1 JOHAN 1:7 - AMÜSA BAIBEL (BSI)

⁷ Tanye abi atsingse la licho roh-i Ihsanü atsingse la likhang, Ihsa khüdunü khüdu te akehtala lile ko Atsurü Jisu Khrista shühnü Ihsa münyi apüm lanü müsachehjüre.

1 JOHAN 1:7 Iomraidhean Croise

NENGSEKHI 104:2

atsingsenü nüpu müshüti lile. Ninglanglih tsü Nühnü shükuh roh-i khyangpüle,

NENGSEKHI 51:2

I münyiti apüm thsütohjüng ko I münyi lanü müsachehjüng!

NENGSEKHI 56:13

tunüo amükoh asülanü Nühnü Ih rerecho, ko amükoh lanü khümchocho. Hütsünü akang lirü chah heba atsingsela Ihnü Tsingrangba te tsehre.

NENGSEKHI 89:15

Sünü khi thsa Nüh mübüro, sünü amüi atsingsela liro arüh akünyangnung!

NENGSEKHI 97:11

Avisanü Amüsarü chah here, ko atsarü chah akünyang rore.

ISAYA 2:5

Ade, Jakob trah, Abüdongba-nü jüba atsingsela tsü Ihsanü tsehnung.

ISAYA 33:24

Ihsa lih la lirü sünüsü dhsangnanglepü müyonung ko münyi apüm mülangpehjünung.

ISAYA 6:7

Abinü michüh tsünü I bela thahpüpü yocho, “Hinü nü beküp chah thahpüko, ko ade nü mülang hitsiko, ko nü münyi mülang pehjüko.”

AMOS 3:3

Mükihtapü nyüh anyüh müjang rachinung do?

ZEKARIA 13:1

“Akohbong Abüdongba-nü yore, “Hütsü bekhyah chihde, David tsutpu ko Jerusalem nyitsarüti münyi ko kyothri mübüba lanü müsachehjünung, Ihnü yongna khüdu khangthrujünung.

MATHI 6:12

Ihrü te thsamehrü khyang ihrünü mülang pehjücho roh-i, Ihrü thsamehcho mülang pehjüng.

JOHAN 1:29

Nyümong khüu tsü, Johan-nü Jisu abi yanglang rochi ngu yocho, “Alimih münyi hitsibong Tsingrangba Sanza tsü dhing!

JOHAN 12:35

Jisu-nü lalingcho, “Atsingse tsü nührü yola azachah du linung. Amanü nührü mübhünüpnungthsa nührü te atsingse lidenü tsehng; tunüo sü amala tsehro abi khüde würünang abinü mümüdhe.

JOHAN 5:4

(tunüo Abüdongba riwürü khüdu khüpipi changtphü la tsü jüronü kih tsü shühchijücho. Kih shühchide sü akhu kih la mütrahrangnang, tunü füdhsaro apüm kyangcho.)

ROMRÜ 13:12

Ama athseng tsiko, ko atsingse tsehle. Hütsüeko Ihsanü ama nguchiti pehjünung, ko atsingse la khata thsunohrü khyonung.

1 KORINTRÜ 6:11

Hütsütari khürü nührü yola licho. Ta Abüdongba Jisu Khrista nengla ko Ihsa Tsingrang Anbü la nührü thsütohko; nührü müsachehko; ko nührü langjüko.

EFESIARÜ 1:7

Tunüo Khrista sücho khu Ihsa lehchehko, ko Ihsa münyi pehjüko.

EFESIARÜ 5:8

Nührübürü mii khüdupi amala licho, ta Abüdongba nyitsarü kangchonü, nührü ade atsingse la lile. Hütsüeko nührünü atsingse tsurüti kyo lieng,

1 TIMOTI 6:16

Amüsüba tsü abi du; sünüsü müchichehba atsingsela abi lire. Sünüsü abi müngudhing; ko sünüsü abi müngucheh. Adhichi ko müchangkaba yanglih abi yo thsaang! Amen.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

IBRIRÜ 9:14

Khang, Khrista shühnü khütoi alaa nguchichehpü linung! Müchangkaba anbü khu abinü Tsingrangba khyang apisaba kangmübü khüdu apu akang jücho. Ihsanü akang liba Tsingrang dikehchehnung nengdang abi shühnü akhyüchah müliba ayah mübü lanü Ihsa müsachehjünung.

JAKOB 1:17

Jiyü atsa ko apisa apüm ninglangnü lile; ninglang atsingseti thriba, sü mümülichiro mahkhang rehnye mümaro, hiba Tsingrang chahnü lile.

1 PETER 1:19

ta arah ko lapha mükehba sanza Khrista thsidi shühnü rochehcho.

1 JOHAN 1:3

Au ko Atsurü Jisu Khrista te ihrü akehtala tsü nührüsü zehchehnung nengdang ihrünü tu ngucho ko yuchicho hütsü nührü tesü sobhocho.

1 JOHAN 1:5

Ihrünü yuzi khüi Atsudhre chahnü yuchicho ko nührü te sobhocho hütsü hi: Tsingrangba tsü atsingse, ko abi chah ama thri dusü mühle.

1 JOHAN 5:6

Jisu Khrista tsü kih ko ashüh la rocho; abi kih la du mah, ta kih ko ashüh la rocho. Ko anbü apu tsü yuzi, tunüo anbü tsü yuje.

1 JOHAN 5:8

Anbü, Kih ko Ashüh; ko asangdingnü yuzi sako jüre.

2 JOHAN 1:4

Aunü Ihsa khyang yuzi jücho roh-i, nü tsurü khürü yuje la licho ngu Ih dee künyangre.

3 JOHAN 1:4

I tsurüti yuje la licho yuchicho tenü tu apanü Ih mükünyangchehsoh.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko

MISHACHO 12:11

Ko arühnü Sanza shüh ko arühnü sobhoba yuje tsünü abi kohko: ko arühnü arüh akang jünung ko sünung mii khyangcho.

MISHACHO 7:14

Ihnü lalingcho, “Ihnü mümüdhe, nühnü müdhele, adirü!” Abinü Ite yocho, “Hiri nyitsarüti hi adrünung dhsümthsedhsümloh lanü khümcho rorüti lile. Arühnü arüh jengki Sanza shüh la thsütoh thru kangsohko.