Danieli 9:19 - EBBAIBBO EMBOOSI YA NASAAE

¹⁹ Ewe Omwaami, wulira! Ewe Omwaami, leheramo! Ewe Omwaami, deeba mani otahiinda daawe! Yekesa oluyaali lwao, olwohuba esiko sino syao nisyo haandi abaandu bano bao nibo.”

Danieli 9:19 Iomraidhean Croise

2 Ebyomubiha 6:21

Wuliraanga ohulaama hwaange, haandi neende ohulaama hwa Yisiraeli abaandu bao nibanalingalaanga eno mani balaama. Nooli engo wao eyo muukulu, tuwulireenge mani otuleheraanga.

2 Ebyomubiha 6:39

ao wuliraanga ohulaama hwaabwe ohwo. Nooli engo wao muukulu, bawulireenge mani obakwiira esisa, mani obalehera ebyonoono byoosi ebyo eby'abaandu bao abo.

Yisaaya 43:7

Njia ohulaanga buli muundu hu abo, olwohuba n'amala ohumukuliha eliita lyae, ndamuloonga ohumuberesa oluyaali, ndahuhola haandi ndahutaao hulw'esyeene sino.”

Yeremia 14:7

“Kata ebyonoono byeefwe bituheengera omusaango, Ewe Omwaami, tuhoonye koti lu watusuubisa. Olwohuba huhutulireho amahabi maangi muno, hwahola ebyonoono yooli.

Yeremia 14:9

Lwasiina oli koti omuundu wadangaala, koti omusikaari w'amaani otanyala ohuwonia? Mubwadyeeri bweene, Ewe Omwaami, oli akatikaati weefwe, mani efwe huli abaandu bao; otatujwaang'a daawe.”

Yeremia 25:29

Olwohuba bone, njia ohuhola esibi hu siko syaange syeene, mani abulao omuundu otahasaande. Abulao owahawone ohusaanda, olwohuba njia ohusiindiha ebiita mu baandu bohu syaalo syoosi. Omwaami w'Obunyala niye oboola.

Esekeeli 20:14

Haandi ndaholabe esihoyera oluyaali lw'eliita lyaange mu byaalo ebyali nibyabona koti lu ndatusa Abaisiraeli mu syaalo sy'e Misiri.

Esekeeli 20:22

Nae nitahola endyo, haye ohunyaasa oluyaali lw'eliita lyaange mu byaalo byabona niindusa Abaisiraeli mu syaalo sy'e Misiri.

Esekeeli 20:9

Nae nihaya ohuhola esiindu esyo, olwohuba haba sindadaha ohunyaasa oluyaali lw'eliita lyaange mu byaalo bi bamenyamo ebyali nibibweene biti omweene ndeeyekesa yi bali nindusa Abaisiraeli mu syaalo sy'e Misiri.

Esekeeli 36:22

“Bulaanu boolera Abaisiraeli oti, Omwaami Nasaae aboola ati: ‘Esiindu siinjia ohuhola, haba siinjia husihola hulweeng'we, nae njia ohusihola hulw'eliita lyaange lyoolerefu, li mwachalaasa mu byaalo bi mweechamo.

Esekeeli 39:25

Mani sakira Omwaami Nasaae aboola ati: “Nae bulaanu, hulw'ohuchuunirwa oluyaali lw'eliita lyaange, njia ohukobosera ehabi abeechuhulu ba Yakobbo, haandi ngwiire esisa Abaisiraeli boosi.

Danieli 9:18

Ewe Nasaae waange, teka ohutwi mani owulire; liimbula mani obone obudinyu bweefwe, neende esiko syalaangwaanga neende eliita lyao koti lu syalehwa ao sityo. Huhwekweeda ataali mbwe hwahola ebiluungifu mu moni wao, nae olwohuba Ewe oli ow'esisa siingi.

Amosi 7:2

Nae esike nichamala ohulya obunyasi hu syaalo, mani nimboola endi: “Ewe Omwaami Nasaae, husaba, lehera! Abaisiraeli banabeeo batye? Olwohuba badiidi haandi babula obwiiruhiro!”

Ohubala 14:19

Bulaanu ewe Omwaami, ohweema hu buhunuufu bw'obuheeri bwao butakaluuhana, leheramo, hwekweeda, ebyonoono by'abaandu bano, koti sa lu wabaleheraangamo ohutulira elalira lu batulira mu Misiri.”

Ohubala 6:27

Mani Omwaami yeecha n'aboola ati, “Nibachia ohutuumbulaanga eliita lyaange ohuba ehabi eyiri abaandu ba Yisiraeli, mba njia ohubaberesaanga ehabi.”

Luka 11:8

Mbaboolera endi, kata neende n'atahasingiire yamuba esiindu syoosi, olwohuba mwiicha wae, nae hulw'enduyirisi eyo, aba achia ohusiingira amubeerese buli sy'aba n'adaha syoosi.

Ebiholwa 15:17

hu baandu badoong'ereyo boosi basaambihe bakoonye Omwaami, haandi Bateende boosi abalaangwa neende eliita lyaange,

Abaefeso 1:12

Lehe efwe abachaaka ohweesika humenye mu bulamu bufumia haandi obuberesa Nasaae oluyaali.

Abaefeso 1:6

afumisibwe hulw'embabaasi chae ch'oluyaali, chi yatuberesera mu muheerwa wae.

Abaefeso 3:10

Ohubitira mu mukaanda kw'abafukiiriri, amakesi maangi kakabuhaane aka Nasaae, kanyale bulaanu ohwekeswa kaamanyihana eyiri obunyala neende amaani Muukulu.