1 JOHAN 1:8 - AMÜSA BAIBEL (BSI)

⁸ Ihsanü Ihsa münyi mühlepü yokhang, Ihsabürü jangjang thsüyohchüre ko yuje tsü Ihsa chah mühle.

1 JOHAN 1:8 Iomraidhean Croise

1 YANGTHSARÜTI 8:46

“Khode Nü müyurünü Nüh nyüm amünyi shitpahnang, tunüo amünyi müshitpahrü süsü mülinung, ko Nühnü Nü rihlongchüro arüh rorüh kheh la arüh jo, arüh ashula kümtsisohnang,

2 YANGTHSARÜTI 20:15

“Arühnü yangthsaba kuh la tsü tu dhingcho? Arühnü lüpcho nguko. Ihnü azahkehjila tsü arüh te müngusohcho tusü mühle.”

2 ROHTHÜP 6:36

“Khode Nü müyurünü Nüh nyüm amünyi shitpahnang, tunüo amünyi müshitparü süsü mühle, ko Nü rihlong chüro arüh rorüh khyang kohsoh ko lih palang arangyohrü kang notsinang, hütsüba lih tsü dee ashu thsanye;

JOB 14:4

Nyitsarü chahnü surocho amümüsa kyo, tulanüsü amüsa chüronung mükoh.

JOB 15:14

Nyitsarü khüdu yuje müsa linung ang? Nyitsarü khüdu Tsingrangba te alanglang linung ang?

JOB 25:4

Tsingrangba jingte khürü yuje ko amüsa lirü do?

NENGSEKHI 143:2

Nü dikehrü tüthsadsü; Nü bete süsü Amüsa mühle.

CHOYOH 20:9

I lasih amüsa ko Ih Amüsarüe pü sünü yochehnung?

THSINGYURÜ 7:20

Limih la athsalang du nguchirü ko khodesü müthsamehrü süsü mühle.

ISAYA 53:6

Ihsa apüm chahpehba san kyo licho, Ihsa apüm palu tsinyülang tsiko. Ta Ihsa aleng akhingchi tsü, Abüdongba-nü abi chah tikehsohcho.

ISAYA 64:6

Ihrü atümung münyirü thsacho; ihrü nguchi atsa mii apüm athrünyi du kang licho. Ihrü münyi khu ihrü amükucho ko nyübongnü fotsiba singvatpah kyo licho.

JEREMIA 2:35

‘Ih mülang mühle; yutsatsa adelü Abüdongba-nü Ite zii müchüro.’ Ta Ih, Abüdongba-nü nührü khingchinung, tunüo nührünü amünyi müshitpah pü yoko.

LEVIRÜ 13:12

Madhsa tsünü ajing lanü athah chii tsütikhang, bebübanü thali dhingnung.

JOHAN 8:44

Nührü, nührü au motsing tsurüti ko nührünü nührü au lümcho la du tsehnyüre. Abi adikehdinü amüpsehrü ko khodesü yuje la mühle, abinü arahkheh choba tsü abi susuh, tunüo abi arahkhehrü ko arahkheh apüm au.

ROMRÜ 3:10

Amüsa yunü yocho kyo: “Amüsa süsü mühle, khüdusü mühle,

ROMRÜ 3:23

Atümungnü amünyi shitpahko ko Tsingrangba ahechi müchire.

1 KORINTRÜ 3:18

Abürü jangjang tüthsüyohchü. Nührü yola khürünü hiba limih lümlongnü abi lümzehlepü lümkhang, ta apisa kangnung nengdang amüsithsa kangbae.

GALATIARÜ 6:3

Nyüh khüdunü tulamüyohko khüli amülah müjang lümkhang, apu jangjang khürahyohchüre.

1 TIMOTI 6:5

ko lümlong mülirü ko yuje mülirü chahnü lede yubejarong chürosohre. Yangthsa khyüba tsü alirü kangnung nengdangepü arühnü lümre.

2 TIMOTI 3:13

ko nyitsarü amütsati ko kihyochüjürüti aparü thsüyohchü amütsa lanü amütsau kangnung.

JAKOB 1:22

Ta nührü abürü jangjang kihyochü ayuchirü du mükangpü anguchirü kang.

JAKOB 1:26

Khürünü abi amüsabaepü lümrü mah-o? Abinü apu müle mürahsehkhang, abi yangthsa tsü amii mühle, ko abinü apu kihyochüre.

JAKOB 3:2

Ihsa atümungnü adrongpi thsamehre.Ta nyüh khüdunü abi yula khodesü müthsamehkhang, abi apisae, ko abinü akang apüm mii rahsehchehnung.

2 PETER 2:13

arühnü amütsa nguchicho ngang arüh chongchanung. Mishanü masü nguchiba tsü arüh nengdang alongnyüpnungepü arühnü khichicho. Nührü yola tsuyongde mii arühnü thsüyohchüba lang nengdang du künyangtaba tsü ashah ko athrünyinung.

1 JOHAN 1:10

Ihsanü amünyi müshitpah pü yokhang, Ihsanü Tsingrangba arahkhehrü kangjüre, ko abi yu Ihsa chah mühle.

1 JOHAN 1:6

Ihsa abi te akehta lilepü Ihsanü yokhang, ta amala likhang, yula ko nguchi anyüdingla Ihsanü arahkheh chore.

1 JOHAN 2:4

Khürünü abi müdhelepü yokhang, ta abi yuzeng mübichikhang, hitari nyitsarü tsü arahkhehrü ko abi chah yuje tsü mühle.

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.

2 JOHAN 1:2

tunüo yuje tsü Ihsa chah lile ko Ihsa chah lede linung.

3 JOHAN 1:3

Khristan jünirü khürü ronü nüh lede yuje la licho roh-i, yuje nengdang nüh longlangchehba khüduepü yode, Ih künyangsecho.