1 JOHAN 1:2 - AMÜSA BAIBEL (BSI)

² Khode hiba akang tsü mishacho, ihrünü hütsü ngucho; hütsünü hütsü nengdang ihrünü sobhore ko nührü te müchangkaba khüiba Au te licho ko khüi ihrü te müdhesohcho hütsü nengdang yore.

1 JOHAN 1:2 Iomraidhean Croise

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 1:4

Abi chah akang licho, ko hiba akang tsü müyurü atsingse thsacho.

JOHAN 10:28

Ihnü arüh khyang müchangkaba akang jüre, ko arüh khodesü müsünung. Ko I kheh lanü sünüsü arüh rohcho mühitsinung.

JOHAN 14:6

Jisu-nü abi te lalingcho, “Lang, yuje ko akang tsü Ih; Ih mükhupü süsü Au yanglang müwücheh.

JOHAN 15:27

Ko nührü mii I yuzithsanung, tunüo adikeh lanü nührü I yola licho.

JOHAN 16:28

Ih Au chahnü limih yang rocho; ko ade Ih limih pehjüpü Au yang würe.”

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

JOHAN 17:5

Uwa, limih müthride Ih nüte lide tu ahechi licho, hütsü ade nüpu linü hechisohng.

JOHAN 19:35

(Nührünü yudsisohnung nengdang hi sünü tikeh ngucho abinü yuzi jüre. Abi yuzi yuje lile ko abinü yuje chorepü apunü müdhele.)

JOHAN 21:14

Jisu asücho lanü kangchehli ropü hinü asangpiu monoti te chüro ngure.

JOHAN 3:13

Ko nyitsarü Tsurü, sü ninglangnü jürocho, abi chah khu sünüsü ninglang mütuwüdhing.”

JOHAN 7:29

ta Ihnülü abi müdhele, tunüo Ih abi chahnü rocho ko Ih abinü müthehcho.”

JOHAN 8:38

I U-nü Ite tu ngusohcho hütsü nengdang Ihnü chore, ta nührünü nührü tpurünü tu yocho hütsü nguchire.”

RIWÜRÜTI NGUCHI 1:22

Baptinung nengdang Johan-nü thsingyuba nyümong lanü Abüdongba Jisu Ihsa yola rachicho ayung ko Ihsa yolanü ninglang nükeh tsiba nyümong chiinü Ihsa yola zehrü nyüh khüdu thsanungbae.”

RIWÜRÜTI NGUCHI 10:41

atümung te mah, ta Tsingrangba-nü throchehcho yuziti abi asücho lanü kangli ropü abi yola tsuyongrü ihrü te ngusohcho.

RIWÜRÜTI NGUCHI 2:32

Hiba Jisu Tsingrangba-nü kangchehli rosohko, ko hi nengdang ihrü atümung yuzi lile.

RIWÜRÜTI NGUCHI 3:15

Akang lang nübong tsü nührünü müpsehcho, ta Tsingrangba-nü abi sücho lanü kanglisohcho ko hi nengdang yuzi ihrü lile.

RIWÜRÜTI NGUCHI 5:32

Hütsüri nengdang yuzi tsü abi yocho nyirüti khyang jüba Tsingrangba jiyü Anbü Amüsa ko ihrü yuzi lile.”

ROMRÜ 8:3

Nyitsarü sumüzehcho khu Yuzengnü khüi münguchichehcho, hütsü Tsingrangba-nü nguchicho. Shutsa ayah münyi mülangjü amünyi pehjünung nengdang amünyi shutsa la abinü apu Tsurü müthehcho.

GALATIARÜ 4:4

Ta khode bekhyah adekheng tsü rocho; Tsingrangba-nü apu Tsurü müthehcho. Abi limih la atpa khüdu khu rocho,

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.

2 TIMOTI 1:10

ta ade Ihsa Kangchehjüba Jisu Khrista rocho khu Ihsa te hütsü misha lile. Abinü asüba zii tsü changsohko ko Yuse khu amüsüba akang tsü mishajüko.

TITAS 1:2

Tsingrangba sünü arahkheh müchoro, abinü hiba akang tsü adikeh lanü Ihsa te nyengchocho,

1 PETER 5:1

Ipusü azirü khüdu thsachonü, nührü yola Lithro azibarüti te thsüchire. Ih Khrista chongchacho yuzi ko mishanung liba ahechi la tsü Ihsü khyünung.

1 JOHAN 1:1

Adikehdinü tu akang Yu licho hütsü nengdang ihrünü nührü yang thrahre. Hütsü ihrünü yuchiko, ihrü nahtsenü nguko ko hütsü ihrü khehnü thahpüko.

1 JOHAN 2:25

Ko hiba müchangkaba akang tsü Khrista apunü Ihsa te nyengchoko.

1 JOHAN 3:5

Amünyiti hitsinung Khrista rochoepü nührünü müdhele, ko abi chah amünyi mühle.

1 JOHAN 3:8

Sünü amünyi bichiro abi motsing chahnü lile, tunüo adikeh lanü motsingnü amünyi shitpahko. Motsingnü tu nguchicho hütsü changjünung nengdang Tsingrangba Tsurü rocho.

1 JOHAN 4:14

Ko Aunü limih Kangchehjüba kangnung atsudhre müthehcho, hütsü Ihsanü nguko ko aparü te yuzi jüre.

1 JOHAN 4:2

Hinü nührünü Tsingrangba Anbü a mahnang müdhenung: Sünü Jisu Khrista tsü shutsa la rochoepü chechorünang hütsü Tsingrangba chahnü rocho Anbü.

1 JOHAN 5:11

Yuzi tsü hi: Tsingrangba-nü Ihsa khyang müchangkaba akang jüko, ko hiba akang tsü Atsudhre chah lile.

1 JOHAN 5:13

Nührü Tsingrangba Tsurü chah yudsirüti, nührü müchangkaba akang lilepü müdhenung nengdang, Ihnü nührü yanglang hi thrahre.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.