1 JOHAN 2:16 - AMÜSA BAIBEL (BSI)

¹⁶ Limih la liba atümung khüi shutsa mükhyahmürah liro, nyitsarünü tu nguro, ko khyünyüro ko hiba limih la lüpcho khüinü nyitsarü müthsehsohro, hiri tusü Au chahnü müro; hiri apüm limih lanü rore.

1 JOHAN 2:16 Iomraidhean Croise

LIPOH 3:6

Khingkutpü tsünü hiba singdong tsü adhingnung atsa ko asih tsü atsunung tsara ngucho ko müdhe kangnung tsü khüta anyemüyangnung pü lümcho. Achotsü abükyünü singsih tsü laa rocho ko tsucho; ko abükyünü anii khyangsü jücho, ko abinü tsucho.

LIPOH 6:2

ninglangrünü nyitsarü tsularüti tsü tsa ngucho, achotsü arühnü arüh müru khyücho.

JOB 31:1

Ihnü khodesü lazalarü chah mükhyah müdhingnung yuchümko.

NENGSEKHI 73:6

Hütsünü amüthseh tsü lah roh-i lahre ko shühkhatoh tsü fükhüm roh-i khyüre;

NENGSEKHI 78:18

Arühnü ahsanü Tsingrangba thsadsü arüh tsunyücho tsuyongnung chingcho.

NENGSEKHI 78:30

Ta arüh long münyüp-pü tsu du tsuchonü,

CHOYOH 27:20

Asülihnü khodesü mülongnyüpcho roh-i nyitsarü nahtse khodesü müjengre.

CHOYOH 6:25

Arüh tsah tsachonü nüh tüthsadsüsoh; arüh nah makehjübanü nüh tüxohsoh.

DANIEL 4:30

abinü yocho, “Dhing Babylon hi khütoh-i arangcheh! Hi Ihnü I zii ko tase, I ahechi ko akohba bichinung I yangdiba külüpcho lile.”

KHIDHINGCHO 11:34

Hütsüba müdüm te, “Shuxangrü Kong” pü dsicho, tunüo hütsüla arühnü shuxangrü dhrürangcho.

KHIDHINGCHO 11:4

Israelrü yola shuparüsü khürü shitsehla tsü zehcho. Arühnü shuh khütang mükhyahcho ko Israelrü arühbürünüsü jümjüm yocho: “Shuh aza dusü ngurelanglü!

MATHI 4:8

Hütsüpü motsingnü Jisu tsü azong athseng khüdu yang nowücho ko abi te limih yanglihti ko arüh ahechi atümung ngusohcho.

MATHI 5:28

Ta adelü Ihnü nührü te yore: sünü khingkurü chah mükhyah dhingnang abükyü te lasih la nahtrahnaxengre.

YUSE ATSA LUK 4:5

Hütsüpü motsingnü abi notuwücho ko limih la yanglihti apüm nahsüp müthsae abi te ngusohcho. Motsing tsünü abi te yocho,

ROMRÜ 13:14

Ta nührünü Abüdongba Jisu Khrista Khata jengki khyüng ko shutsa mükhyah longnyüpsohba müruba lanü zahng.

1 KORINTRÜ 10:6

Ade, arüh kyo, Ihsanü amütsa mümürunung shulüm hütsüri tsü Ihsa nengdang adüzü lile.

GALATIARÜ 5:17

Tunüo tu shutsanü müruro hütsü Anbünü müruba nyümre, ko tu Anbünü müruro, hütsü shutsanü mürucho nyüm lile. Hinyi hi arorüh lile, hütsünü nührünü tu nguchinyüro hütsü münguchichehre.

GALATIARÜ 5:24

Ko sürü Khrista yo, arühnü arüh shutsa mükhyahmürah apüm süsohko.

EFESIARÜ 2:3

Ihsa atümung arüh kyo Ihsa mürucho la, palu shutsa ko lümlongnü khyünyücho la licho. Aparü apüm roh-i, Ihsa suro tsü Tsingrangba rihlong chüroba ngunung licho.

TITAS 2:12

Hiba achomang tsünü Ihsa te amünyi akang ko limih mükhyahmürah pehjüpü abürü jangjang rahsehba, yuje ko hiba limih la Tsingrangba müdhe akang linung thülare,

TITAS 3:3

Tunüo Ihsasü khüdupi amüsithsa, yocho mühnyi, ko thsameh licho. Ihsa mükhyahmürah ko künyangküshi pohki ayurü kang licho. Ihsa akang tsü mükohdhing ko lungkha dunü jeng khüdunü khüdu thrünyita licho.

JAKOB 3:15

Hütsütari lümlong tsü ninglangnü rocho mah; hiba hi alimih shutsa ko amünyi yo lile.

JAKOB 4:16

Ta ade nührünü müthsehre, ko tüzümükhümre; hitari tüzümükhüm apüm amüthsalang.

JOSHUA 7:21

Ihrünü kengchocho kohro yola Ihnü Babylon-rü fükhüm khüdu taripi süreh anyü-oshi ko hon süreh achangshochah kehnü külüpcho tpah khüdu ngucho. Ihnü hütsü mükhyahrachonü hütsü khyüko. Hütsü I shükuh la taripinü akhyangdi thsapü jurangpüle.”

1 PETER 1:14

Tsingrangba te yocho nyieng, ko nührü amümüdhe shikhe liba saying roh-i akang tüli.

1 PETER 2:11

Jünirüti, Ihnü hiba limih la nührü shirü ko tsichi rümchirü roh-i khichire! Shutsa mükhyahmürah, khüi lede anbü nyüm khataro hütsü lanü za lieng.

2 PETER 2:10

alathsa sürünü arüh athrünyinung shutsa müruba iiwüro ko Tsingrangba tase müthsamünyüro hütsü Abüdongba-nü müdhele. Hiri arahkheh adorütinü ahechi ninglangrü khyang jengreng jünung müli, lasih müküp hongzinü arühnü arüh nyüpmüsehre.

2 PETER 2:18

Arühnü amüthseh ko amüsithsa yu chonü, amünyi la lirüti yolanü tsicheh tsinungpü lirüti te mabomashi shutsa mükhyahmürah nguchinü nüchotsinung müküpre.