1 JOHAN 1:6 - AMÜSA BAIBEL (BSI)

⁶ Ihsa abi te akehta lilepü Ihsanü yokhang, ta amala likhang, yula ko nguchi anyüdingla Ihsanü arahkheh chore.

1 JOHAN 1:6 Iomraidhean Croise

NENGSEKHI 82:5

“Nührü khüta amümüdherü! Khüta adohrü! Nührü khüdupinü athsangnyang, ko limih lanü yuje tsü changpehko.

NENGSEKHI 94:20

Yujemücho yukharü sünü arahkheh alanglang kangsohro,

CHOYOH 2:13

Amüsa akang pehpü amünyi amarürah la liba,

MATHI 7:22

Khode yukha nyümong ronang, adrongnü Ite yonung, ‘Abüdongba, Abüdongba! Nü nengla Ihrünü Tsingrangba yu choko, nü nengla Ihrünü amünyi iipehko ko thsayahiya adrong nguchiko!’

JOHAN 11:10

Ta abinü amala rachikhang jing müthire, tunüo abi atsingse mühle.”

JOHAN 12:35

Jisu-nü lalingcho, “Atsingse tsü nührü yola azachah du linung. Amanü nührü mübhünüpnungthsa nührü te atsingse lidenü tsehng; tunüo sü amala tsehro abi khüde würünang abinü mümüdhe.

JOHAN 12:46

I chah yudsirü müipi amala mülisohnung nengdang, Ih atsingse roh-i limih yang rocho.

JOHAN 8:12

Jisu-nü Farisirü te anyüpiusü yocho, “ Ih limih atsingse, sünü I khanglang ronang abi amala mütsehnung ta akang atsingse ngunung.”

JOHAN 8:55

Nührünü abi khodesü mümüdhe, ta Ihnü abi müdhele. Ihnü abi mümüdhepü yokhang, nührü kyo Ih arahkhehrü. Ta Ihnü abi müdhele, ko Ihnü abi yocho nyire.

1 TIMOTI 4:2

Hitari adoba tsü thsüyohchüba arahkhehrü, sürü lümlong idhse adhsanü lehcho roh-i asücho liro, hitarinü sobhore.

JAKOB 2:14

Jünirüti, nyüh khüdunü abi yudsi lilepü yonye anguchi mülikhang, tu jingchonung? Hütsü yudsi tsünü abi khümchochehnung mah-o?

JAKOB 2:16

Arüh te, “Tsingrangba-nü müwajüng! Nührü langchikhüti lieng! Ko mi jeng tsung ko yokhang!” Ta nühnü akang dhsütah tusü müdesahkhang, tu jingchonung?

JAKOB 2:18

Ta khürünü yonung, “Nyüh khüdu yudsi lile, ko aparü khüdu nguchi lile. Sünü nguchi müzehpü yudsi khüta lichehnung Ite ngusohng.” Ihnü I nguchi khu I yudsi nguchi ngusohnung.

1 JOHAN 1:10

Ihsanü amünyi müshitpah pü yokhang, Ihsanü Tsingrangba arahkhehrü kangjüre, ko abi yu Ihsa chah mühle.

1 JOHAN 1:3

Au ko Atsurü Jisu Khrista te ihrü akehtala tsü nührüsü zehchehnung nengdang ihrünü tu ngucho ko yuchicho hütsü nührü tesü sobhocho.

1 JOHAN 1:8

Ihsanü Ihsa münyi mühlepü yokhang, Ihsabürü jangjang thsüyohchüre ko yuje tsü Ihsa chah mühle.

1 JOHAN 2:4

Khürünü abi müdhelepü yokhang, ta abi yuzeng mübichikhang, hitari nyitsarü tsü arahkhehrü ko abi chah yuje tsü mühle.

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.