1 JOHAN 2:13 - AMÜSA BAIBEL (BSI)

¹³ Ihnü nührü te thrahre, auti, tunüo nührünü sü adikehdinü licho abi müdhele. Ihnü nührü te thrahre, dhrezarüti, tunüo nührünü amütsaba tsü kohko.

1 JOHAN 2:13 Iomraidhean Croise

NENGSEKHI 148:12

dhrezarü ko lazarü, ashirü ko azarünü mii Abi seing.

NENGSEKHI 90:2

Azongti mükülüpde mahkhang limih müthride, Nüh müchangkaba Tsingrang licho, ko lede Nüh Tsingrang linung.

NENGSEKHI 91:14

Tsingrangba-nü yore, “Ihnü I müirü khümchonung ko Ih Abüdongba epü sünü müdhero arüh tsungtinung.

CHOYOH 20:29

Kunu nengse tsü arüh tase, ta ashirü adhingtangba tsü kutpoh.

JOEL 2:28

“Akhanglang atümung chah I nbü mükhakehjünung: Nührü tsurü ko tsularütinü choyohnung; nührü ashirütinü melang melangnung, ko nührü dhrezarütinü münguchehnung.

ZEKARIA 9:17

Limih tsü khüta atsa ko atsah atsa thsanung! Tsang ko cikihnü dhrezarüti rezeh zinung.

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

MATHI 13:19

Sürünü Tsingrangba Yanglih nengdang yusi yuchirü ta hütsü münyichehrü arüh tsü langthsilang longba majüh kyole. Amünyi tsü rorüh ko arüh chah shukehba majüh tsü rohcho hitsire.

MATHI 13:38

luh tsü limih; majüh atsa tsü ninglang Yanglih tsurüti; ko Sepungza tsü amünyi tsurüti;

MATHI 5:37

‘Ho’ mahkhang ‘Mah’ du young, nühnü lango dusü alaa yokhang hütsü amünyi chahnü lile.

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

JOHAN 14:7

Abinü arüh te yocho, Adelü nührünü Ih müdheko, nührünü I U sü müdhenung, ko ade tinü nührünü abi müdhele ko abi nguko.”

JOHAN 14:9

Jisu-nü lalingcho, “Filip, Ih nührü te hitoi nyahli liko; ta nühnü Ih mümüdherü ang? Sünü Ih ngucho abinü Au nguko. Khang khütapü nühnü, ‘Ihrü te Au ngusohng pü yoro’?

JOHAN 16:3

Arühnü I U thsanye Ih thsanye mümüdhechonü nührü chah hiri nguchinung.

JOHAN 16:33

Nührü Ite li atbachi ngunung nengdang Ihnü hi nührü te yoko. Limih la nührü chongcha roto lile. Ta rezehng! Ihnü limih kohko!”

JOHAN 17:21

Uwa! Nüh I chah ko Ih nü chah licho kyo, arüh Ihsa chah lisohng. Ih nühnü müthehchoepü limihnü müdhenungthsa, arüh khüdu kang lisohng.

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

JOHAN 8:19

Arühnü abi te tsingdhingcho, “Nü U khüde liro?” Jisu-nü lalingcho, “Nührünü Ihsü mümüdhe ko I U sü mümüdhe. Nührünü Ih müdherelang I U sü müdhebae.”

2 KORINTRÜ 4:6

Tsingrangba sünü, “Ama lanü atsingse vieng” pü yoba apu tsünü Khrista romih chah Tsingrangba ahechi tehkehba tsü müdhesohnung Ihsa lasih la apu atsingse hekehsohcho.

1 TIMOTI 5:1

Azirü khüdu te tüyübü, ta nüu te roh-i kihchieng. Azabarü te anirü roh-i,

TITAS 2:6

Hütsü roh-i dhrezarüti te abürü jangjang rahsehnung thsüching.

1 JOHAN 1:1

Adikehdinü tu akang Yu licho hütsü nengdang ihrünü nührü yang thrahre. Hütsü ihrünü yuchiko, ihrü nahtsenü nguko ko hütsü ihrü khehnü thahpüko.

1 JOHAN 2:1

I tsurüti, nührü amünyi müshitpahsohnung nengdang Ihnü nührü yang hi thrahre; ta khürünü amünyi shitpahkhang, Ihsa phikhüm Au te kihchijürü khürü lile, hütsü amüsaba Jisu Khrista.

1 JOHAN 2:12

Ihnü nührü te thrahre, I tsurüti, tunüo Khrista khyanglangnü nührü mülang pehjüko.

1 JOHAN 2:14

Ihnü nührü te thrahre, I tsurüti, tunüo nührünü Au müdhele. Ihnü nührü te thrahre, aurüti, tunüo nührünü sü adikehdinü licho abi müdhele. Ihnü nührü te thrahre, dhrezarüti, tunüo nührü rezeh lile; Tsingrangba yu nührü chah lile, ko nührünü amütsaba tsü kohko.

1 JOHAN 3:12

Ihsa Kain mükyobae; abi motsing chahnü licho ko anikhung Abel müpsehcho. Tuepü Kain-nü abi müpsehcho? Tunüo abinü nguchiba tsü amüthsalang licho; ko aninü nguchiba tsü athsalang licho.

1 JOHAN 4:4

I tsurüti, nührü Tsingrangba yo lile, ko arahkheh azikehrüti nührünü kohko, tunüo limih nyitsarüti chah liba anbü tenü nührü chah liba anbü tsü rezehba lile.

1 JOHAN 5:18

Tsingrangba tsurünülü amünyi mübichirepü Ihsanü müdhele, tunüo Tsingrangba Tsurünü abi khümcho yohpüre, ko münyirünü abi thsakehjünung mükoh.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

MISHACHO 12:11

Ko arühnü Sanza shüh ko arühnü sobhoba yuje tsünü abi kohko: ko arühnü arüh akang jünung ko sünung mii khyangcho.

MISHACHO 2:7

“Lithroti te Anbünü tu yoro, nührü nangku kehkhang nyieng! “Akohrüti khyang Ihnü Tsingrangba Tbü la sihba akang singdong sih tsusohnung.