Danieli 9:12 - EBBAIBBO EMBOOSI YA NASAAE

¹² Ewe Nasaae, woseresa emboosi chao chi walomaloma hw'efwe, neende hu batuki beefwe, mani n'otuleetaho amasira maangi katyo. Olwohuba hu syaalo syoosi, sibulao esiindu syeholaanga koti esyo sy'oholere hu Yerusalemu.

Danieli 9:12 Iomraidhean Croise

1 Abatuki 3:9

Mani sakira ewe mberese sa amakesi kahoyeere ohutukiramo abaandu bao bano ninjakanirisa haandi niinyala ohumanyaanga engabula yiba niyiriwo akatikaati w'esilai neende esyonoono. Ataali ao, ese naange mba njia ohunyala endye ohutuka abaandu bao bahunuufu bano?”

2 Abatuki 22:16

Omwaami aboola ati, “Bona, njia ohukwiisa amasira abuundu ano, neende hu baandu baliwo, emboosi choosi echiri mu sitabo chi omutuki wa Yuda asomere.

Yobbu 12:17

Amala mu beemirisi bohu syaalo amakesi, haandi abaheengi b'emisaango abahola baaba abasiru.

Esabbuli 148:11

Eng'we abatuki b'esyaalo neende eng'we abaandu mweesi, abahunuufu alala neende eng'we abeemirisi baandi mweesi, mumukinie.

Esabbuli 2:10

Sakira, eng'we abatuki, mube abakesi; haandi eng'we abeemeresi b'esyaalo, mulabuhe!

Engaado 8:16

Niise ohoonya buli mutuki hu syaalo ohutuka, neende abahunuufu ohutuka esyaalo.

Yisaaya 43:28

Mani sakira ese njia ohumala oluyaali mu abo abaliindaanga obweyaango bwoolerefu. Ndayaanayo Yakobbo ohusihirisirwa elalira njakamye Yisiraeli ohunyekwaanga.

Yisaaya 44:26

Nae niise owomiisa bi muhalaabani waange alomaloma, haandi njoseresa bi wamwaanda waange alagira. Mboola endi, ‘Yerusalemu syahamenyemo abaandu,’ haandi hu biko bya Yuda mboola endi, ‘Byahoombahwe buyaaha’.

Yeremia 30:7

Woowe! Oludaalo olwo luhuluundu muno lubulao oludaalo luundi oluli koti olwo. Lwahabe olw'amasira eyiri abaandu ba Yakobbo. Nae bahaluwone.

Yeremia 32:23

Mani nibasiingiramo nisiba esyaabwe. Nae nibeengiramo bahaya ohudiira amalako kao oba ohuhola bi odaha; nibahaya ohuhola bi wabalagira ohuhola. Mani sakira, obakwiisireho amasira kano koosi.

Yeremia 39:16

“Yeremia, chia oboolere Ebbedimeleki Omuitiopia oti, Omwaami w'Obunyala, Nasaae wa Yisiraeli aboola ati: Bona, njia ohwooseresa emboosi chaange, njose esibi hu siko sino, nae haba siinjia hukwiisaho esilai. Sino sichia ohwoolerera mani wesi ochia ohusibona neende emoni chao.

Yeremia 44:23

Amasira ako ka muli ohubona kabakwaaho olwohuba mwanioohesa obubbaani, haandi olwohuba mwonoona eyiri Omwaami, mani mwaahaya ohuwulira ekono ly'Omwaami oba ohuholera hu malako kae, mani sakira amasika kano kabakwaaho ohwoola buti.”

Amaliro 1:12

Haandi nimboola endi: “Eng'we ababitaao, haba simudeebayo daawe?” “Tingaale mani mubone ni aluwo omuundu oli neende engisa yiri koti eyaange yi Omwaami yangwiisaho hu ludaalo lu yekeseraho etima lyae.

Amaliro 2:13

Ewe Yerusalemu, ndaahuboolere siina, oba ndaahukeraanie hu siina? Ndaahukeraanie neende wiina, hu nyale ohuhulemya omwooyo ewe omuheerwa wa Siyooni? Olwohuba obuchuuni bwao buungi muno; haba sibwaakama daawe. Esuubi lyao linaatule yeena?

Amaliro 2:17

Omwaami aholere esiindu si yatekeha, yosereese esyo siyatulabula koti lu yatekeha ohutula hale; atusihiriise ataali esisa. Akerere abasuku beefwe batweehoyeraho, mani yaababeresa amaani k'ohutuyiingira.

