1 JOHAN 2:4 - AMÜSA BAIBEL (BSI)

⁴ Khürünü abi müdhelepü yokhang, ta abi yuzeng mübichikhang, hitari nyitsarü tsü arahkhehrü ko abi chah yuje tsü mühle.

1 JOHAN 2:4 Iomraidhean Croise

JOHAN 8:44

Nührü, nührü au motsing tsurüti ko nührünü nührü au lümcho la du tsehnyüre. Abi adikehdinü amüpsehrü ko khodesü yuje la mühle, abinü arahkheh choba tsü abi susuh, tunüo abi arahkhehrü ko arahkheh apüm au.

TITAS 1:10

Tunüo nyitsarü adrong alathsa Jihudarü yangthsa lanü ximülarüti sürünü arüh amükhyu lümlong khu nyümcho, ko aparü thsüyohchü lile.

TITAS 1:16

Arühnü Tsingrangba müdhelepü yore, ta arüh nguchinü hütsü münyengchore. Arüh athrünyinung ko ayocho mühnyi, tu atsa nguchinung müdekhing.

1 JOHAN 1:10

Ihsanü amünyi müshitpah pü yokhang, Ihsanü Tsingrangba arahkhehrü kangjüre, ko abi yu Ihsa chah mühle.

1 JOHAN 1:6

Ihsa abi te akehta lilepü Ihsanü yokhang, ta amala likhang, yula ko nguchi anyüdingla Ihsanü arahkheh chore.

1 JOHAN 1:8

Ihsanü Ihsa münyi mühlepü yokhang, Ihsabürü jangjang thsüyohchüre ko yuje tsü Ihsa chah mühle.

1 JOHAN 2:3

Ihsanü Tsingrangba yuzeng bichikhang, Ihsanü abi müdhelepü Ihsanü tsüpre.

1 JOHAN 2:9

Sünü abi atsingse la lilepü yoro, ta ajünirü thrünyiro, abi ade yingcheh amala lile.

1 JOHAN 3:6

Hütsünü sü Khrista chah liro abinü amünyi mübichire; ta sünü amünyi bichiro abinü abi müngu ko mümüdhe.

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.

1 JOHAN 4:7

Amüi jünirüti, Ihsanü khüdunü khüdu te müitanung, tunüo amüi tsü Tsingrangba chahnü rore. Sünü müiro abi Tsingrangba chahnü surocho, ko abinü Tsingrangba müdhele.