Esy'Abaleefi 1:1 - EBBAIBBO EMBOOSI YA NASAAE

¹ Omwaami naali mu Yeema ly'Ohubaao hw'Omwaami yalaanga Musa mani yaamuberesa amalako kaloondaho kano.

EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

¹ Omwaami naali mu Yeema ly'Ohubaao hw'Omwaami yalaanga Musa mani yaamuberesa amalako kaloondaho kano.

Esy'Abaleefi 1:1 Iomraidhean Croise

2 Abatuki 16:13

Yasaambiraho ebiyaanwa byae bisaambwa neende ebiyaanwa by'emwo y'ebyohulya byae, mani yaachuhaho ebiyaanwa by'ohung'wa haandi yaachuhaho amabaanga k'esiyaanwa sy'ohusaasania.

2 Ebyomubiha 29:32

Baleeta esurusi amahumi kataanu-na-kabiri, amakoondi emia ndala (100) neende amakoondi madoto emia chibiri (200), ohuba koti ebiyaanwa bisaambwa eyiri Omwaami;

Ohutula 19:3

mani Musa yaniina yaachia hu lugulu lweene olwo ohwakaanana neende Nasaae. Omwaami yamulaangira hu lugulu ohwo niyamuboolera ati achie aboolere Abaisiraeli, abali abeechuhulu ba Yakobbo ati:

Ohutula 24:12

Omwaami yaboolera Musa ati, “Niina hu lugulu wiiche yiindi, mani nooba nooli ano, njia ohuhuberesa ebituundu bibiri eby'amakina ebiriho amalako koosi kaanyandiikire ohweekesa abaandu abo.”

Ohutula 25:22

Ese njia ohubabukaaniraanga abweene ao, nae ohutulira aakulu w'esifuuniho, akatikaati w'abakerubbi babiri, ao niwo yiinjia ohubaberesera amalako kaange koosi ak'abaandu ba Yisiraeli.

Ohutula 29:42

Mani hulw'endaalo echiicha choosi, esiyaanwa sisaambe sino, sihoyeere ohuyaanwaanga mu hubaao hwaange, mu siruwa sy'Eyeema ly'Ohubaao hwaange. Ao niwo yiinja ohwakaananaanga neende abaandu baange mani nyala ohulomaloma naang'we.

Ohutula 3:4

Nae Omwaami niyabona ati Musa yali naasuda aambi bweene, yamulaangira akatikaati w'esichaha n'aboola ati, “Musa! Musa!” Nae Musa n'amukobolamo ati, “Mbano, nduwo.”

Ohutula 33:7

Buli lu baandu ba Yisiraeli baholaanga ekaambi, Musa yoombahaanga Eyeema lyoolerefu elyo eyale hooho ohutula mu kaambi eyo. Eyeema elyo lyalaangwaangwa mbwe Eyeema ly'Ohubaao hw'Omwaami, mani oyo yeesi owalichiingi naadaha ohweteebaho hu Omwaami yatulaanga mu kaambi mani achia erwaanyi eyo yi liri.

Ohutula 39:32

Omulimo kwoosi okudiira hu Yeema ly'Ohubaao hw'Omwaami kwoola ohuwa. Abaisiraeli bali baholere buli siindu koti sa lu Omwaami yali n'alagiire Musa.

Ohutula 40:29

mani ebweene eyo, mu moni w'epasya, yataayo alutaari yohusaambiraho ebiyaanwa. Hu bweene ohwo, nihwo hu yayaaniraho ebiyaanwa by'ohusaamba, alala neende ebiyaanwa by'emere, koti lu Omwaami yali n'alagiire.

Esy'Abaleefi 7:38

Eyo, hu Lugulu lwa Sinai mu siparara, Omwaami niyo yi yabeeresera Musa amalako kano, hu ludaalo lu yalagira abaandu ba Yisiraeli ohuyaanaanga ebiyaanwa byaabwe bino.

Esy'Abaleefi 9:16

Haandi yaleeta esyaayo sy'esiyaanwa sy'ohusaamba syaawa, mani yaasiyaanayo naloondakirira amalako kaahwo.

Ohubala 1:1

Hu ludaalo lutaangira, olw'omwoosi kw'ohubiri, mu mwaaka kw'ohubiri, ohutula abaandu ba Yisiraeli nibali nibamalire ohutula mu Misiri, Omwaami haandi yalomaloma neende Musa nibali mu Yeema ly'Ohubaao hwae, nibali mu siparara sya Sinai. Yaboola ati,

Ohubala 7:15

eng'oombe surusi njere, ekoondi emiiku lala, ekoondi hole yere ely'omwaaka mulala okw'obuhuluundu, hulw'esiyaanwa sisaambwa syaakwa ekohe;

Ohubala 7:89

Musa yeengira mu Yeema ly'Ohubaao hw'Omwaami ohulomaloma neende Omwaami, yeecha yaawulira ekono niliri ohumubooleraanga nilitulira aakulu w'esisaala sy'esisa esyali humukulu w'Esanduuku ly'Endagaano, nilitulira akatikaati wa kerubbimu babiri abo; mani lya alomaloma nae.

Yowaana 1:17

Olwohuba Nasaae yaleeta amalako ohubitira mu Musa; nae embabaasi neende obwadyeeri byeecha ohubitira mu Yesu Kristo.

Amalako Kohubiri 27:6

Munoombahira Omwaami Nasaae weeng'we alutaari neende amakina malaamba, akataatirwemo. Muchia ohuyaaniraho esiyaanwa sisaambe eyiri Omwaami Nasaae weeng'we.