1 JOHAN 3:2 - AMÜSA BAIBEL (BSI)

² Amüi jünirüti, ade Ihsa Tsingrangba tsurüti lile, ta Ihsa tu kangnungnang ade mütsidsae. Ta khode Khrista ronang Ihsa abi kyo kangnungepü Ihsanü müdhele, tunüo Ihsanü apu tsatsa ngunung.

1 JOHAN 3:2 Iomraidhean Croise

JOB 19:26

I küp hi dhsaranü tsukhangpü khanglangnye, Ipu fü hinü Ihnü Tsingrangba ngunung.

NENGSEKHI 16:11

Nühnü akang lang Ite thongunung; Nüh lichonü Ih akünyangnü jengre ko lede nengdang I khyang akünyang hirojüre.

NENGSEKHI 17:15

Ta Ihnülü Nüh ngunung, tunüo Ihnü amüthsalang tu münguchi; ko Ih jesude, Nü licho akünyangnü Ih jengnung.

NENGSEKHI 31:19

Nü jengreng drürü khyang yohpüjüba kohro atsa tsü khüta anyemüyangnung! Nüh khütoh-i atsa atümungnü müdhele, Nü chah longlangrü khüta aringnung müli khümcho liro.

ISAYA 56:5

nü neng I amübükuh ko I müyurü yola nü tsuzarü licho tenü ashengu lümkehnung. Khodesü nüh münbüchünung.”

MALAKI 3:2

Ta Abi roba nyümong sünü rangchonung? Abi rode sünü yachehnung? Abi idhse tahchehba michang kyo apho atsa kyo linung.

MATHI 5:8

Sürü lasih müsaro arüh amüwanung; tunüo arühnü Tsingrangba ngunung!

YUSE ATSA LUK 17:30

Nyitsarü Tsurü mishaba nyümong tsüsü hütsü roh-i linung.

YUSE ATSA LUK 20:36

Arüh ninglang riwürüti kyo kangnung ko müsünung. Arüh tsü Tsingrangba tsurüti, tunüo asücho lanü arüh kangliko.

JOHAN 1:12

Ta abi khyüchorü atümung, sürünü abi nengla yudsicho, arüh khyang abinü Tsingrangba tsurü kangnung zii jücho;

JOHAN 11:52

ko arüh nengdang du mah, ta tsisho liba Tsingrangba tsurüti afü khüdula nübülungnung nengdang abinü hi chocho.

JOHAN 17:24

“Uwa! Nühnü arüh I khyang jücho, hütsünü Ih khüde linang arüh hütsüla lisohnyüre; ko nühnü I khyang jüba Ih ahechi tsü arühnü ngunung, tunüo limih müthridenü nühnü Ih müicho.

ROMRÜ 8:16

Ihsa Tsingrangba tsurüti ko Tsingrangba Nbünü apu jangjangthsa Ihsa nbü te yuzi jüre.

ROMRÜ 8:18

Ade chongchaba hi ahechi khüi Ihsa te mishanung liro hütsüte khüdenü mükitacheh pü Ihnü khichire.

ROMRÜ 8:19

Athricho apümnü Tsingrangba tsurüti mishanung nengdang nahmürah longphi yingre.

ROMRÜ 8:29

Atsudhre tsü jünirüti adrong yola aukhuba thsasohnung nengdang sürü Tsingrangba-nü throchehcho, arüh tsü atsudhre kyosohnung abinü arüh pathsa yohpüre.

1 KORINTRÜ 13:12

Ade Ihsanü tsahrising la roh-i rümrüm ngure; ta hütsüde romih e romihrü ngutanung. Ihnü ade changsho du müdhere; hütsüde Ihnü nyicheh licho roh-i ajeng nyichehnung.

1 KORINTRÜ 15:49

Alihnü külüpcho nyitsarü kyosangcho roh-i Ihsa ninglangrü nyitsarü kyonung.

1 KORINTRÜ 2:9

Ta, Amüsa yunü yocho kyo: “Sünüsü müngucho mahkhang müyuchicho, sünüsü tikehnung mülümcho, hütsü Tsingrangba-nü abi müirüti shulüm rungnümcho.”

2 KORINTRÜ 3:18

Hütsünü, Ihsa atümung romih mümüshütipü Abüdongba ahechi tehkehre; ko Abüdongba, sü Anbü liro abi chahnü hütsüba ahechi ronü müchangkaba ahechi adiuba khüdunü Ihsa abi kyocho la mülichijüre.

2 KORINTRÜ 4:17

Ihrünü azikyah ko amüshu chongchacho hi tenü alaa müchangkaba ahechi hironung.

GALATIARÜ 3:26

Khrista Jisu chah yudsicho khu nührü atümung Tsingrangba tsurüti kangko.

GALATIARÜ 4:6

Nührü abi tsurü thsachonü, Tsingrangba-nü apu tsurü anbü Ihsa lasiking la zürosohcho, ko hiba anbünü, “Uwa, Uwa” pü züdere.

FILIPIRÜ 3:21

Abinü tase khüi khu lüpcho abi pohki yohpücho, hütsüba tase bichi abinü Ihsa sumüzeh asüba fü hi apu ahechi fü kyo mülichi kangsohnung.

KOLOSIRÜ 3:4

Nührü yuje akang tsü Khrista ko khode abi mishanang, hütsüde nührüsü abi te ahechi la mishanung!

IBRIRÜ 9:28

Hütsüta nyitsarü khütango münyi hinung nengdang Khrista-nü akang mübü khüdupi jücho. Amünyi nengdang mah, ta abi yingrü khümchonung nengdang abi anyüpili ronung.

2 PETER 1:4

Hiri jiyü khunü hiba limih la thsangnyangjüba mükhyahmürah lanü nührü tsiphunung ko amüsa saying changtarü kangnung nengdang abinü hiroh-i anyengchocho arangcheh ko thsidi jiyü Ihsa khyang jücho.

1 JOHAN 2:28

Ho! I tsurüti, abi chah lieng, hütsünü abi ro Nyümong Ihsa müshahpü mithrungmizi linung.

1 JOHAN 2:7

Amüi shangrüti, Ihnü nührü yanglang thrahba yuzeng hi asi mah; ta adikehdinü nührünü bichi rochoba yuzeng ahi du tsü lile. Ahiba yuzeng yu tsü nührünü yuchiko.

1 JOHAN 3:1

Dhing Aunü Ihsa khütoh-i müicho! Abi amüi dirachonü Ihsa te Tsingrangba tsurü pü dsire, hütsü roh-i yuje, Ihsa abi tsurüti lile. Hütsünü limihnü Ihsa mümüdhere: tunüo limihnü abi mümüdhe.

1 JOHAN 3:10

Hinü Tsingrangba tsurü ko motsing tsurü adukah tsidsajüre: sünü yuje tsü münguchiro ko ajünirü mümüiro abi Tsingrangba tsurü mah.

1 JOHAN 3:21

Hütsüeko, amüi shangrüti, Ihsa lasihnü Ihsa mümülangjükhang, Tsingrangba jingte Ihsa mixüpnung.

1 JOHAN 5:1

Sünü Jisu tsü Mesia-epü yudsiro abi Tsingrangba tsurü lile; ko sünü Au müiro abinü Atsurüsü müire.

MISHACHO 2:28

Ihnü arüh khyang anyangnyü pütisü jünung.

MISHACHO 22:4

Arühnü abi romih ngunung, ko abi neng arüh kikhang chah kehnung.