1 JOHAN 2:1 - AMÜSA BAIBEL (BSI)

¹ I tsurüti, nührü amünyi müshitpahsohnung nengdang Ihnü nührü yang hi thrahre; ta khürünü amünyi shitpahkhang, Ihsa phikhüm Au te kihchijürü khürü lile, hütsü amüsaba Jisu Khrista.

1 JOHAN 2:1 Iomraidhean Croise

NENGSEKHI 4:4

Zii chürung, ta amünyi tüshitbah; Chongnong chah sahmüthsa lide, hi nengdang soh lümdhing.

EZEKIEL 3:21

Nühnü abi te amünyi tünguchi pü müzahsohde, abinü nü yochonyi amünyi münguchikhang, abi akang linung, khang nü akangsü rikinung.”

ZEKARIA 9:9

Künyangtaang, Zion-rü! Akünyangnü züdeing, nührü Jerusalemrü! Dhing, nührü yangthsaba nührü yang role! Abi akoh ngu rore, ta longlüm kang Gadu za khüdu chah pümpü rore.

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

JOHAN 10:15

Ko Ihnü arüh nengdang sünung mii khyangre.

JOHAN 13:33

I tsurüti, Ih nührü te anyahli mülinung. Nührünü Ih yangchinung, ta Ihnü Jihudarü langnürüte yocho roh-i, ade Ihnü nührü te yore, ‘Ih khüilang würo hütsülang nührünü mürochehnung.’

JOHAN 14:16

Ihnü Au te chingnung ko nührü te lede linung nengdang abinü nührü khyang aparü atrorü khüdu jünung.

JOHAN 14:6

Jisu-nü abi te lalingcho, “Lang, yuje ko akang tsü Ih; Ih mükhupü süsü Au yanglang müwücheh.

JOHAN 21:5

Hütsüde abinü arüh te tsingdhingcho, “Dhrezarüti, tusü mürangcho mah-o?” Arühnü lalingcho, “Tusü mürang.”

JOHAN 5:14

Akhanglang Jisu-nü abi amübükuh la ngu abi te yocho, “Nyieng, adelü nüh kyangpehko; amütsauba suronü nüh müchinungthsa adelü amünyi tüshitbah.”

JOHAN 5:36

Ta Johan-nü jücho yuzi tenü I yuzi adiu lile:

JOHAN 6:27

Sühtpah pehba tsuyongnung nengdang tünguchi, ta müchangkaba akang tsuyongnung nengdang nguching. Hiba tsuyongnung tsü Nyitsarü Tsurünü nührü khyang jünung, tunüo Au Tsingrang-nü abi chah akhyüchoba amüdhethsa shingkehjüko.”

JOHAN 8:11

Abükyünü yocho, “Abüdongba, sünüsü mümülangjü.” Achotsü Jisu-nü yocho, “Ihnüsü nüh mümülangjüre. Wüng, ta hiko tinü amünyi tübichi.”

RIWÜRÜTI NGUCHI 7:52

Azikehrü yola nührü jümürütinü müdhsümthsecho sü liro? Papade Tsingrangba Yusi hirüti sürünü amüsaba dikehrü khüdu ronung choyohcho arüh müpsehcho. Ko ade nührünü abi kihyochüko ko müpsehko.

ROMRÜ 5:10

Ihsa Tsingrangba rorüh thsacho, ta abi Tsurü sücho khu abinü Ihsa abi shangrü kangsohcho. Ade Ihsa Tsingrangba shangrü lile, khang Khrista akang khu Ihsa khütoh-i alaa khümchonung!

ROMRÜ 6:15

Akhanglü tu? Ihsa yuzeng pohki mah, ta achomang pohki lichonü, Ihsanü amünyi nguchinung do? Hütsüta khodesü mah!

ROMRÜ 8:34

Khang, sünü arüh mülangjünung? Khrista Jisu, sü sücho, ta kanglicho, ko Tsingrangba tsalang pümpü Ihsa nengdang kihchijüro, abinüsü mümülangjücheh.

1 KORINTRÜ 15:34

Nührü lümlong amüchonglang thalieng ko adelü amünyi tübichi. Ihnü nührü shahsohnung yore, nührü yola khürünü Tsingrangba mümüdhe.

2 KORINTRÜ 5:21

Khrista la ihrü Tsingrangba amüsaba tsü kangnung nengdang, sünü amünyi mümüdhecho, abi ihrü nengdang amünyi kangsohcho.

GALATIARÜ 4:19

I tsurüti, nührü chah Khrista saying müthride, azarü surode atpa khüdu mikhungcho kyo, nührü nengdang hütsü kyo Ih dhsare.

EFESIARÜ 2:18

Jihudarü ko Yangpirüti, Ihsa atümung Khrista khu Anbü khüdula Au yang ronung kohre.

EFESIARÜ 4:26

Nüh zichürokhang, hütsünü nüh amünyi tüshitpahsoh, ko nyümong mükhyang zii tüchüro.

1 TIMOTI 2:5

Tunüo Tsingrangba khüdu du, ko Tsingrangba e amüi tsurü nyüh nürütaba nyitsarüsü khüdu du lile, hütsü Jisu Khrista,

1 TIMOTI 3:14

Ihnü vathrah hi thrahnye, nüh shirünung Ih zah ronung lümle.

IBRIRÜ 9:24

Tunüo khehnü külüpcho Amüsa khüi adhingchocho liro, hütsüla Khrista-nü müzüdu. Ta Tsingrangba bete Ihsa nengdang ngunung ninglang yanglih tsatsa la züducho.

JAKOB 1:27

Au Tsingrang-nü amüthsengcheh ko yuje yangthsaepü khichiba tsü hie: Mürürüti ko chomilarüti arüh chongcha la dhingnung ko limih athsangnyang lanü za linung.

JAKOB 3:9

Ihsanü hi Ihsa Abüdongba ko Au nengse nengdang bichire ko Tsingrangba apu kyochola thricho nyitsarüsü chokehcholare.

1 PETER 2:22

Abinü amünyi tu müshitpah, ko sünüsü abi be lanü arahkheh cho müyuchidhing.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,

1 JOHAN 3:18

I tsurüti, Ihsa amüi tsü yu ko abe dunü mah, ta nguchinü ngusohba yuje amüi thsabae.

1 JOHAN 3:5

Amünyiti hitsinung Khrista rochoepü nührünü müdhele, ko abi chah amünyi mühle.

1 JOHAN 3:7

Sünüsü nüh tüthsüyohchüsoh, I tsurüti! Sünü yuje tsü nguchiro abi Khrista kyo müsa lile.

1 JOHAN 4:4

I tsurüti, nührü Tsingrangba yo lile, ko arahkheh azikehrüti nührünü kohko, tunüo limih nyitsarüti chah liba anbü tenü nührü chah liba anbü tsü rezehba lile.

1 JOHAN 5:17

Thsamehcho apüm tsü amünyi; ta asünung müthsaba amünyi khüdu lile.

1 JOHAN 5:21

I tsurüti, arahkheh tsingrangti tenü nührü jangjang za lieng!

3 JOHAN 1:4

I tsurüti yuje la licho yuchicho tenü tu apanü Ih mükünyangchehsoh.