Nehemia 9:1 - EBBAIBBO EMBOOSI YA NASAAE

¹ Bulaanu hu ludaalo lw'amahumi kabiri neende hane, olw'omwoosi kweene kuno, abaandu ba Yisiraeli bebuusa alala ohusiiba nibefwaalire ebigunia, haandi nibeebahire eloba hu mitwe kyaabwe.

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Bulaanu hu ludaalo lw'amahumi kabiri neende hane, olw'omwoosi kweene kuno, abaandu ba Yisiraeli bebuusa alala ohusiiba nibefwaalire ebigunia, haandi nibeebahire eloba hu mitwe kyaabwe.

Nehemia 9:1 Iomraidhean Croise

2 Samueli 1:2

Oludaalo lwaloondaho, omusyaani omuraaga yoola ebweene eyo naatula mu kaambi ya Saulo. Ohweekesa esibeera si yali naali nasyo, yali n'amalire ohwetaandulaho engubo chae choosi, haandi niyeebahire eloba hu mutwe kwae. Yasuda eyiri Daudi yaaguunama aasi ohwoola hu buloba ohumwiisamo oluyaali.

2 Ebyomubiha 20:3

Yehosafati yatya muno mani yaasaba Omwaami amukerake. Mani yaatusa omunwa ohusiiba hubeeo mu syaalo omwo mwoosi.

2 Ebyomubiha 7:10

mani hu ludaalo luloondaho, olwali oludaalo lw'amahumi kabiri-na-chidatu ech'omwoosi kwa hataanu-na-habiri, Solomooni yaseebula abaandu baakobola engo waabwe. Bali abasangaafu muno hulw'ehabi choosi chi Omwaami yali nabereese Yisiraeli abaandu bae, Daudi neende Solomooni.

Esira 8:21

Ebweene eyo hu ndulo y'Olwangaacha, ndeecha ndaalagira efwe fweesi ohusiiba neende ohweefunaka mu moni wa Nasaae haandi neende ohumusaba atwiimirire hu lukeendo lweefwe luno haandi neende atuliinde alala neende abaana beefwe, haandi neende emyaandu kyeefwe kyoosi.

Esira 8:23

Mani efwe hweemao sa mani nihusiiba, haandi nihwekongooya Nasaae ohutuliinda, mani yesi yaawulira amasaayo keefwe.

Nehemia 8:2

Esira yasileeta abuundu yi baandu bali nibebuusiire alala, abasaacha abahasi alala neende abaana bali abahuluundu banyala ohumanya ebiindu.

Esita 4:16

“Chia ohubuusa alala Abayudaaya boosi abali mu Susa; musiibe nimuundekongooyera eyiri Nasaae. Mutalyaaho esiindu syoosi, kata sa ohung'waaho esiindu syoosi, ohumala embaka y'endaalo chidatu neende ebiro bidatu. Ese neende abahalaabani bahasi bane, fwesi huchia ohuhola hutyo sa. Luunyuma, ese njia ohuchia eyiri omutuki, kata neende abyahaba nisitafukiirirwa neende amalako. Mani nikali mbwe ndi ow'ohufwa, njia ohufwa.”

Esita 4:3

Mu buli situundu sy'obwaami obwo bwoosi, buli abuundu yi silagiro sy'omutuki wuno yi syali nisimalire ohuwuliirihana yoosi, yaliyo ohulira huungi muno mu Abayudaaya boosi. Basiibaanga, nibalira, niboobba wuuwi, haandi abahiramo obuungi nibefwalaanga ebigunia haandi nibakonaanga mu kohe.

Yobbu 2:12

Nibamubona nibasisiiri eyale, haba sibamumanyirisa; mani baachaaka ohuubba wuuwi nibalira amasika. Bataandula amakaanju kaabwe mani baanya olufu aakulu nilubakwa hu mitwe.

Yisaaya 22:12

Ebiha ebyo nibyahoole, Omwaami Nasaae w'Obunyala niye olibalaanga eng'we ohulira amasika haandi ohuba neende esibeera, mweebeke efwiiri haandi mwefwaale ebigunia.

Yoeli 2:12

Omwaami aboola ati: “Kata bulaanu buti, mweyolobisire elalira, mani mukobole yi ndi neende omwooyo kwoosi, ni musiiba, nimuchereenjesa haandi nimulira amasika.

Esy'Abaleefi 23:34

“Boolera abaandu ba Yisiraeli oti, hu ludaalo lw'ehumi-na-hataanu, olw'omwoosi kuno okwa hataanu-na-habiri, haandi ohumala endaalo chitaanu-na-chibiri, ludaalo lw'Esidyaalo sy'Ebikaali

Esy'Abaleefi 23:39

Nimuba nimumalire ohukesa emikuunda kyeeng'we, huseenge esidyaalo sino endaalo chitaanu-na-chibiri, ohuchaakira hu ludaalo lw'ehumi-na-hataanu lw'omwoosi kwa hataanu-na-habiri. Oludaalo lutaangira luchia ohubechaanga oludaalo lw'enjaulo lw'ohuwuuluuha.

Yosua 7:6

Yosua alala neende abeemirisi baandi ba Yisiraeli betaandulaangaho engubo chaabwe mu sasaakisi, beehubbaanga sa aasi mu moni w'Esanduuku ly'Endagaano y'Omwaami, mani nibekalaangasaanga sa abweene ao ohwoola engoloobe, nibechuhireho olufu hu mitwe kyaabwe, ohweekesa obwelalihirifu bwaabwe.

Ohubwiihulirwa 11:3

Naange njia ohutuma abaloli baange babiri, nibafwaalire amagunia, mani bachie bayaale emboosi cha Nasaae mu ndaalo elifu ndala neende emia chibiri-na-mahumi kasaasaba (1,260) echo.”

Abakayi 20:26

Mani haandi abaandu ba Yisiraeli baachia baniina ohwoola mu Bbeteli mani baalirira ebweene eyo. Bachia mani beehala mu moni w'Omwaami mani baahaya ohulya ohwoola lu bwiire bweera. Beecha baanyala ohuyaanayo ebiyaanwa by'ohukobola alala, haandi basaamba ebiyaanwa biindi ebilaambiriire bino byoosi nga babiholera mu moni w'Omwaami bweene sa.

1 Samueli 4:12

Omusaacha owomu nono ya Bbenjamini yatula mu sipaapi sy'ebiita mani niyeeruha ohwoola Silo hu ludaalo lweene olwo. Mani ohweekesa esibeera si yali nasyo, yataandula engubo chae haandi niyeebaha edosi hu mutwe kwae.

1 Samueli 7:6

Mani boosi nibebuusira Misipa. Badaya amaachi mani nibakachuha aasi ohuba koti esiyaanwa eyiri Omwaami haandi nibasiiba oludaalo olwo lwoosi. Baboola bati, “Efwe hwonoona eyiri Omwaami.” (Eyo Misipa niyo yi Samueli yakaira obusoolo bwali mu Baisiraeli.)