Esy'Abaleefi 10:3 - EBBAIBBO EMBOOSI YA NASAAE

³ Bulaanu Musa yaboolera Arooni ati, “Sino nisyo esiindu si Omwaami yaboolaanga ati, ‘Abo boosi abahalaabanira bahoyere ohwisaanga oluyaali mu bwoolerefu bwaange; Ao mba njia ohweekesaanga oluyaali lwaange eyiri abaandu baange.’” Nae Arooni yadoong'a sa naawuleerere.

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

³ Bulaanu Musa yaboolera Arooni ati, “Sino nisyo esiindu si Omwaami yaboolaanga ati, ‘Abo boosi abahalaabanira bahoyere ohwisaanga oluyaali mu bwoolerefu bwaange; Ao mba njia ohweekesaanga oluyaali lwaange eyiri abaandu baange.’” Nae Arooni yadoong'a sa naawuleerere.

Esy'Abaleefi 10:3 Iomraidhean Croise

Ohuchaaka 18:25

Nae Omwaami yakobolamo ati, haba daawe, siinyala ohuhola esiindu sityo daawe, ohusihirisira omuluungifu alala neende omuhola-mbi. Ohuyira omuluungifu nasilala neende omuhola-mbi. Esyo haba sisinyalihana daawe. Oyo oheengera esyaalo omusaango w'obwadyeeri niye.”

Yobbu 2:10

Nae Yobbu yamuboolera ati, “Olomaloma koti mulala hu bahasi basiru yahalomeloome. Hwakaanireenge sa ebiindu bilai byoong'ene ohutula mu mahono ka Nasaae, nae bulaanu huhaya ohwakaanira ebiindu bibi?” Mu kano koosi, Yobbu haba siyalomalomaho bubi hu Nasaae.

Esabbuli 119:120

Hinakirira mu bulamu bwaange bwoosi olw'ohuhutya, haandi tya eheenga y'emisaango yao.

Esabbuli 148:14

Yahola esyaalo syae ohuba esy'amaani, abaandu bae boosi sakira bamukinia; olwohuba abaandu ba Yisiraeli abali aambi nae. Kinie Omwaami!

Esabbuli 39:10

Otemeeda ohuusaandya; wuuhuyire bimala, mbweeremo amaani.

Esabbuli 39:9

Leha mbuleere-buwuleera, sibuleo si nomanoma; olwohuba niiwe owakera ndaasaanda endi.

Esabbuli 46:10

“Mulehere ao ohulwaana, mani mumanye muti niise Nasaae. Fumisibwa mu byaalo byoosi, fumisibwa mu syaalo!”

Esabbuli 89:7

Otiibwa muluhiiho lw'aboolerefu, otiibwa muno neende abahwebodoohaanie boosi.

Esabbuli 93:5

Ewe Omwaami, bi walagira haba sibikaluuhanaanga daawe. Obwoolerefu buhoyera Enyuumba yao, endaalo choosi pe.

Ohutula 14:17

Njia ohuhola Abamisiri babe neende esyeejo mani babaloondeho mu nyaanja hu nyale ohunyoola oluyaali ninyiingira omutuki oyo, eye lyae, ebigaari byae, alala neende abeerusi bae.

Ohutula 14:4

Njia haandi ohumuhola ahole esyeejo, abaloondeho, mani haandi ohumuyiingira alala neende amaye kae hwiiche huundeetere ohwiiswamo oluyaali muno. Ao haandi niwo yi Abamisiri bachia ohumanyira elalira bati ese niise Omwaami.” Abaisiraeli bahola koti lu bali nibababoolere.

Ohutula 19:22

Kata neende abalaamisi abasuda yiindi bosi bahoyere ohwelabya abeene-na-beene, ataali ao mba njia ohubaboneresa sa endyo.”

Ohutula 19:24

Omwaami oyo yakobolamo ati, “Ewe yiha sa ochie aasi mani okobole ano neende Arooni. Nae abalaamisi, alala neende abaandu baandi boosi, haba sibahoyeere ohuduuma olwaaho olwo, ohuniina beeche yiindi, ataali ao, njia ohubaboneresa sa endyo.”

Ohutula 30:30

Haandi chia ochuhe amafuta hu Arooni, neende abaana bae, mani obaawule babe abalaamisi mu buhalaabani bwaange.

