Danieli 9:5 - EBBAIBBO EMBOOSI YA NASAAE

⁵ Efwe hwahola ebyonoono, hwonoona, hwahola ebitahoyera hwahujeemera, hwaleha amalako kao neende ebilagiro byao.

Danieli 9:5 Iomraidhean Croise

2 Abatuki 18:12

Samaria syayiingirwa olwohuba Abaisiraeli haba sibawuliraho ekono ly'Omwaami Nasaae waabwe, nae baahalaka sa endagaano yae, mani baajeemera ebyo byoosi bi Musa omuhalaabani w'Omwaami yabalagira; mani baahaya ohubiwulira noomba ohubidiira.

2 Abatuki 21:15

olwohuba bonoona mu moni waange haandi basiingisa etima lyaange, ohuchaakira hu ludaalo lu bakuuka yaabwe batulira mu syaalo sya Misiri, ohwoolera elalira buti.”

Esira 9:6

Ndaboola endi, “Ewe Nasaae, esoni chindiirire muno bitanyala kata ohusiingisa omutwe kwaange mu moni wao. Ebyonoono byaange biichulana byaniina byaabita emitwe kyeefwe; biniina aakulu muno byoola aakulu muukulu.

Esabbuli 106:6

Hwonoona koti bakuuka yeefwe bonoona; hwahola ebyonoono bitahoyera.

Esabbuli 119:102

Ese haba sindalehanaho neende ebilagiiriro byao, olwohuba ewe niiwe owuunjekesa

Esabbuli 119:176

Nda kotaana koti amakoondi lyakota, koonya omuhalaabani wao, olwohuba haba sinjibiraanga amalako kao daawe.

Esabbuli 18:21

Olwohuba ese ndaliinda amalako k'Omwaami, haandi haba sindahola esyonoono mani ndaatula hu Nasaae waange.

Yisaaya 53:6

Fweesi-fweesi hwali nihusalaanire koti amakoondi; buli muundu n'adiirire engira yae; Omwaami mani n'amudwiiha esyonoono syaali esyeefwe fweesi.

Yisaaya 59:13

Hujeemera, haandi hwekaana Omwaami, mani hwaakaluuhana, hwaahaya ohuloonda Nasaae weefwe. Hwafwiinyirira abaandi haandi hwahujeemera. Ebibaaso byeefwe bihyaamu nibyo, haandi hulomaloma eby'obubacha byoong'ene.

Yisaaya 64:4

Ohutula hale-na-haandi, abaandu haba sibawuliraangaho kata sa ohumanyaangaho kata sa ohubonaangaho Nasaae wuundi, ohumalaho Ewe oholeraanga eby'amayia abo abamusuubiriramo.

Yeremia 14:20

Ewe Omwaami, hufukiirira ebyonoono byeefwe, neende ebyonoono bya bakuuka yeefwe, olwohuba hwahola ebyonoono yooli.

Yeremia 14:7

“Kata ebyonoono byeefwe bituheengera omusaango, Ewe Omwaami, tuhoonye koti lu watusuubisa. Olwohuba huhutulireho amahabi maangi muno, hwahola ebyonoono yooli.

Yeremia 3:25

Lehe hweeyalise aasi mu soni cheefwe, haandi lehe hwebwiihe engisa yeefwe; olwohuba hwonoona eyiri Omwaami Nasaae weefwe, efwe neende balaata yeefwe, ohutulira elalira mubuyere bweefwe, ohwoola buti. Mani haba sihwawuliraho ekono ly'Omwaami Nasaae weefwe.”

Yeremia 30:14

Abeecha beeng'we boosi babeebiriire; haba sibabadeebaho daawe; olwohuba mbaseetere koti omusuku, mbasaandya abula ohubadiirira esisa, olwohuba omusaango kweeng'we muhoongo nikwo, olwohuba ebyonoono byeeng'we biingi nibyo.

Yeremia 44:3

olwohuba abaandu bamwo bonoona, mani nibasiingisa etima lyaange, nibanioohesera banasaae baandi obubbaani haandi nibahalaabanira banasaae abo, ba beene bali nibataamanyire, noomba bakuuka yaabwe.

Amaliro 1:18

“Nae Omwaami wadyeeri niye, olwohuba ese ndajeemera amalako kae. Nae wulire, eng'we abaandu mweesi, mani bone engisa yaange. Abaana baange basyaani neende abahaana bayirirwe mu buwaambe.

Amaliro 1:20

“Ewe Omwaami, bona engisa yaange, haandi ndeyendehereere muno. Omwooyo kwaange kuweeremo amaani olwohuba mbeere omujeemu muno. Obutemo buli hu ngira, haandi ohufwa huli mu nyuumba.

Amaliro 3:42

Huholere ebibi haandi hujeemere, mani Ewe haba sootuleheeremo daawe.

Esekeeli 5:6

Nae sijeemeere amalako kaange haandi syaahola ebyonoono ohuhiraho ebyaalo biindi, ohuhiraho ebyaalo bisyebodohaanie. Haandi sihayire ohudiira amalako kaange neende ohuloondakira amalako kaange.

Esekeeli 6:9

mani eng'we abahabe nibawonereo, bahanjichulise nibali eyomu byaalo bi bayirwamo mu buwaambe. Bahamanye koti lu ndafunaka-funaka emyooyo kyaabwe kitaali emyeesikwa, ekyaandulaho, neende emoni chaabwe chaofula echakera nibakaluuhanira eyiri ebiloongaloongwe byaabwe nibabiinamira nibaandulaho. Abeene baheebwaabe nibabweene ebyonoono bi bahola, neende eby'omusiro byaabwe byoosi.

Danieli 9:11

Abaisiraeli boosi bafunaka amalako kao badoondobana, bahaya ohuwulira ekono lyao. Mani sakira watutaaho esibwaabo si wechuba ohututaaho, esyandiikwa mu malako ka Musa, omuhalaabani wa Nasaae, olwohuba hwonoona mu moni wao.

Danieli 9:15

“Mani bulaanu, Ewe Omwaami Nasaae weefwe, watusa abaandu bao mu syaalo sy'e Misiri, weekesa obunyala bwao, mani ohwoola buti, basiichulisaanga eliita lyao. Nae efwe hwahola ebyonoono, hwahola ebiindi bidoondobanu.

Danieli 9:9

Nae Ewe Omwaami Nasaae weefwe, Ewe oli ow'esisa haandi oleheramo, kata hwaahaba nihwahujeemera.

Hosea 1:2

Omwaami niyalomaloma eyiri Yisiraeli ehabi litaangira ohubitira mu Hosea, yaboolera Hosea ati, “Ewe chia mani odeehye; omuhasi wao yoochia ohudeeya oyo achia ohuba otaali omweesikwa, nihaandi abaana bosi bachia ohuba sa koti ng'inaabwe. Mu ngeri nasilala eyo yityo, nilwo lu baandu baange boola baandeha mani beehola abataali abeesikwa daawe.”

Malaki 3:7

Ohutula mu ndaalo cha bakuuka yeeng'we, mwalehana neende ebilagiro byaange haandi haba simubiliindaanga. Mukobole yiindi, mani syeesi njia ohukobola yi muli. Nae mundeeba muti, “Hunaahole siina huhwaakobola yooli?”

Abaibburania 3:12

Mani basyaange mweliinde awuleo omuundu yeesi mweeng'we oba neende omwooyo mubi okutafukiirira, ahaye ohutula hu Nasaae mulamu.