1 JOHAN 2:7 - AMÜSA BAIBEL (BSI)

⁷ Amüi shangrüti, Ihnü nührü yanglang thrahba yuzeng hi asi mah; ta adikehdinü nührünü bichi rochoba yuzeng ahi du tsü lile. Ahiba yuzeng yu tsü nührünü yuchiko.

1 JOHAN 2:7 Iomraidhean Croise

LEVIRÜ 19:18

Sü chahsü rüh tüyang mahkhang lede thrünyi du tüli, ta nühnü nüpu müicho kyo nü kurümrü müing. Ih Abüdongba lile.

LEVIRÜ 19:34

Ajünirü Israelrü te kyo arüh te bichieng ko abürü müicho kyo arüh müing. Ijip la nührüsü khüdupi shuparü thsa licho lümchehng. Ih nührü Tsingrang Abüdongba.

MATHI 5:43

“Hi yochoba nührünü yuchiko, ‘Nü shangrü müing, ko nü rorüh thrünyieng’

JOHAN 13:34

Ko Ihnü ade nührü khyang yuzeng asi khüdu jüre: Nührü khüdunü khüdu te müitaang. Ihnü nührü müicho roh-i nührü khüunü khüu te müitaang.

RIWÜRÜTI NGUCHI 17:19

Achotsü arühnü yangbe Areopagus yang Paul noropü yocho, “Nühnü thsingyuba adoba asi hi tunang ihrünü müdhenyüre.

AZIKA YU 6:5

Abüdongba nü Tsingrang nü lasih apümnü, nü nbü apümnü ko nü re apümnü müing.

IBRIRÜ 6:9

Ta shangrüti, ihrünü hita chonye, nührülü tsanung longdire. Nührü akangcheh amüwa atsau lilepü ihrünü müdhele.

1 JOHAN 2:24

Hütsütakhang, nührünü adikeh lanü nyisiba yusi tsü nührü lasih la lisohng. Nührü chah hütsüba yusi tsü lisohkhang, lede atsurü ko Au chah nührü linung.

1 JOHAN 3:11

Adikeh lanü nührünü yuchiba yusi tsü hi: Ihsanü khüdunü khüdu te müitabae.

1 JOHAN 3:2

Amüi jünirüti, ade Ihsa Tsingrangba tsurüti lile, ta Ihsa tu kangnungnang ade mütsidsae. Ta khode Khrista ronang Ihsa abi kyo kangnungepü Ihsanü müdhele, tunüo Ihsanü apu tsatsa ngunung.

1 JOHAN 3:21

Hütsüeko, amüi shangrüti, Ihsa lasihnü Ihsa mümülangjükhang, Tsingrangba jingte Ihsa mixüpnung.

1 JOHAN 3:23

Abinü Ihsa khyang yuzeng jüba tsü Khrista-nü Ihsa khyang yuzengjücho roh-i, Atsurü Jisu Khrista chah yudsinung ko khüdunü khüdu te müitanung nengdang jücho.

1 JOHAN 4:1

Amüi jünirüti, Anbü kehlepü yorü atümung chah tüyudsi, ta arüh chah kehba anbü tsü Tsingrangba chahnü rocho Anbü a mahnang müdhenung nengdang arüh thsadsüdhing. Tunüo arahkheh azikehrü limih la khütango chüroko.

1 JOHAN 4:11

Amüi jünirüti, Tsingrangba-nü hütsüta Ihsa müichokhang, Ihsasü khüdunü khüdu te müitabae.

1 JOHAN 4:21

Khrista-nü Ihsa khyang yuzeng jüba tsü hi: Sünü Tsingrangba müiro abinü ajünirüsü müibae.

1 JOHAN 4:7

Amüi jünirüti, Ihsanü khüdunü khüdu te müitanung, tunüo amüi tsü Tsingrangba chahnü rore. Sünü müiro abi Tsingrangba chahnü surocho, ko abinü Tsingrangba müdhele.