Yisaaya 39:8

Mani omutuki Hesekia yaboolera Yisaaya ati, “Emboosi y'Omwaami yi wahalomaloma ndai niyo.” Olwohuba yabaasa ati, “Omuleembe kuchia ohubaao haandi ohulwaana haba sihuchia hubaao mu biha by'obulamu bwao.”

Yisaaya 49:3

Mani yamboolera ati, “Yisiraeli, niiwe omuhalaabani waange, yiinjia ohunyoleramo oluyaali.”

Yisaaya 52:11

Mutule, mutule, tule Bbabbilooni. Mutadiiraho kata hu siindu silala esitaali esyoolerefu; eng'we abakiinga ebiindu byoolerefu ebyomu nyuumba ya Nasaae. Mutule nimuli aboolerefu.

Esekeeli 20:41

Nae nindahamale ohubabuusa alala, mani ndabatusa mu byaalo bi mwasalaaniramo, nilwo lu ndahafukiiririre ebiyaanwa byeeng'we bisaambwa ebiwunya esing'aari. Haandi mwaheekese ebyaalo biindi koti lu ndi ow'oluyaali.

Esekeeli 28:22

Boolera abaandu basimenyamo oti, Omwaami Nasaae aboola ati: “Ewe Sidoni, bona, bulaanu Ese ndi omusuku wao, njia ohweekesa oluyaali lwaange eyiri abaandu bahumenyamo. Mani bachia ohumanya bati Niise Omwaami. Njia ohubaheengera omusaango, mbasaandye, mani njekese oluyaali lwaange.

Esekeeli 38:16

Waheechie mani oseete abaandu baange Abaisiraeli nooli koti esireesi sidiirire hu syaalo. Esiha nisyahoole, ndahahutume oseete esyaalo syaange, mani ebyaalo binyale ohuumanya, nibyahabone koti lu hwehoonyeere ewe Googi, ohweekesa koti lu ndi omwoolerefu.

Esekeeli 40:46

Nae esiseenge syatingaala emukulu, syali esy'abalaamisi bahola emirimo kyohu alutaari. Abo nibo ob'olwiibulo lwa Sadoki, abo boong'ene hu nono ya Leefi nibo abali nibafukiirirwa ohusudaanga aambi neende Omwaami, ohumuhalaabanira.”

Esekeeli 42:13

Omusaacha oyo yamboolera ati, “Ebiseenge ebyo byoombi, ebiri emukulu, neende emwaalo, ebitingaalire mu lwaanyi, byoolerefu nibyo. Nimwo mu balaamisi beengira niboola mu moni w'Omwaami, banaaliireenge ebyohulya byoolerefu bi muyaaniirwe. Olwohuba ebiseenge ebyo byoolerefu nibyo, haandi nimwo mu balaamisi banaabiiheenge ebiyaanwa byoolerefu muno: ebiyaanwa b'emwo, neende ebyo ebiyaanwa hulw'ebyonoono, neende ebyo ebiyaanwa ohumala omusaango.

Esy'Abaleefi 21:15

Ataali ao, abaana bae, ababa nibahoyere ohuba aboolerefu, baba bachia ohuba ab'omusiro. Ese niise Omwaami, mani mba nindamala ohumukabula endulo ohuba Omulaamisi Muhuluundu.”

Esy'Abaleefi 21:17

ohuboolera Arooni ati, “Abulao kata mulala hu beechuhulu bao obaaho obufwoolwa bwoosi ochia ohufukiirirwa ohuyaanaanga yiindi esiyaanwa sy'ebyohulya daawe. Sino sichia ohuhola endaalo choosi echiicha.

Esy'Abaleefi 21:21

Abulao omwiichuhulu yeesi ow'Arooni omulaamisi, oliho obufwoolwa bw'omubiri bwoosi ochia ohufukiirirwa ohuyaanaanga yiindi esiyaanwa sy'esyohulya.

Esy'Abaleefi 21:6

Ahoyere ohuba omwoolerefu, haandi ahoyere ohuhaya ohuchalaasaanga eliita lyaange. Oyo niye oyaana ebiyaanwa by'ebyohulya yiindi, mani ahoyere ohuba omwoolerefu.

