Danieli 9:3 - EBBAIBBO EMBOOSI YA NASAAE

³ Ao mani ningaluuhana niningaala eyiri Omwaami Nasaae, ndamwekweeda niisaba esaala, nisiiba enjala, nindefwaala engubo ch'egunia, haandi ninjihala mu kohe.

Danieli 9:3 Iomraidhean Croise

2 Samueli 12:16

Daudi yalaama Nasaae ati omwaana oyo aone. Yoola ohuhaya ohulichaanga esiindu syoosi, haandi buli siro yachichaanga mu siseenge syae mani amala esiro syoosi niyeyaliise sa mu bweeru buhaya.

Esira 10:6

Mani yaatula mu moni w'Enyuumba ya Nasaae niyeengira mu bweyaango bumenywamo obwa Yehohanani omwaana wa Eliasibbu, mani naamala esiro syoosi eyo n'alirira obutaali obweesikwa obw'abaandu bali mu bwiiruhiro. Haba siyalyaho esiindu syoosi, kata ohung'waaho esiindu syoosi.

Esira 8:21

Ebweene eyo hu ndulo y'Olwangaacha, ndeecha ndaalagira efwe fweesi ohusiiba neende ohweefunaka mu moni wa Nasaae haandi neende ohumusaba atwiimirire hu lukeendo lweefwe luno haandi neende atuliinde alala neende abaana beefwe, haandi neende emyaandu kyeefwe kyoosi.

Esira 9:5

Mani esiha nisyoola esyohuyaanayo ebiyaanwa by'engoloobe, ndasiingira ndaatula yi ndali niinjihaale niindirira, nisyefwaalire engubo chaange chitaanduuhe, ndachia mani ndaasigama endyo niisaba mani ndaaniha amahono kaange eyiri Omwaami Nasaae waange.

Nehemia 9:1

Bulaanu hu ludaalo lw'amahumi kabiri neende hane, olw'omwoosi kweene kuno, abaandu ba Yisiraeli bebuusa alala ohusiiba nibefwaalire ebigunia, haandi nibeebahire eloba hu mitwe kyaabwe.

Esita 4:16

“Chia ohubuusa alala Abayudaaya boosi abali mu Susa; musiibe nimuundekongooyera eyiri Nasaae. Mutalyaaho esiindu syoosi, kata sa ohung'waaho esiindu syoosi, ohumala embaka y'endaalo chidatu neende ebiro bidatu. Ese neende abahalaabani bahasi bane, fwesi huchia ohuhola hutyo sa. Luunyuma, ese njia ohuchia eyiri omutuki, kata neende abyahaba nisitafukiirirwa neende amalako. Mani nikali mbwe ndi ow'ohufwa, njia ohufwa.”

Yobbu 42:6

sakira omweene ndeelekere, mani ndeefunaka ni ndi mu lufu neende muukohe.”

Esabbuli 35:13

Nae nibaali nibalwaala, ese naange, ndefwaala ebigunia mani ndechuunia nimoonga enjala. Ndekongooya ninyinaamye omutwe aasi,

Yisaaya 22:12

Ebiha ebyo nibyahoole, Omwaami Nasaae w'Obunyala niye olibalaanga eng'we ohulira amasika haandi ohuba neende esibeera, mweebeke efwiiri haandi mwefwaale ebigunia.

Yeremia 33:3

Naange mani njia ohukaluhamo, njia ohuhuboolera ebiindu bihuluundu haandi ebyakiswa by'otaamanyireho daawe.

Esekeeli 36:37

Omwaami Nasaae aboola ati; “Njia haandi ohulehaanga Abaisiraeli baasabeenge mbeeho neende esy'ohubaholera; haandi njia ohuleha Abaisiraeli bemeede ohuba abaangi koti eyiicho ly'ebyaayo.

Danieli 6:10

Nae Danieli niyamanya ati elako elyo niriteerweho omuhono, yakobolayo mu nyuumba yae. Amadirisa kayo akomu siseenge sy'aakulu, keekulwaangao nikalingaalire Yerusalemu. Danieli yasigamaanga hu mahuumbo kae amahabi kadatu buli ludaalo, niyekongooya haandi niyebasa Nasaae wae, koti lu yaholaanga hale.

Danieli 9:2

Mu mwaaka kutaangira okw'obutuki bwae okwo, ese, Danieli, ndali nihaliirisa bulai mu bitabo byoolerefu. Mani nimbona endi emyaaka kyahabe amahumi kataanu-na-kabiri, chi siko sya Yerusalemu syamale nisiri ekuunda, ohuchianakana neende yi Omwaami yaboolera omunabbi Yeremia.

Danieli 9:20

Nindali nisilomalomaanga haandi nisyekongooyaanga, nindefunaka ebyonoono byaange neende ebyonoono by'abaandu baange Abaisiraeli, haandi nindekweeda Omwaami Nasaae waange, akoboseo oluyaali lw'Olugulu lwae lwoolerefu.

Danieli 9:4

Mani niisaba Omwaami Nasaae waange, haandi nindefunaka hulw'ebyonoono by'abaandu, nimboola endi: “Omwaami Nasaae, Niiwe omuhuluundu haandi otiisa. Niiwe oliinda endagaano yooba n'oholere haandi wekesa obuheeri bwao butaakama eyiri abo abahudaha haandi abadiira amalako kao.”

Yoeli 1:13

Eng'we abalaamisi, mweeboye ebigunia mani mulire, Eng'we abahalaabanira hu alutaari, chereenjese. Mwiingire mu nyuumba y'Omwaami, mani mweeyalise nimweboyere ebigunia, Eng'we abahalaabani ba Nasaae waange. Olwohuba ebiyaanwa by'emere neende ebiyaanwa by'ohung'wa haba sibisileetwa mu nyuumba ya Nasaae weeng'we.

Yoeli 2:12

Omwaami aboola ati: “Kata bulaanu buti, mweyolobisire elalira, mani mukobole yi ndi neende omwooyo kwoosi, ni musiiba, nimuchereenjesa haandi nimulira amasika.

Yona 3:5

Abaandu b'e Ninefe mani nibafukiirira emboosi ya Nasaae; nibaheengao bati buli muundu asiibe, haandi befwaale ebigunia, ohutulira elalira hu muundu ohiramo obuhunuufu ohwoola hu muundu omalilihayo obuhunuufu; ohweekesa bati beeyolobye.

Matayo 17:21

Luka 2:37

mani yadoong'a koti omuhasi mufwiirwe olw'embaka y'emyaaka amahumi kataanu-na-kadatu-na-kine. Haba siyalehaho Enyuumba ya Nasaae, nae yabechaanga sa omwo nalaama, haandi nasiiba alala neende ohusaba esaala esiro neende esideete.

Ebiholwa 10:30

Korinelio yaboola ati, “Endaalo chine chibitire, esaa chifwaana koti chino chiti, ndali ni ndi ohwooseresa ohulaama hw'esaa chitaanu-na-chine mu nyuumba yaange; abweene ao, ndabona omusaacha niyeemere mu moni waange niyefwaalire ebifwaalo bing'enaang'ena,