Nehemia 6:12 - EBBAIBBO EMBOOSI YA NASAAE

¹² Nae ese omweene ndebaasamo haandi, ndamanya mbwe Nasaae haba siyali naali niye owalomalomera Semaya daawe, nae mbwe Tobbia neende Sanibbalati nibo abali nibamukuliriire yaanjekeseho ohulabula huno.

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹² Nae ese omweene ndebaasamo haandi, ndamanya mbwe Nasaae haba siyali naali niye owalomalomera Semaya daawe, nae mbwe Tobbia neende Sanibbalati nibo abali nibamukuliriire yaanjekeseho ohulabula huno.

Nehemia 6:12 Iomraidhean Croise

Nehemia 6:11

Ese naange ndakobolamo endi, “Ese haba siniise omuundu wiiruha sa haandi nindeekisakisa daawe. Ewe obaasa oti ese nyala ohuteemaho ohweoniaanga sa obulamu bwaange nindeekisa mu Nyuumba ya Nasaae, kose? Ese haba siinjia ohuhola esyo daawe.”

Nehemia 6:13

Bamukula mbwe yeeche yatiisetiise nyingire mu syonoono, hu banyale ohunyaasira oluyaali lwaange mani baswaase.

Yisaaya 56:11

Bali koti embwa ch'okuliira; echiteekutaangaho kata oludaalo lulala. Abaayi bosi sibulao sibamanyire; buli otulayo yediirira engira yae, buli muundu niyekoonyera engaanga yae.

Yeremia 14:14

Mani Omwaami niyamboolera ati: “Abanabbi bali ohulaangaanga eby'obubacha nibehoonyera eliita lyaange. Haba siimbatumaangaho, oba mbalagira, oba nomanomaho nabo daawe. Ebiindu bi balaanga yi muli, huboneherwa hw'obubacha hwoong'ene, ohutaalimo obuhoonyi, haandi bubacha buli mu bibaaso byaabwe byeene.

Yeremia 23:16

Omwaami w'Obunyala aboola ati, “Mutawuliraanga emboosi ch'abanabbi balaangirira yi muli, nibabasuubisa ebiindu bi bachia ohubahoonya. Bababoolera ebiindu bi beene babaasa sa, ebitatula eyiri Omwaami.

Yeremia 23:25

Mbuliire koti lu banabbi abo balaangirira eby'obubacha. Balaangirira nibehoonyera eliita lyaange, nibaboola bati, ndootere, ndootere.

Yeremia 28:15

Nae omunabbi Yeremia yaboolera omunabbi Hanania ati: “Ewe Hanania, wulira, Omwaami haba saahutumaangaho daawe, mani okerere abaandu bano beesika eby'obubacha.

Esekeeli 13:19

Muumaliremo oluyaali mu moni w'abaandu baange, nimukoonya ohwenyoolera amabeere masuungu madiidi neende ebituundu by'emigaati, nimwiita abaandu bataahoyere ohufwa, nae nimuwonia abaandu bataahoyere ohuba abalamu, mani nimubachirisa abaandu baange nibatekeeresa obubacha bweeng'we.”

Esekeeli 13:22

Olwohuba ohubitira mu bubacha bweeng'we, mukera abaandu baluungifu nibeyendeherera, abo ba Ese tadahaho babe abaendeherefu, mani nimukera abaandu nibahaya ohweyolobya nibatula mu bibi byaabwe, ohuwonia obulamu bwaabwe.

Esekeeli 13:7

Abo Omwaami ababoolera ati, ‘Hubulao ohuboneherwa hu munyoolere, haandi obunabbi bu mutusa bw'obubacha buhaya.’ Muboola muti, ‘Omwaami aboola ati,’ nae mubwadyeeri bweene, Ese haba sinomanomaangaho naang'we daawe.”

Mika 3:11

Abahuluundu basyo baheenga emisaango olw'ohukuliirirwa. Abalaamisi basyo beekesa nibapaangiiswe, abanabbi basyo balaanga banyoole eseende. Mani boosi beesika Omwaami nibaboola bati, “Omwaami ali naafwe. Sibulao esyonoono sinaatukweeho daawe.”

Ebiholwa 20:33

Ese haba sindekoombaangaho ebibya oba efeesa y'omuundu yeesi, kata neende ebyefwaalo.

1 Abakoriito 12:10

owuundi nae obunyala bw'ohuholaanga eby'amayia, nae owuundi obuyaali bw'emboosi ya Nasaae, nae owuundi obunyala bw'ohwawuhania emyooyo kikabuhaane, nae owuundi obunyala bw'ohulomalomaanga enimi chitaali nasilala, nae owuundi obunyala bw'ohutuumbulaanga amahuluundu k'enimi.

1 Abakoriito 2:15

Omuundu olimo Mwooyo, aba neende amakesi kakabuhania ebiindu byoosi, nae omweene haba saanyala hukerakirwa neende omuundu wuundi yeesi.

1 Timoteo 3:3

Ahoyera ohuba otaali omumeesi, haandi otaali omwaalaba, nae ahoyere ohuba omuloonga, otaali omusoolani, haandi otaali omwekoombi w'eseende.

Tito 1:7

Koti lwaali omuhalaabani wa Nasaae, omwiimirisi w'Abakristo ahoyere ohuba nataaliho esiindu simwekanyiirisaho. Haba s'ahoyere ohuba omuundu w'esuunga, oba onyoolera bwaangu, oba omumeesi, omwaalaba, oba ow'omutoolyo.

1 Petero 5:2

Mube abaayi b'ebyaayo bi Nasaae yababeresa, haandi mubiliinde neende ohudaha koti lu Nasaae adaha muhole ataali ohuyiikwa. Hole emirimo kyeeng'we ataali ohwekoomba eseende, nae ohweema hu hudaha ohuhalaabanira abasyeeng'we mubwadyeeri.

2 Petero 2:3

Mu kuliira kwaabwe, abeekesa bobubacha bano bachia ohubanyoolamo engaanga muno ohweema hu ngano chi beene beeholera. Omusaango kwaabwe kwamala ohuheengwa hale muno, haandi ohusihiriswa hwaabwe haba sihukona daawe.

1 Yowaana 4:1

Basyaange baheerwa, mutafukiirisanianga neende buli muundu oboola ati ali neende Mwooyo wa Nasaae; mubateemeho hu mumanye neende obwadyeeri muti batula eyiri Nasaae. Olwohuba banabbi bobubacha baangi muno bamala ohusalaanira mu syaalo syoosi.

Ohubwiihulirwa 18:13

Haandi neende bi sinamooni, ebiluunga elyaani, obubbaani, miira, neende, ebiwunya esing'aari. Amalwa neende amafuta, obusye neende engaano, eng'oombe neende amakoondi, efaraasi neende ebigaari bihweeswa, abawaambe, kata neende obulamu bw'abaandu.