Danieli 9:16 - EBBAIBBO EMBOOSI YA NASAAE

¹⁶ Ewe Omwaami, ohuchianakana neende obuluungifu bwao bw'ohola bwoosi, leha ohunyoolerera neende ohwaalabira Yerusalemu, esiko syao haandi olugulu lwao lwoolerefu. Olwohuba ebyonoono byeefwe, neende ebyonoono bya bakuuka yeefwe, abaandu boosi neende ebyaalo bisyebodoohaanie byoosi bilekeeresa Yerusalemu alala neende abaandu bao.

Danieli 9:16 Iomraidhean Croise

Nehemia 9:8

Ewe wabona oti oyo niye owali omweesikwa yooli, mani waahola Endagaano nae. Ewe wamulaka ohumuberesa esyaalo sy'Abakanani, esyaalo sy'Abahiiti neende esy'Abaamoori, esyaalo sya Abaperisi, esy'Abayebbusi, esy'Abagirigasiti, oti bibe abuundu yi beechuhulu bae bali nibahoyere ohumenya. Ewe wanyala ohwooseresa esisuubise syao esyo, olwohuba ewe oli omweesikwa.”

Esabbuli 143:1

Omwaami, wulira esaala yaange; tekeeresa ohusaba hwaange! Ngobolemo olwohuba oli omweesikwa haandi omuluungifu!

Esabbuli 31:1

Ewe Omwaami, niiwe yi njiruhiraho ningoonya obweyikamo; otaleha esoni chaandiiraho kata nabudiidi; mu buluungifu bwao, monie!

Esabbuli 41:13

Omwaami, Nasaae wa Yisiraeli, afumisibwe, ohutula endaalo choosi ohwoola endaalo choosi! Amiina, haandi Amiina!

Esabbuli 71:2

Mu buluungifu bwao, monie mani wuununule; mbulire mani wuumonie!

Esabbuli 79:4

Hunyekwa neende abaandu batwebodoohaanie, batucheha haandi batudyaabuhira.

Esabbuli 85:4

Tukobose buyaaha haandi, Ewe Nasaae w'obuwonia bweefwe, mani waakame ohutunyoolerera.

Esabbuli 89:51

Ewe Omwaami, abasuku banyeka omudoole wao, bamunyeka buli ya achiira.

Ohutula 20:5

Otasigamiraanga esiloongaloongwe syoosi oba ohusiinamira, olwohuba ese niise Omwaami Nasaae weeng'we, nae haba sindesimiirisiraanga oyo yeesi owunyiingania. Ese ndeeta ebibonereso eyiri abo boosi abasyuula, eyiri abeechuhulu baabwe, haandi neende ohwoolera elalira eyiri abeechuhulu baabwe aboohudatu kata neende abohune.

Yisaaya 5:25

Mani sakira etima ly'Omwaami lyasiingirira hu baandu bae, haandi yakolola omuhono kwae ohubasaandya, mani engulu chaadengaana; haandi emilaambo ky'abaandu beetwa kyaaba koti ebikoha akatikaati w'engira ch'ebiko byaabwe. Olwohuba ebiindu bino byoosi haba sibyamalao etima lyae haandi yadoong'a sa n'akoloole omuhono kwae.

Yeremia 24:9

Njia ohuboosaho esibi, mani obwaami bwohu syaalo bwoosi butye. Abaandu bahabanyekeenge, beehola olukaado yibali; bahabacheheenge, haandi bahehoonyereenge eliita lyaabwe nibabwaaba, buli abuundu yi ndahabasalaanisirye.

Yeremia 29:18

Njia ohubaloondaho neende ebiita, enjala neende oluumbe, haandi mbahole babe esilaamo, esitiisa, esiwukisa, neende esibwaabo eyiri ebyaalo byoosi bi ndabasiindihamo.

Yeremia 32:31

Esiko sino syasiingisa etima lyaange neende obwaalaba bwaange ohutulira elalira hu ludaalo lu basyoombahiraho ohwoola buti, mani njia ohusisihirisa situle mu moni waange,

Yeremia 32:32

hulw'ebyonoono byoosi bi baandu bomu Yisiraeli neende abaandu bomu Buyudaaya bahola ohusiingisa etima lyaange alala neende abatuki baabwe neende abahunuufu baabwe, abalaamisi baabwe neende abanabbi baabwe, abasaacha bomu Buyudaaya neende abo abamenya mu Yerusalemu.

Esekeeli 22:4

Onieere omusaango kw'obutemo, haandi wenyaasire hulw'ebiloongaloongwe bi waloonga, osudiisye aambi oludaalo lwao lw'ohusaanda, ebiha byao byoolere. Mani sakira huholere esiindu si ebyaalo biindi bibacheha, haandi ebyaalo byoosi bichia ohuhudyabuhira.

Esekeeli 5:14

Njia ohuhuhola obe ekuunda haandi obe esyohucheha eyiri ebyaalo bihwebodohaanie neende mu moni w'abaandu bomu byaalo biteende bahabite aambi naawe mani bahubone.

Danieli 11:45

Mani alyoombaha amayeema k'ekaambi yae akatikaati w'enyaanja neende Olugulu Lwoolerefu lw'Oluyaali. Nae yesi yahoole hu njakamo yae, n'abulao yeesi omuhoonya.

Danieli 9:20

Nindali nisilomalomaanga haandi nisyekongooyaanga, nindefunaka ebyonoono byaange neende ebyonoono by'abaandu baange Abaisiraeli, haandi nindekweeda Omwaami Nasaae waange, akoboseo oluyaali lw'Olugulu lwae lwoolerefu.

Yoeli 3:17

“Ao mani mulimanya muti, Niise Omwaami, Nasaae weeng'we, oli mu Siyooni, olugulu lwaange lwoolerefu. Mani Yerusalemu syahabe esiko syoolerefu, haandi abateende haba sibahasiyiingire ehabi liindi daawe.

Sekaria 8:3

“Ese sakira, njia ohukobola mu Yerusalemu, esiko sihunuufu syaange syoolerefu esyo, mani menye mu bweene omwo. Sicha ohumanyihana koti esiko sihunuufu syeesikwa, mani esigulu sy'Omwaami w'Obunyala sichia ohumanyihana koti esigulu syoolerefu.

2 Abatesalonika 1:6

Olwohuba Nasaae asibona ati sihoyera ohusaandya abo ababasaandya,

1 Yowaana 1:9

Nae nihweyama ebyonoono by'efwe eyiri Nasaae, achia ohwooseresa siyatusuubisa olwohuba mweesikwa haandi muluungifu. Achia ohutulehera ebyonoono byeefwe byoosi mani atulabye ohutula mu bibi byeefwe byoosi.

1 Samueli 2:7

Akera abaandu baandi baaba abamanani, nae yaberesa abaandi obuyiinda; aloongoyasa abaandi baandi haandi yakera abaandi baaba abahunuufu.