1 JOHAN 1:1 - AMÜSA BAIBEL (BSI)

¹ Adikehdinü tu akang Yu licho hütsü nengdang ihrünü nührü yang thrahre. Hütsü ihrünü yuchiko, ihrü nahtsenü nguko ko hütsü ihrü khehnü thahpüko.

1 JOHAN 1:1 Iomraidhean Croise

ISAYA 41:4

Hütsü tikehsohba tsü sünüo? Sünü yukheh tsü chürosohcho? Ih, Abüdongba adikehla licho, ko achangkalasü linung.

MIKA 5:2

Abüdongba-nü yore, “Bethlehem Efratha, Juda la nüh yangza yola khüdu, ta nü chahnü Israel nengdang yangthsarü khüdu chüronung, abi jümürü hung lanü ronung.”

YUSE ATSA LUK 1:2

Arühnü thrahba tsü hiri adikeh lanü sürünü ngucho ko sürünü yusi tsü sobhocho arühnü ihrü te yochoba lile.

YUSE ATSA LUK 24:39

I kheh ko I jing dhing, ko hi Ipue ko müdheing. I chah thahpüng ko dhing, tunüo nührünü I chah ngucho roh-i anbü khüdu chah shutsa ko arüh zeh müngunung.”

JOHAN 19:35

(Nührünü yudsisohnung nengdang hi sünü tikeh ngucho abinü yuzi jüre. Abi yuzi yuje lile ko abinü yuje chorepü apunü müdhele.)

JOHAN 20:27

Hütsüpü abinü Thomas te yocho, “Hila nü müyungza thsirang, ko I müyotpah dhingdhing; ko nü kheh müyungchü I thringxang la mayohchüng. Tütohnyünyeh tüli ta yudsing!”

JOHAN 5:26

Au apu chah khüta akang liro, hütsü roh-i abinü Atsudhre khyangsü apu chah akang linung jüko.

JOHAN 8:58

Jisu-nü arüh te lalingcho, “Ihnü nührü te yutsatsa yore: Abraham müsuroedenü Ih licho.”

RIWÜRÜTI NGUCHI 1:3

Abi süpü nyümong yüre abinü abi akang licho tütohnyünyeh mülisohnung arüh te adrongpi chüro ngusohcho. Arühnü abi ngucho, ko abinü Tsingrangba yanglih nengdang arüh te docho.

RIWÜRÜTI NGUCHI 4:20

Tunüo ihrübürünü tu ngucho ko yuchicho hütsü müchoko linung mükoh.”

IBRIRÜ 2:3

Hitoh-i akangcheh arangcheh Ihsanü thrüchahchüpehkhang, tu khüta Ihsanü tsiphunung? Hiba akangcheh hi Abüdongba apunü akhu züdecho, ko sürünü yuchicho arühnü Ihsa te yuje-epü yuzi jücho.

1 JOHAN 4:14

Ko Aunü limih Kangchehjüba kangnung atsudhre müthehcho, hütsü Ihsanü nguko ko aparü te yuzi jüre.

1 JOHAN 5:7

Yuzi asang lile:

MISHACHO 1:11

Yuva tsünü yocho, “Nühnü tu nguro hütsü thrahng ko Efesia, Smerna, Pergamum, Thyatira, Sardis, Filadelfia, ko Laodicea hiri yangdi Lithro dhünyeh yang mühehng.”

MISHACHO 1:8

“Abüdongba Akohbong Tsingrang sü liro, sü licho ko sü aronung liro abinü yore, Ih Alfa ko Omega.”

MISHACHO 19:13

Abi jengki tsü ashühnü jeng licho. Abi neng tsü “Tsingrangba Yu.”

MISHACHO 2:8

“Smerna la Lithro riwürü yang thrahng: “Adikeh ko achangka, sü sücho ko akang liro, abi chahnü yusi tsü hi lile.