Danieli 9:2 - EBBAIBBO EMBOOSI YA NASAAE

² Mu mwaaka kutaangira okw'obutuki bwae okwo, ese, Danieli, ndali nihaliirisa bulai mu bitabo byoolerefu. Mani nimbona endi emyaaka kyahabe amahumi kataanu-na-kabiri, chi siko sya Yerusalemu syamale nisiri ekuunda, ohuchianakana neende yi Omwaami yaboolera omunabbi Yeremia.

Danieli 9:2 Iomraidhean Croise

2 Ebyomubiha 36:21

Mani katyo, ebiindu bi Omwaami yalakula naabitira mu munabbi Yeremia byoolerera biti: “Esyaalo sino sichia ohudoong'a ekuunda ohumala embaka y'emyaaka amahumi kataanu-na-kabiri (70), ohwooseresa ohuwuluuha hwa Sabbaato yali niyisisiiri ohuhuswaho.”

Esira 1:1

Mu mwaaka kwachaaka ku Sairasi owa Perisia yali omutuki, Omwaami yahola ebiindu bi yali n'alomalomeere mu nabbi Yeremia byoolerera. Yahola Sairasi yoola ohutusa esilagiro siloondaho sino, yasisasaania mu bwandiike ohuchia sisomwe lukali buli abuundu mu bwaami bwae bwoosi.

Esabbuli 119:24

Olwohuba sangaalira mu bilagiro; ebyo nibyo ebingerakira.

Yisaaya 64:10

Ebiko byao byoolerefu, byeholere esiparara, Siyooni syeholere esiparara, Yerusalemu syeholere ekuunda.

Yeremia 1:1

Chino nicho emboosi cha Yeremia, omwaana wa Hilikia, mulala hu balaamisi abali nibamenya mu Anatooti, mu syaalo sya Bbenjamini.

Yeremia 25:18

Abomu Yerusalemu neende abomu biko byomu Buyudaaya, abatuki baabwe neende abachweenufu baabwe, mani ebiko ebyo binyale ohuba amakuunda katiisa haandi ebilekeereswa, abaandu beehoonyereenge ameeta kabyo nibabwaaba, nilwo lu basiihola ohwoola buti.

Yeremia 26:18

Mu ndaalo chi Hesekia yali naali omutuki wa Buyudaaya, Miika omwaana wa Moreseti, yalaangirira naaboolera abaandu bomu Buyudaaya boosi ati Omwaami w'Obunyala aboola ati, “Siyooni lwahalimwe koti endalo; neende esiko sya Yerusalemu syahabe esituuli sy'ebikoha, neende olugulu lw'Enyuumba ya Nasaae, lwahamereho esichaha.

Yeremia 26:6

Nimwemeeda ohujeema, njia ohuhola enyuumba yino, esiindu si ndahola hu Siilo, mani ebyaalo byohu syaalo byoosi binehoonyeraanga eliita ly'esiko sino nibibwaaba.”

Yeremia 27:7

Ebyaalo byoosi bichia ohumuhalaabaniraanga, omweene, omwaana wae, neende omwiichulu wae, ohwoola lu siha si ndatekehera esyaalo syae ohwaakama syahoole. Mani esyaalo syae syahahalaabanire ebyaalo biingi neende abatuki bahunuufu.

Yeremia 29:10

Olwohuba Omwaami aboola ati: “Emyaaka amahumi kataanu-na-kabiri kindadaha mube mu Bbabbilooni nikyahawe, ndahabadeebaho, mani njoserese esisuubise syaange sy'ohubakobosa abuundu ano.

Yeremia 7:34

Njia ohwaakamya mu biko bya Buyudaaya neende mu ngira chomu Yerusalemu amakono k'ebidyaalo neende esangaalo, neende amakono k'abo abali mu bidyaalo by'ohudeehisania; olwohuba esyaalo syaheehole ekuunda.

Amaliro 1:1

Esiko syali nisyeechulamo abaandu bulaanu sireherwe ao sityo! Esiko syali esihunuufu muno mu byaalo, bulaanu syeholere koti omuhasi mufwiirwe. Esiko syali esichweenufu mu biko, bulaanu syeholere esiwaambe.

Esekeeli 29:11

Hubulao ohukulu hw'omuundu oba ohw'esisolo ohwahasibitemo. Abulao owahasimenyemo ohumala embaka y'emyaaka amahumi kane.

Danieli 9:3

Ao mani ningaluuhana niningaala eyiri Omwaami Nasaae, ndamwekweeda niisaba esaala, nisiiba enjala, nindefwaala engubo ch'egunia, haandi ninjihala mu kohe.

Mika 3:12

Mani sakira hulweeng'we, Olugulu lwa Siyooni lwahalimwe koti endalo. Esiko sya Yerusalemu syaheehole esituuli sy'ebikoha. Olugulu luliho Enyuumba ya Nasaae lwaheehole esichaha.

Sekaria 1:12

Nae malaika oyo yaboola ati, “Omwaami w'Obunyala, ewe wanyoolerera muno Yerusalemu, alala neende ebiko bya Yuda ohumala embaka y'emyaaka amahumi kataanu-na-kabiri ohwoola bulaanu buti. Byahoole yeena hu ewe onyale ohubakwiira esisa?”

Sekaria 7:5

Yaboola ati, “Boolera abaandu bomu syaalo muno neende abalaamisi oti koti lu basiibaanga haandi nibalira mu mwoosi kwa hataanu haandi neende mu kwa hataanu-na-habiri ohumalaho emyoosi kino amahumi kataanu-na-kabiri emilaamba (70), haba sibyamberesaanga oluyaali daawe.

Matayo 24:15

“Mani nimubonaanga amatiichasi k'amasira k'omunabbi Danieli yalomalomaho hale niketeengeehe abuundu woolerefu, (leha omuundu osoma emboosi chino, amanyirise amahuluundu kachio),

Mariko 13:14

“Nae n'obonaanga esiindu sibi muno nisyeemere yi sitahoyere ohuba, (leha omusomi amanye amahuluundu ka sino), mani mulehe abo abali mu Yudea beeruhire mu ngulu;

Ebiholwa 8:34

Omulooye oyo yaboolera Filipo ati, “Wiina mweene, mubwadyeeri bweene, yi munabbi wuno ali ohulomalomaho bino, yelomalomaho omweene, oba hu omuundu wuundi?”

1 Timoteo 4:13

Mani ohwoolera elalira lu ese mweene ndahanyale ohwiicha eyo, malira ebiha byao alala neende amaani kao koosi hu husomaanga ebyaandiika byoolerefu alafu mu lwichuule, alala neende ohuyalaanga neende ohusomesaanga.

Ohubwiihulirwa 1:3

Ewe osoma esitabo sino wehoye, haandi eng'we abatekeeresa emboosi y'obunabbi yino mwesi mwehoye, mani mwafunihira esyo esiba nisyaandiikwa mu sitabo sino! Olwohuba esiha syasuda aambi, si biindu bino byoosi bichia ohuholehaniraho.