitpahcho nengdang, ko arühnü nguchiba amümüsa nguchiti mükhyahmürah ko nahtrahnaxeng nengdang lasih müthsamülachonü Ih dee longrinungepü lümxüre.

JAKOB 5:15

Yudsi dangkhidangnang tsünü füdhsaba tsü kyangnung; Abüdongba-nü abi kyangjünung, ko abinü shitpahcho münyiti mülangpehjünung.

1 JOHAN 5:17

Thsamehcho apüm tsü amünyi; ta asünung müthsaba amünyi khüdu lile.

1 SAMUEL 15:24

Saul-nü lalingcho, “Ho, Ihnü amünyi shitpahko. Ihnü Abüdongba yuzeng ko nü athülaba mübichi. Ihnü I nyitsarü drüchonü arühnü khyünyücho nguchiko.