1 JOHAN 1:9 - AMÜSA BAIBEL (BSI)

⁹ Ihsanü Ihsa münyi nyengchokhang, abinü Ihsa münyi pehjünung ko amümüsa apüm lanü müsasohnung, abi longlangchehba ko amüsa lile.

1 JOHAN 1:9 Iomraidhean Croise

1 YANGTHSARÜTI 8:30

Hiba lahpi pipü Ih ko Nü müyurütinü kihchide nyijüng. Ninglang Nü kuh lanü ihrü te nyieng ko ihrü mülang pehjüng.

1 YANGTHSARÜTI 8:47

Nü müyurünü kihchicho nyijüng. Arorüh lih la linye, arühnü arüh münyi ko mütsa müdhe lasih thsamüla Nüte kihchikhang, arühnü kihchicho lalingjüng, O Abüdongba.

NEHEMIA 1:6

I chah dhing, Abüdongba, Ihnü Nü dikehrüti Israelrü shulüm müyüp mükhyang kihchide, I dangkhidangnang nyijüng. Ihrü Israelrünü münyi shitpahcho mülang Ihnü nyengchore. I jümürüti ko Ihnü münyi shitpahko.

NENGSEKHI 19:12

Sünüsü palu thsamehcho müngure; Abüdongba, rang liba thsamehcho lanü Ih khümchoung!

NENGSEKHI 32:5

Hütsüde Ihnü I münyi Nüte nyengchocho; Ihnü I thsamehcho Nüte mürang. Nüte nyengchonung Ihnü dhrongchehcho, ko Nühnü I münyi apüm pehjücho.

NÜCHEHCHO 34:7

Ihnü shang hajar adrong nengdang anyengchocho yohpüre ko amütsa ko amünyi mülang pehjüre; ta Ihnü tpurü münyi nengdang arüh tsurü ko shümtsurü shang müyü chii khingchinung.”

CHOYOH 28:13

Nü münyi rangpünung müküpkhang nühnü khodesü akoh müngunung; ta sünü nyengchoro ko pehjüro, abi te Tsingrangba-nü achomang ngunung.

ISAYA 45:21

Rung ko yukhachah nührü yuzi jüng; Arüh khümrü arüh jangjang kihtasohng. Sünü papadenü atikehnung choyohcho? Hütsü, Ih, Abüdongba, sünü apu müyurü khümchocho Abinü mahrü ang? Apa Tsingrang mühle.

JEREMIA 3:13

Nühnü nü Büdongba nü Tsingrang nyümko, ko nüh mülangkopü nyengchoung. Singdong apüm pohki nühnü shupa tsingrang khyang nü amüi jüko ko I yuzeng mühnyicho nengdang nyengchoung. Ih, Abüdongba-nü choko.”

JEREMIA 33:8

Ih nyüm amünyi shitpahcho lanü Ihnü arüh müsachehjünung, ko arühnü nyümcho münyi mülangpehjünung.

MESHÜ 3:23

Nyangnyü mükhu arüh asi, Nüh longlangchehba arangcheh.

EZEKIEL 36:25

Ihnü nührü chah kih amüdhseng xahkehjünung ko kyothri ko lüpchonü nührü münyijücho lanü müsachehjünung.

EZEKIEL 37:23

Adelü arühnü athrünyinung kyothrinü arühbürü mümünyinung mahkhang amünyi la arühbürü müthsangnyangnung. Arüh amünyi shitpahba ko Ih kihyochüba lang apüm lanü arüh lehchehjünung. Ihnü arüh müsachehjünung; arüh I müyurü ko Ih arüh Tsingrang thsanung.

ZEKARIA 9:9

Künyangtaang, Zion-rü! Akünyangnü züdeing, nührü Jerusalemrü! Dhing, nührü yangthsaba nührü yang role! Abi akoh ngu rore, ta longlüm kang Gadu za khüdu chah pümpü rore.

MATHI 3:6

Arühnü arüh münyi nyengchocho, ko abinü arüh Jordan yongkhi la baptijücho.

MARK 1:5

Ko nyitsarü adrong Judea ko Jerusalem yangdi lanü Johan te nyinung wücho. Arühnü arüh münyi nyengchocho ko abinü Jordan yongkhi la arüh baptijücho.

YUSE ATSA LUK 22:57

Ta Peter-nü mühnyengcho yocho, “Khingkurü, Ihnü apu mii mümüdhe!”

JOHAN 17:25

Amüsa Uwa! Limihnü nüh mümüdhe, ta Ihnü nüh müdhele, ko nühnü Ih müthehchoepü hirinü müdhele.

RIWÜRÜTI NGUCHI 19:18

Yudsirü adrongnü misha arühnü nguchicho khohcheh yo rocho.

ROMRÜ 3:26

Atsicho la abinü rangchocho ko nyitsarüti münyi mükhichicho; ta adelü abi amüsaba ngusohnung abinü arüh münyiti khichire. Hütsüta Tsingrangba-nü apusü amüsaepü ngusohre ko Jisu chah yudsirü müipi abinü langjüre.

1 KORINTRÜ 1:9

Tsingrangba sünü apu Tsurü Jisu Khrista, Ihsa Abüdongba te kehtasohnung nührü dsicho, abi tsü longlangchehba lile.

1 KORINTRÜ 6:11

Hütsütari khürü nührü yola licho. Ta Abüdongba Jisu Khrista nengla ko Ihsa Tsingrang Anbü la nührü thsütohko; nührü müsachehko; ko nührü langjüko.

EFESIARÜ 5:26

Lithro tsü apu te khüdupinü ahechi la amüdhseng ko mülang müli, xubongtüyah mükeh mahkhang lapha mükeh, mahkhang tu achomükeh linung nengdang,

AZIKA YU 7:9

Abüdongba nührü Tsingrang du tsü yuje ko longlangchehba Tsingrangepü lümkehng. Abinü Abi azengtacho yohpünung ko sünü Abi müiro ko Abi yuzeng bichiro, Abinü shang hajar adrong Abi amüthrehba amüi ngusohnung,

1 TIMOTI 1:15

Hiba yu hi yuje-epü apümnü khyücho yudsinungthsa: Jisu Khrista limih yang münyirü khümchonung rocho. Ko arüh apüm tenü Ih amütsauba.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

IBRIRÜ 10:23

Ihsanü nyengchoba alongdi la khahkhah ramehnung, tunüo Tsingrangba-nü abi anyengchocho yohpünung Ihsanü longlangre.

IBRIRÜ 11:11

Yudsinü, Abraham dee shinye ko Sara azarü hinung khunye Au khüdu kangnung kohsohcho. Abinü anyengchocho yohpünung Tsingrangba chah longlangcho.

IBRIRÜ 6:10

Tsingrangba yuje müchorü mah. Nührünü nührü jünirü khristanti te nguchi atsa nguchicho, mahkhang abi khyanglangnü amüi ngusohcho ade yingcheh jüyaba nengdang abinü münbüchünung.

1 JOHAN 1:7

Tanye abi atsingse la licho roh-i Ihsanü atsingse la likhang, Ihsa khüdunü khüdu te akehtala lile ko Atsurü Jisu Khrista shühnü Ihsa münyi apüm lanü müsachehjüre.

MISHACHO 15:3

ko Tsingrangba dikehrü Mosa khi ko Sanza khi thsa yacho: “Akohba Abüdongba Tsingrang, nü nguchi khüta amülah ko anyemüyangnung! Yanglihti yangthsaba, nü langti khüta yuje ko amüsa!