Esy'Abaleefi 21:8

Abaandu bahoyere ohubukulaanga omulaamisi koti oli omwoolerefu, olwohuba oyo niye owuundeeteraanga ebiyaanwa by'ebyohulya yi ndi. Ese niise Omwaami; Ndi omwoolerefu, haandi hola abaandu baange bosi baaba aboolerefu.

Esy'Abaleefi 22:9

“Abalaamisi boosi bahoyere ohuloondakanaanga neende amalako ka ndusire. Ataali ao, baba bachia ohuba abanieere omusaango, mani bafwe, olwohuba baba nibahayire ohuwulira amalako malafu. Ese niise Omwaami, haandi niise okahola nikaba amoolerefu.

Esy'Abaleefi 8:35

Mani muhoyere ohudoong'a sa mu mulyaango kw'Eyeema elyo esiro neende esideete, hulw'embaka y'endaalo chitaanu-na-chibiri enaamba, nimuhola ebiindu bi Omwaami yalagira. Nimutahola mutyo, muba muchia ohufwa-bufwa. Sino nisyo esiindu si Omwaami yaandagiire.”

Ohubala 16:5

Mani yeecha yaboolera Koora neende abaloondi bae ati, “Muchuli echuli, Omwaami achia ohutweekesa oyo oli owae wadyeeri; achia ohuleha oyo owae wadyeeri, oyo yi yadoola, amusudeho yaali ena alutaari.

Ohubala 20:12

Nae Omwaami yasoolania Musa neende Arooni. Yaboola ati, “Olwohuba eng'we haba simubeere neende efukiirira yimala ohusiima obunyala bwaange bwoolerefu mu moni w'abaandu ba Yisiraeli, haba simuchia ohubeemirira ohubeengisa mu syaalo si ndasuubisa ohubaberesa.”

Matayo 10:37

Oyo oheera laatang'ene kata ng'ina ohuhira ese, haba saaba ahoyera ohuba omuloondi waange; haandi oyo yesi oheera abaana bae ohuhira ese, saaba ahoyera ohuba omuloondi waange.

Yowaana 12:28

Laata, yisa mu liita lyao oluyaali.” Mani ekono nilitula Muukulu liti, “Ndaliisamo hale oluyaali, haandi njia ohuliisamo oluyaali.”

Yowaana 14:13

Haandi buli siindu syoosi si munaasabeenge Laata mu liita lyaange, njia ohusiholaanga, hu bulaanu Laata yeeswemo oluyaali ohubitira mu Mwaana.

Amalako Kohubiri 32:51

Olwohuba eng'we mweembi mwahalaka efukiirira naange mu lwichuule lw'Abaisiraeli. Nimwali hu maachi ka Meribba, mu sichiimi sya Siini; olwohuba haba simwanjisaamo oluyaali koti omwoleerefu mu moni wa Abaisiraeli.

2 Abatesalonika 1:10

naakobola hu ludaalo olwo abereswe oluyaali mu boolerefu bae, haandi yesibwemo oluyaali mwaabo boosi abafukiirira olwohuba obuloli mweeng'we bwafukiirirwamo.

1 Petero 4:17

Olwohuba endaalo choolere ech'ohuheengeramo omusaango, nae haandi chichia ohuchaaka neende abaandu ba Nasaae beene. Nae nibichaakira hweefwe, byahabe bitye eyiri abo abatafukiirira Emboosi Ndai yitula eyiri Nasaae?

1 Samueli 2:30

Ese, Omwaami Nasaae wa Yisiraeli, ndasuubisa hale endi edaala lyao, haandi neende oluya lwao luchia ohuhalaabaniraanga koti abalaamisi esiha syoosi. Nae bulaanu ndi ohuboola endi, haba sisiidaha endyo daawe! Njia ohwiisaanga oluyaali mwaabo abanjisamo oluyaali, nae njia ohusinyihira abo abaandekeresa.

1 Samueli 3:18

Mani Samueli naaboolera Eli buli siindu syoosi; haba siyamukisaho esiindu syoosi daawe. Eli yaboola ati, “Omwaami niye; leha ahole koti lu asiima.”

1 Samueli 6:20

Ao abasaacha ba Bbeeti Semesi nibaboola bati, “Wiina onyala ohweema mu moni w'Omwaami, Nasaae wuno omwoolerefu? Haandi anaache owa wiina naatutulireho?”