Danieli 8:4 - EBBAIBBO EMBOOSI YA NASAAE

⁴ Mani nimbona emiiku elyo nilitwoomera emuumbo neende emukulu neende emwaalo. Mani nisibulao esisolo sya anyala ohweema mu moni waalyo. Haandi abulao omuundu onyala ohwaabina oyo yi yali niyidaha ohwiita. Emiiku eyo yaholaanga buli siindu si yadahaanga, mani niyehuduumbasa eyeene.

Danieli 8:4 Iomraidhean Croise

1 Abatuki 22:11

Mulala hu beene abo yali, Sedekia omwaana wa Kenaana, yachia mani yaahola enjika ch'esibya mani naamala n'aboolera Ahabbu ati, “Sino nisyo si Omwaami ali ohuboola: ‘Ewe niwehoonyera bino biti nilwo lwoochia ohulwaania Abasiria, mani omale onyale ohubayiingirira elalira.’”

Yobbu 10:7

kata wahaba noomanyire oti mbulaho omusaango, haandi abulao omuundu onyala ohuununula ohutula mu muhono kwao?

Esabbuli 44:5

Obunyala bwao nibwo obukera nihuyiingira abasuku beefwe; eliita lyao nilyo elikera hwaaseenakira abatuseeta.

Esabbuli 50:22

“Diira sino womiise bulaanu, ewe owebirira Nasaae, ataali ao njia ohuhutaandula mani abuleo omuundu onyala ohununula!

Esabbuli 7:2

ataali ao, bachia ohumbwaasulamo koti lu edalang'i yibwaasulaanga, nibaahwehweesa naabulao owunjabina.

Esekeeli 34:21

Olwohuba musiindiha neende embafu alala neende amabeka-beka amakoondi malwaae, haandi mutwooma akaandi neende enjika cheeng'we, ohwoola lu mukatusa mu lwaayiro mani nikasalaana.

Danieli 11:16

Nae omutuki oyo owahamuseete, alihola buli siindu sy'adaha, mani abulao owahamukayire daawe. Mani yaheeme mu Syaalo sy'Oluyaali, mani syoosi sibe mu bunyala bwae.

Danieli 11:36

Mani omutuki w'Asiiria oyo, alihola koti lu adaha. Mani alyefumia haandi yeniinia n'abaasa ati ahira banasaae boosi. Alilomaloma ebitalomwalomwa, n'alekeeresa Nasaae otuka banasaae boosi. Alimeeda ohuhola atyo, ohwoola lu biha by'ohumusaandya byahoole. Olwohuba esyo si Nasaae yatekeha sichia ohwolerera elalira.

Danieli 5:19

Haandi olwohuba obuhuluundu bu yamuberesa, abaandu boosi, neende ebyaalo byoosi, neende abaandu b'enimi choosi, batya haandi baateengereha mu moni wae. Yetaanga oyo yi yadahaanga ohwiita, haandi yawoniaanga oyo yi yadahaanga ohuwonia. Haandi yakiniaanga oyo yi yadahaanga ohufumia; haandi yaloongoyasyaanga oyo yi yadaha ohuloongoyasa.

Danieli 5:30

Mu siro syeene esyo, Bbelisasa, omutuki w'Abakalidaaya mani nibamwiita.

Danieli 7:5

Nae bone, esisolo siindi, esyali nisifwaanana koti elyaaka. Syali nisyasingiswa hu lwaande lulala. Syali neende embafu chidatu muhanwa wasyo, nichiyaandire mu meeno kasyo. Mani nibasiboolera bati, “Siingira, mani olye enyama nyiingi.”

Danieli 8:7

Mani niimbona niyiseeta emiiku, niyiri neende obwaalaba buungi, mani niyitwooma emiiku elyo, mani niyibboongola enjika chalyo choombi. Emiiku elyo mani niliwaamo amaani ak'ohwelwaanaho, mani nilikwa aasi, ehole eyo niyiyiseenakirira, mani naabulao oyo yeesi onyala ohwaabina ekoondi emiiku elyomu bunyala bw'ehole.

Mika 5:8

Mani Abaisiraeli bahaluwonemo bahabe akatikaati w'ebyaalo biingi koti edalang'i akatikaati w'esolo chomu siino, koti edalang'i ndoto akatikaati w'eyiicho ly'amakoondi; edalang'i yikakwaaho, yakabosyoola-bosyoola mani abuleo omuundu onyala ohukawaabina daawe.

Amalako Kohubiri 33:17

Yosefu ali neende amaani kali koti ak'endaawu, haandi enjika chae chiri koti ech'emboko; achia ohuchehoonyera ohusiindiha ebyaalo, ohwoola hu njakamo y'esyaalo. Chino nicho elifu ehumi cha Efuraimu, haandi chino nicho amalifu ka Manaase.”