1 JOHAN 3:12 - AMÜSA BAIBEL (BSI)

¹² Ihsa Kain mükyobae; abi motsing chahnü licho ko anikhung Abel müpsehcho. Tuepü Kain-nü abi müpsehcho? Tunüo abinü nguchiba tsü amüthsalang licho; ko aninü nguchiba tsü athsalang licho.

1 JOHAN 3:12 Iomraidhean Croise

LIPOH 4:25

Adam e anitpü nyüh azarü apa khüdu nümüsucho. Abükyünü yocho, “Kain-nü müpsehba Abel mülihnung Tsingrangba-nü I khyang azarü khüdu jüko.” Hütsünü abi neng Seth dsijücho.

2 SAMUEL 13:22

Absalom ani Tamar te Amnon-nü khing thsangnyangcho khu abi khütang thrünyicho ko yu mii müchotacho.

NENGSEKHI 37:12

Amütsarünü nyitsarü atsa nyüm rah külüpre, ko abi thrünyi dhingre.

NENGSEKHI 38:20

Atsa mülih amütsa jürünü Ih nyümre, tunüo Ihnü yuje du nguchinung lümre.

CHOYOH 27:4

Rihlong tsü akhürah ko athsangnyang, ta nahmoh te kihtanung mükoh.

CHOYOH 29:10

Shüh yongrünü yuje chorü thrünyire, ko abi akang yangchire.

CHOYOH 29:27

Amüsanü amütsa thrünyire, ko amütsanü amüsa thrünyire.

MATHI 13:19

Sürünü Tsingrangba Yanglih nengdang yusi yuchirü ta hütsü münyichehrü arüh tsü langthsilang longba majüh kyole. Amünyi tsü rorüh ko arüh chah shukehba majüh tsü rohcho hitsire.

MATHI 13:38

luh tsü limih; majüh atsa tsü ninglang Yanglih tsurüti; ko Sepungza tsü amünyi tsurüti;

MATHI 23:35

Achangkathsa, achomükeh Abel müpsehcho chahnü dikehpü Tsingrangba kuh ko bholu nyüh kahla nührünü müpsehba Berakia tsurü Zekaria chii achomükeh nyitsarüti müpsehchoba akhingchi apüm nührü chah küdunung.

MATHI 27:23

Ta Pilat-nü tsingdhingcho, “Abinü tu thsamehcho?” Hütsütade arühnü khütang züdenü yocho: “Abi hamkehng!”

MATHI 5:37

‘Ho’ mahkhang ‘Mah’ du young, nühnü lango dusü alaa yokhang hütsü amünyi chahnü lile.

YUSE ATSA LUK 11:51

Abel müpsehcho tinü Zekaria, sü bholu ko amüsa müdüm nyüh kahlanü müpsehcho nengdang hiba shang nyitsarü khingchinung. Ho, Ihnü nührü te yore, arüh atümung nengdang hiba shang nyitsarü khingchinung!

JOHAN 10:32

Jisu-nü arüh te yocho, “I U-nü I khyang nguchinung jücho nguchi atsa adrong Ihnü nührü yola nguchiko; arüh yola nguchi khüiba nengdangnü nührünü I chah müpnyüro?”

JOHAN 8:40

Ihnü nguchiba apümnü, Tsingrangba chahnü Ihnü yuchicho yuje tsü nührü te yonung du lile, ta nührünü Ih müpsehnung müküpre. Abraham-nü hi kyo tu münguchi!

JOHAN 8:41

Nührü aunü tu nguchicho nührünü hütsü nguchire.” Arühnü yocho: “Ihrü Au tsü Tsingrangba apu due, ko ihrü abi tsurü khung.”

RIWÜRÜTI NGUCHI 7:52

Azikehrü yola nührü jümürütinü müdhsümthsecho sü liro? Papade Tsingrangba Yusi hirüti sürünü amüsaba dikehrü khüdu ronung choyohcho arüh müpsehcho. Ko ade nührünü abi kihyochüko ko müpsehko.

1 TESALONIKARÜ 2:14

Jünirüti, Judea la Tsingrangba lithroti ko hütsüla Khrista nyitsarü chah tikehcho kyo, nührü chah tikehre. Abüdongba Jisu ko azikehrüti müpsehba ko ihrü dhsümthserü Jihudarü chahnü arüh achongcha ngucho roh-i,

IBRIRÜ 11:4

Yudsinü Abel-nü Tsingrangba khyang Kain tenü kangmübü atsauba khüdu jücho. Abi yudsi khu Tsingrangba chahnü abi alanglang ngucho, tunüo Tsingrangba apunü abi amübü khyüchocho. Abel yudsinü abi sünye ade yingcheh chore.

IBRIRÜ 12:24

Nührü azengchotacho asi külüpba ko Abel shüh tenü atsau anyengchocho shüh xahkehba Jisu yanglang ro lile.

1 PETER 4:4

Ko adelü nührünü arüh athrünyinung akang liba yola müzehchonü, arüh nyemüyangre ko nührü mükhimüngure.

1 JOHAN 3:8

Sünü amünyi bichiro abi motsing chahnü lile, tunüo adikeh lanü motsingnü amünyi shitpahko. Motsingnü tu nguchicho hütsü changjünung nengdang Tsingrangba Tsurü rocho.

JUDA 1:11

Arüh ahohah! Arühnü Kain khanglang iiwücho. Tunüo thsi ngang Balam-nü thsamehcho mülangla arühnü iiwücho, ko Koranü nyümchola arüh changko.

MISHACHO 17:6

Ko hiba khingkutpü tsü amüsarü shüh ko Jisu khanglang iiwücho ngang müpsehcho shühnü müchapü Ihnü ngucho. Abükyü ngude, I dee nyemüyangcho.