Danieli 9:9 - EBBAIBBO EMBOOSI YA NASAAE

⁹ Nae Ewe Omwaami Nasaae weefwe, Ewe oli ow'esisa haandi oleheramo, kata hwaahaba nihwahujeemera.

Danieli 9:9 Iomraidhean Croise

2 Samueli 24:14

Nae Daudi yakobolamo ati, “Ese ndi mu bulamu obutaliindirisa daawe! Nae ese haba siindaha ohusaandisibwa neende abaandu sa. Leha Omwaami mweene niye oba abe oyo ochia ohutusaandya, olwohuba oyo w'esisa niye.”

1 Abatuki 8:30

Wuliraanga esaala chaange haandi neende esaala ch'abaandu bao nibalingalaanga abuundu ano nibasaba. Mu daala lyao eliri muukulu, tuwulireenge mani otuleheraangamo.

Nehemia 9:31

Kata katyo, ohweema koti esisa syao siri esihunuufu, ewe haba si wanyalaanga ohubajwaang'a, kata sa ohubasihirisaanga daawe. Ewe oli Nasaae w'esibooyi haandi ow'esisa sibitiirifu!

Esabbuli 130:4

Nae ewe otuleheramo, hu hunyale ohuhwiisangamo oluyaali.

Esabbuli 130:7

Yisiraeli, weesikeenge Omwaami! Olwohuba w'obuheeri haandi buli siha, mweetekefu ohutununula.

Esabbuli 62:12

haandi endi, eyiri ewe, ewe Omwaami, niyo eyiri obuheeri butakaluuhana. Olwohuba ewe niiwe okabulaanga omuundu ohweema hu mirimo kyae.

Esabbuli 86:15

Nae Ewe Omwaami, niiwe Nasaae ow'esisa haandi osaasira, ohiinda ohunyoolera, owiichule ohudaha hutaakamo neende obweesikwa.

Esabbuli 86:5

Ewe Omwaami, oli omulai haandi okwiira esisa, oli ow'obuheeri buungi eyiri abo abahusaba.

Yisaaya 55:7

Leha omwonooni, alehe esaambo chae embi, haandi otali omuluungifu akaluuhanie ebibaaso byae. Leha akobole eyiri Omwaami, mani Omwaami oyo anyale ohumukwiira esisa; akobole eyiri Nasaae weefwe, olwohuba w'esisa niye haandi alehereramo elalira ebyonoono.

Yisaaya 63:7

Njia ohulomaloma hu hudaha hutaakama hw'Omwaami. Njia ohufumia Omwaami, ohuchianakana neende ebyo byoosi bi Omwaami atuholeere, neende obuheeri buungi bu yekeese ab'enyuumba ya Yisiraeli, hwababereese ohuchianakana neende esisa syae, neende ohuchianakana neende obuheeri butaakama bwae buungi.

Yeremia 14:7

“Kata ebyonoono byeefwe bituheengera omusaango, Ewe Omwaami, tuhoonye koti lu watusuubisa. Olwohuba huhutulireho amahabi maangi muno, hwahola ebyonoono yooli.

Esekeeli 20:13

Nae kata mu siparara, Abaisiraeli banjeemera, baahaya ohudiira amalako kaange, akaberesa abaandu bakadiira obulamu. Haandi banyaasa muno Sabbaato nindabateerao. “Mani nimbaasa ohubamaliraho etima lyaange mu siparara, mbasihirisire elalira.

Danieli 9:5

Efwe hwahola ebyonoono, hwonoona, hwahola ebitahoyera hwahujeemera, hwaleha amalako kao neende ebilagiro byao.

Danieli 9:6

Haba sihwawulira emboosi ch'abahalaabani bao, abanabbi; abo abalomalomeraanga mu liita lyao eyiri abatuki beefwe, eyiri abeemirisi beefwe, neende eyiri bakuuka yeefwe, neende eyiri abaandu bomu syaalo boosi.

Danieli 9:7

Nae Ewe, Ewe Omwaami, Niiwe omuluungifu mweene, nae efwe abeene neefwe abeleetera ebiindu bidiisa esoni buli ludaalo, koti hu hulimo bulaanu. Sino syadyeeri eyiri efwe fweesi mbwe; abaandu bali mu Buyudea, eyiri mwaabo abamenya mu Yerusalemu, neende eyiri Abaisiraeli boosi, abali aambi neende abo abali eyale muno, abasalaanira mu byaalo byoosi bi wabayiramo, olwobutaba abeesikwa yooli.

Danieli 9:8

Nae efwe, Ewe Omwaami, huli abadoondobanu, efwe beene, abatuki beefwe, abeemirisi beefwe, neende bakuuka yeefwe, olwohuba hwahola ebyonoono mani nihuhudiisya etima.

Yona 4:2

Mani Yona yasaaba Omwaami n'aboola ati, “Husaba, Omwaami sino haba sinisyo si ndaboola nisisiiri mu syaalo syaange! Sino nisyo esyakera ninjiruhira Tarisiisi; olwohuba ndamanya endi, ewe oli Nasaae w'esisa haandi oleheramo, otaanguya ohunyoolera haandi oweechulamo obuheeri, oweefunaka mani yaahaya ohusaandya.