1 JOHAN 3:10 - AMÜSA BAIBEL (BSI)

¹⁰ Hinü Tsingrangba tsurü ko motsing tsurü adukah tsidsajüre: sünü yuje tsü münguchiro ko ajünirü mümüiro abi Tsingrangba tsurü mah.

1 JOHAN 3:10 Iomraidhean Croise

2 SAMUEL 13:22

Absalom ani Tamar te Amnon-nü khing thsangnyangcho khu abi khütang thrünyicho ko yu mii müchotacho.

MATHI 13:38

luh tsü limih; majüh atsa tsü ninglang Yanglih tsurüti; ko Sepungza tsü amünyi tsurüti;

YUSE ATSA LUK 6:35

Doh! Nührü rorüh müing; ko arüh te atsa nguching, ko thali ngunung mülongdipü nyajüng. Hütsütakhang nührü jiyü amülah ngunung, ko nührü Amichahba Tsingrangba tsurüti kangnung. Tunüo müci müthri ko amükhyu nyitsarü tesü abinü müire.

JOHAN 1:12

Ta abi khyüchorü atümung, sürünü abi nengla yudsicho, arüh khyang abinü Tsingrangba tsurü kangnung zii jücho;

JOHAN 11:52

ko arüh nengdang du mah, ta tsisho liba Tsingrangba tsurüti afü khüdula nübülungnung nengdang abinü hi chocho.

JOHAN 8:44

Nührü, nührü au motsing tsurüti ko nührünü nührü au lümcho la du tsehnyüre. Abi adikehdinü amüpsehrü ko khodesü yuje la mühle, abinü arahkheh choba tsü abi susuh, tunüo abi arahkhehrü ko arahkheh apüm au.

JOHAN 8:47

Sü Tsingrangba chahnü roro abinü Tsingrangba yu nyire.Ta nührü Tsingrangba chahnü müthsachonü nührünü münyire.”

RIWÜRÜTI NGUCHI 13:10

“Nüh motsing tsurü! Atsa apüm rorüh tsü nüh. Nüh amünyi rah lüpchonü jeng lile, ko nüh lede Abüdongba yuje tsü arahkheh kangsohnung müküpre.

ROMRÜ 13:8

Khüdunü khüdu te müitanung chah khu, sütesü thsite teerü tükang. Sünü hi nguchiro abinü yuzeng tikehjüre.

EFESIARÜ 5:1

Nührü Tsingrangba amüi tsurü thsachonü, nührünü abi kyo linung müküpm.

KOLOSIRÜ 3:14

Ko hiri atsa apüm chah amüi khüinü yujeba akehtala atümung rahrütajüro, hütsü lahkehng.

1 TIMOTI 1:5

Hiba yuzeng jüba alümcho tsü amüdhseng lasih, atsidsa lümlong, ko adekheng yudsi lanü roba amüi chürosohnung nengdang lile.

1 JOHAN 2:29

Khrista tsü amüsabaepü nührünü müdhele; khang sürünü tu yuje hütsü nguchiro, arüh tsü Tsingrangba tsurüepü nührünü müdhebae.

1 JOHAN 3:1

Dhing Aunü Ihsa khütoh-i müicho! Abi amüi dirachonü Ihsa te Tsingrangba tsurü pü dsire, hütsü roh-i yuje, Ihsa abi tsurüti lile. Hütsünü limihnü Ihsa mümüdhere: tunüo limihnü abi mümüdhe.

1 JOHAN 3:2

Amüi jünirüti, ade Ihsa Tsingrangba tsurüti lile, ta Ihsa tu kangnungnang ade mütsidsae. Ta khode Khrista ronang Ihsa abi kyo kangnungepü Ihsanü müdhele, tunüo Ihsanü apu tsatsa ngunung.

1 JOHAN 4:21

Khrista-nü Ihsa khyang yuzeng jüba tsü hi: Sünü Tsingrangba müiro abinü ajünirüsü müibae.

1 JOHAN 4:6

Ta Ihsalü Tsingrangba yo lile. Sünü Tsingrangba müdhero abinü Ihsa te nyire; sü Tsingrangba yo mahro abinü Ihsa te mühnyire. Hi khu Ihsanü arahkheh anbü ko yuje anbü adukah tsü müdhere.

1 JOHAN 4:8

Sünü mümüiro abinü Tsingrangba mümüdhe, tunüo Tsingrangba tsü amüi.

1 JOHAN 5:19

Limih apüm amünyi yangthsathsaba pohki linye, Ihsalü Tsingrangba yo lilepü Ihsanü müdhele.

1 JOHAN 5:2

Ihsanü Tsingrangba tsurüti müirepü müdheba tsü: Tsingrangba müiba ko ayuzeng bichicho khunü müdhere.

3 JOHAN 1:11

Amüi shangrü, amütsa tüithsa, ta atsa iithsang. Sünü atsa nguchiro abi Tsingrangba yo; sünü amütsa nguchiro abinü Tsingrangba müngu.