Danieli 8:22 - EBBAIBBO EMBOOSI YA NASAAE

²² Nae olwiika lwabboongolwa, mani mu sifwo syalwo nimumeramo enjika chiindi chine, nibwo obutuki bune obwahakabuhanemo mu butuki bwae, nae obutuki obwo haba sibwahabe obw'amaani koti obwae.

Danieli 8:22 Iomraidhean Croise

Danieli 11:4

Nae niyahamale ohwomiira mu bunyala, obutuki bwae bwahafunihe, mani bwakabuhanamo ebituundu bine; esy'ebukwe, esy'emuumbo, esy'emukulu neende esy'emwaalo. Nae obutuki obwo haba sibwahabereswe ab'olwiibulo lwae, noomba ohutukwa neende obunyala koti bu yatukiraho. Olwohuba obutuki obwo bwahabe obw'abaandu baandi abataali ob'olwiibulo lwae.

Danieli 7:6

Nindali nitingaala, nae bone, nimbona esisolo siindi esifwaana koti eengwe, nae hu mukoongo kwasyo hwaliho embaya chine koti ech'eyoni; haandi esisolo esyo syali neende emitwe kine. Mani esisolo syo nisibereswa obunyala bw'ohutuka.

Danieli 7:7

Nae bino nibyaawa, mani muhuboneherwa hwomu siro, nae bone, mani nimbona esisolo syohune, esitiisa muno haandi esyalaba muno haandi esy'amaani maangi muno. Syali neende ameeno mahoongo haandi ak'ebibya. Syalichaanga haandi nisimenena buli siindu sisyabukanaanga. Mani nisisenakiriraanga mu makulu kasyo buli siindi syali nisidoong'ereo. Haandi esisolo sino syali nisitafwaanana neende ebisolo byoosi ebyasitaangirira ohuboneha. Haandi syali neende enjika ehumi.

Danieli 8:21

Nae ehole, niye omutuki wa Bugiriki; nae olwiika luhoongo oluli akatikaati w'emoni wayo, niye omutuki waamberi owa Bugiriki.

Danieli 8:23

Mani enjakamo y'obutuki bune obwo niyahabe aambi ohwoola, ao abaandu bahabe nibabitiriire ohwonoona. Mani waheechieo omutuki mwaalaba, owalung'uuma mu moni, haandi omumanyirifu mu huhola olukwe.

Danieli 8:3

Mani nisiingisa emoni aakulu, mani bone, ndabona emiiku niryeemere hu ndulo w'omwaalo. Lyali neende enjika chibiri, haandi enjika choombi chali endeeyi, nae olwiika lulala lwali oluleeyi ohuhiraho oluundi, mani olwiika luhiramo obuleeyi nilwo olwasembayo ohumera.

Danieli 8:8

Ao mani ehole eyo niyemeeda muno ohweniinia; nae niyali niyisyeniinia ohweekesa amaani kayo, olwiika lw'amaani olwo mani nilubboongoha. Mani mu mu bweyaango bwalwo nibumeramo enjika chiindi ehoongo ch'amakana chine echeemere; buli lwiika nilutingaalire mu nyaande choosi.

Sekaria 6:1

Haandi ndanyoola ohuboneherwa huundi. Ehabi lino ndabona ebigaari by'efaraasi bine nibitulira akatikaati w'engulu chibiri ech'esibya sy'omugasa.