Esy'Abaleefi 26:3 - EBBAIBBO EMBOOSI YA NASAAE

³ “Nimumenya nimuloondakana neende amalako kaange, mani mwaawulira ebilagiro byaange,

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ “Nimumenya nimuloondakana neende amalako kaange, mani mwaawulira ebilagiro byaange,

Esy'Abaleefi 26:3 Iomraidhean Croise

Nehemia 1:9

Nae kata katyo nimuchia ohunyala ohukobola mwiiche yiindi, munyale ohuholaanga ebyo byoosi bi mbalagira, mba njia ohubakobosa mu bweyaango bu ese mweene ndedoolera ohubechaanga yihoyere ohwiinamirwangamo, kata neende nimwahabe nimwasalaana nimwoola yi syaalo syaakama.”

Ohutula 23:25

Nimuunyinamira, ese Omwaami, Nasaae weeng'we, mba njia ohubaberesa ehabi munyoole ebyohulya, neende amaachi haandi mbamaleho amalwaae keeng'we koosi.

Yisaaya 1:19

Nimunabecheenge abeetekefu haandi abawulisi, munaalicheenge ebyaamo bilai bitula mu syaalo syeeng'we.

Yisaaya 30:23

Mani buli lu munatakeenge emwo yeeng'we, Omwaami anaakwiseenge efula, mani yimera, yihula. Munyoole ekesa elai haandi eliingi. Ebyaayo byeeng'we binayireenge mu lwayiro luhoongo.

Yeremia 11:4

Yino niyo Endagaano yi ndalagira bakuuka yeeng'we nindali nimbatusa mu syaalo sy'e Misiri, esyali nisibeeholeere koti omuliro kusaangulusa ebyuuma. Baboolere oti: ‘Tekeereseenge ekono lyaange haandi holeenge buli siindu sibalagira.’ Ao mani munabecheenge abaandu baange, haandi njia ohuba Nasaae weeng'we.

Esy'Abaleefi 19:25

Nae mu mwaaka kwa hataanu, ao muba munalya ebyaamo ebyo. Nimuhola bino byoosi, emisaala kyeeng'we kyoosi kiba kichia ohwaamaho ebyaamo bihiraho ao. Ese niise Omwaami, Nasaae weeng'we.

Sekaria 8:12

Bulaanu bachia ohutakaanga ebimera byaabwe nibali mu muleembe. Emisabbiibbu kyaabwe kichia ohwamaanga emisabbiibbu kyakyo, eloba lyosi lichia ohutulaangamo ebimera, haandi efula yicha ohubechaanga eyimala. Ese mweene niise ochia ohuberesaanga ehabi chino abaandu b'esyaalo syaange abo abachia ohuwonao.

Malaki 3:10

Muleete esituundu silala sy'ehumi syoosi mu sibiihiro sy'enyuumba yaange, mani ebyohulya bimala binyale ohuba mu nyuumba yaange. Mani muteeme mubone oba siinjia ohubeekulirao amadirisa k'ekulu mani mbachuheho ehabi nyiingi muno.

Amalako Kohubiri 7:12

“Nae nimudiira haandi mwaaloonda amalako kano bulai, Omwaami Nasaae weeng'we aba achia ohuliindaanga endagaano yi yahola naang'we neende ohubeekesa obuheeri bwae butaakama koti lu yechubira bakuuka yeeng'we.

Ohubwiihulirwa 22:14

Beehoye abo aboosa ebyefwaalo byaabwe byaalaba, mani abali neende obunyala bw'ohulya ebyaamo bitula hu musaala kwobulamu, haandi neende ohwiingirira mu biruwa mu siko esyo.