Amaliro 4:6

Olwohuba abaandu baange basaandire muno ohuhiraho koti abaandu ba Sodomu lu basaanda, ba Nasaae yasihirisa mu biha bidiidi muno.

Esekeeli 13:6

Ohuboneherwa hwaabwe haba sihwadyeeri daawe, haandi batusaanga obunabbi bw'obubacha nibaboola bati, ‘Omwaami aboola ati,’ nae mubwadyeeri bweene Omwaami haba sabechaanga n'abatumireho daawe, mani nibasuubisa abaandu bati emboosi chaabwe chichia ohwoolerera abweene.

Esekeeli 5:9

Mani olw'ebiindu bi tadaha byoosi bi mwahola, njia ohusaandya Yerusalemu muno koti ndali nisisiiri ohuholaho endyo, haandi si ndahahole endyo ehabi liindi.

Danieli 12:1

Mani malaika niyemeeda ohumboolera ati: “Mu ndaalo echo, Mikaeli, malaika muhuluundu, omuliindi w'abaandu, aliboneha. Mani wahabeeo ebiha by'ohusaanda hutabechaangao ohuli hutyo otula ebyaalo lu bibechaangao. Nae mu biha ebyo, abaandu boosi ba meeta kaabwe kahanyoolwe nikandiikwa mu sitabo, bahaonisibwe.

Yoeli 2:2

Oludaalo olwo luliba olw'esiirima neende olw'ohweyendeeherera, oludaalo lw'ebiresi-resi neende olw'esiirima sya titititi. Eye hoongo ly'esike, liicha niliri koti esiirima sibwiihire hu lugulu. Haba sichibechaangao esike nyiingi koti chino, noomba sichahabeeo esike nyiingi koti chino. Emyaaka neende emyaaka kyoosi pe.

Amosi 3:2

“Eng'we mweeng'ene mu baandu bomu syaalo syoosi, niing'we ba ndadoolamo; mani sakira njia ohubasaandya hulw'ebyonoono byeeng'we byoosi.

Sekaria 1:6

Ohubitira mu banabbi baange ese ndanyala ohuberesa bakuuka yeeng'we ebilagiro neende ohulabula, nae haba si babifwaaho daawe, mani baatusamo ohusaanda ohwo. Nae beeyolobya mani beeyekesa baamanya bati, ese, Omwaami w'Obunyala, niise owali nimbasaandya koti lu bali nibahoyera, haandi koti lu ndali omweene ni maliriire ohuhola endyo.’ ”

Sekaria 1:8

Ese ndabona omuundu wuundi naali ohwiirusa efaraasi ya ranjaayi. Yali niyeemereho mu misaala ky'amawa mu hooho, nae enyuma wae chaliyo efaraasi chiindi, eya ranjaayi, emali neende eya dibbo.

Sekaria 7:12

mani boomya emyooyo kyaabwe koti olwaanda. Mani koti lu bali nibatachia ohutekeeresa enjekesa yi ndabatumira ohubitira mu banabbi bali ni bamenyao hale, ndanyoolera muno.

Matayo 24:21

Olwohuba ebiha ebyo ohusaanda hwamakana huchia ohubaao ohutabechaangahoo ohutula esyaalo nisiloongwa ohwoola bulaanu buti, haandi sihwahabeeo ehabi liindi daawe.

Matayo 5:18

Mbaboolera obwadyeeri endi: Ekulu neende esyaalo ni bisisiiriwo, abulao kata esichia ohutusibwa hu Malako kano ohwoola lu koosi kahoosereserwe abweene.

Mariko 13:19

Olwohuba mu ndaalo echo, muchia ohubaamo ebinyaaso bitabeechaangao hooho ohutula muhuchaaka hw'esyaalo si Nasaae yaloonga ohwoola buti, haandi haba sibyahabeeo haandi endaalo choosi.

Luka 21:22

olwohuba chino nicho endaalo ch'ohwetuungiramo, ohwooseresa byoosi ebyandiikwa.

Abarooma 15:8

Olwohuba mbaboolera endi, obulamu bwa Kristo bw'ohuhalaabana eyiri Abayudaaya, bwali obw'ohweekesa buti Nasaae mweesikwa niye, hwaanyale ohwooseresa abweene ebisuubise bi yasuubisa bakuuka yaabwe.