Nehemia 2:6 - EBBAIBBO EMBOOSI YA NASAAE

⁶ Omwaami oyo, omuhaae wae namwihaale mu lubafu, yomiisa esiindu si ndamusaba. Yandeeba esiha si njia ohumala nimbweereo, haandi liina lu mba niinjia ohunyala ohukobolera, mani syeesi ndamala ndaamuboolera.

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

⁶ Omwaami oyo, omuhaae wae namwihaale mu lubafu, yomiisa esiindu si ndamusaba. Yandeeba esiha si njia ohumala nimbweereo, haandi liina lu mba niinjia ohunyala ohukobolera, mani syeesi ndamala ndaamuboolera.

Nehemia 2:6 Iomraidhean Croise

Nehemia 1:11

Tekeeresa bulaanu mani owulire ohwekongooya hwaange, haandi amasaayo k'abahalaabani bao baandi bosi, abo abekoomba ohuhwisaangamo oluyaali. Mberese obuyiingiri nyaanga yino, ohole omuhoongo wuno yangwiire esisa.” Mu ndaalo echo, ese ndali ni ndi omuchuhi w'efiini y'omuhoongo oyo.

Nehemia 13:6

Mani bino nibyali nibichaanakana bityo, ese ndali nindamenya mu Yerusalemu, olwohuba mu mwaaka kw'amahumi kadatu neende kibiri ki Aritakerikeesi yali naali omutuki wa Bbabbilooni, ese ndali nindakobola engo ohumwoolaho. Esiha nisyabitao esidiidi, ese ndanyala ohubereswa obweyaango

Nehemia 2:4

Omwaami oyo haandi yateeba ati, “Siina syeene syoodaha?” Ese ndekongooyere Nasaae wo Muukulu,

Nehemia 2:5

mani nda boolera omwaami oyo endi, “Nikali mbwe Ewe ow'Oluyaali wusangaalira, mani waaba n'otekeha ohuumberesa bi mba nisabire, leha ese ngobole mu syaalo sya Yuda, esiko si bakuuka yaange basiihwamo, hu nyale ohusyoombaha buyaaha.”

Nehemia 5:14

Ohumala emyaaka ehumi neende kibiri kyoosi, ki ndali ni ndi gafana w'esyaalo sya Yuda, ohutulira elalira hu mwaaka kw'amahumi kabiri Aritakerikeesi naali omutuki ohwoolera elalira hu mwaaka kw'amahumi kadatu neende kibiri, ese ohwoolera elalira hu beeho baange boosi, abulao oyo yeesi owalyaaho ebyohulya bi ese koti gafana yali n'ahoyera ohulya.

Yisaaya 58:12

Mani ebiindu byeeng'we byakwa, byahombahwe buyaaha; bahasiingise emisiingi ch'endaalo hale muno. Mwahalaangwe abatereesi b'ebiindu byanyaasiha, obakobosamo buyaaha abuundu w'ohumenyamo.

Yisaaya 61:4

Bachia ohwoombaha buyaaha ebiko byasihiriswa hale, bahakaluseo ebiko byali nibyeehola amakuunda. Bahatereese ebiko byasihiriswa, ebyanyaaswa mani nibimala emyaaka-ne myaaka.

Yisaaya 65:24

Kata nibasisiiri ohunaanga, njia ohubakobolaangamo, nibanabecheenge nibasiilomalomaanga, njia ohubawuliraanga.

Danieli 9:25

Mani sakira manya haandi omanye obwadyeeri oti, ohutula hu biha bi elako lyatula ohukobosao neende ohwoombaha Yerusalemu buyaaha, ohwoola hu biha bi omwaana w'omutuki ow'ohuchuhwaho amafuta, chahabeeo ejuma chitaanu-na-chibiri. Mani hulw'embaka y'ejuma amahumi kasaasaba neende chibiri, Yerusalemu syahombahwe buyaaha, engira chasyo neende enyuumba chaasyo nichiri enyomiifu, nae ebyo byahabe ebiha by'obudinyu.