Danieli 8:13 - EBBAIBBO EMBOOSI YA NASAAE

¹³ Ao mani nimbulira omwoolerefu mulala naalomaloma; haandi omwoolerefu wuundi naalomaloma neende owali n'alomaloome n'ateeba ati: “Esyo esiimboneheere esidiira hu esiyaanwa sisaambwa buli ludaalo, syahabeeo ohwoola liina? Haandi esyonoono sinyaasa esyaliwo ohutula hale, syahabeeo ohwoola liina? Haandi ekulu neende Onyuumba ya Nasaae, byahaseenakirwe ohwoola liina?”

Danieli 8:13 Iomraidhean Croise

Esabbuli 74:10

Ewe Nasaae waange, abasuku bahaakame liina? Eliita lyao bahalichalaase endaalo choosi?

Esabbuli 74:9

Kata haba sihusibonaho eby'amayia daawe; abulao omunabbi kata mulala yeeng'ene, nae haandi yibulao kata mulala mweefwe omanyire daawe.

Esabbuli 79:5

Ewe Omwaami, wahakame liina ohutunyoolerera? Wahonyoolere endaalo choosi? Obwaalaba bwao bwahaaduhe koti omuliro?

Yisaaya 28:18

Endagaano yeeng'we yi mwahola neende oluumbe yahahalakwe, haandi endagaano yeeng'we neende amakoombe yahaakame. Amasira k'amaani nikahabite hu syaalo kahabalehe nikabafwiinyiriire aasi.

Yisaaya 6:11

Mani ndateeba endi, “Omwaami waange, sino syahoole liina ohuba siti?” Mani nae n'akobolamo ati: “Ohwoola lu biko byahasihirire nibibulamo omuundu yeesi omenyamo, haandi amayuumba kaabwe nikabulamo omenyamo, haandi esyaalo syoosi nisisihiriire elalira.

Yisaaya 63:18

Abaandu bao boolerefu bali abuundu wao woolerefu ebiha bidiidi muno; nae abasuku beefwe nasisenakiire.

Yisaaya 9:6

Olwohuba batwibuliire omwaana, batubereese omwaana w'obusyaani; obutuki buchia ohuba mu mahono kae, eliita lyae lichia ohulaangwa liti, “Omukabi w'Amakesi Owukisa, Nasaae w'Amaani, Seefwe w'Endaalo Chitaakama, Omuleeti w'Omuleembe.”

Yeremia 12:10

Abeemirisi baangi banyaasire endalo yaange y'emisabbiibbu, baseenakiire obulimo bwaange. Esyaalo syaange silai basiholere esiparara sibulamo abaandu.

Danieli 11:31

Abasikaari bae baandi baheeche mani nibahola eby'esifwaabi mu Nyuumba ya Nasaae neende esiko syasyo sigumu. Mani balihola esy'omusiro syebwaabwa.

Danieli 12:11

Mani ohutula lu siyaanwa sisaambwa sya buli ludaalo lu syatuswao, mani nibataao eby'omusiro byebwaabwa, wahabiteo endaalo elifu ndala neende emia chiri neende amahumi kataanu-na-kane (1,290).

Danieli 12:8

Ndawulira ebiindu bi yalomaloma, nae haba sindamanya amahuluundu kabyo daawe. Mani niteeba endi: “Ewe Omwaami waange, siina syeene esyahatule mu biindu bino?”

Danieli 4:10

“Ebyambonehera nindali nindeyaliise hu sitaanda byali biti; ndatingaala, mani niimbona omusaala nikuli akatikaati w'esyaalo; omusaala okwo kwali omuleeyi muno.”

Danieli 4:13

Ebyambonehera nindeyaliise mu sitaanda syaange, nimwo mundaboneherwa wamwaanda mwoolerefu, niyeeha n'atula muukulu.

Danieli 4:23

Nae koti omutuki lu wabona wamwaanda mwoolerefu mweene, niyeeha aasi n'atula muukulu mani n'aboola ati, “Temao omusaala mani okusihirise, nae oleheo esisina neende emisi chakwo mu loba, n'oboyereho esichuma neende esihomo ohusyebodoohania, mu muboka; mani olehe olume lutula muukulu ludose omuundu oyo; haandi leha amenyeenge neende ebisolo byoomu siino, ohumala embaka y'emyaaka kitaanu-na-kibiri.”

Danieli 7:16

Mani ndasuda aambi neende mulala hu abo abali nibeemere ao, mani nimuteeba esyadyeeri sidiira hu biindu ebyo byoosi. Mani naamboolera, haandi naanjekesa amahuluundu k'ebiindu ebyo.

Danieli 7:23

Mani Oyo Owaliwo Endaalo choosi naamboolera amahuluundu kasyo ati: Esisolo syohune, bwahabeeo obutuki bwohune hu syaalo, obwahakabuhane hu butuki buundi bwoosi, haandi bwahalye esyaalo syoosi, mani bwasiseenakira, haandi bwasifunakafunakamo mu bituundu-tuundu.

Danieli 9:27

Mani omutuki oyo yahahole neende abaandu baangi endagaano y'amaani hulw'embaka y'ejuma ndala. Mani akatikaati w'ejuma eyo, yahaakamye ebiyaanwa neende ebilweeyo. Mani aakulu weene w'abuundu woolerefu, oyo osihirisa yahateeo esy'omusiro, ohwoola lu njakamo eyamutekeherwa lu yahoole.”

Sekaria 1:19

Bulaanu ndateeba malaika wali naali ohulomalomaanga naange endi, “Enjika chino cheekesa siina syeene?” Nae yakobolamo ati, “Chino chihiihirira amaani kakabuhaane akatuka esyaalo sino akanyalaanga ohusalaaniaanga abaandu ba Yuda, Yisiraeli neende Yerusalemu.”

Sekaria 14:5

Mani eng'we muchia ohweyibira mu hooho lyeene lino elikabuhaniamo olugulu luno mu mahabi kabiri. Mwesi muchia ohweyiruhira koti sa lu bakuuka yeeng'we bahola lu ohuteengereha hw'esyaalo hwahabeeo mu ndaalo cha Omutuki Wusia owa Yuda. Omwaami Nasaae waange achia ohwiicha, niyeecha neende bamalaika boosi nibali alala nae.

Matayo 11:27

Laata yamala ohuumberesa ebiindu byoosi haandi abulao omuundu omanyire Omwaana ohutusaho Simwaana, haandi abulao omuundu omanyire Simwaana muundu ohutusaho Omwaana wae alala neende oyo yi mwaana aheengao ohumubwiihulira.

Matayo 24:15

“Mani nimubonaanga amatiichasi k'amasira k'omunabbi Danieli yalomalomaho hale niketeengeehe abuundu woolerefu, (leha omuundu osoma emboosi chino, amanyirise amahuluundu kachio),

Mariko 13:14

“Nae n'obonaanga esiindu sibi muno nisyeemere yi sitahoyere ohuba, (leha omusomi amanye amahuluundu ka sino), mani mulehe abo abali mu Yudea beeruhire mu ngulu;

Luka 10:22

Laata yamala ohuumberesa ebiindu byoosi; mani abulao omuundu yeesi omanyire Omwaana ohutusaho Simwaana, haandi omanyire Simwaana, ohutusaho Omwaana neende oyo yeesi yi mwaana aheengao ohubwiihulira.”

Luka 21:20

“Nae nimubonaanga Yerusalemu nisyebodoohanisiibwe neende amaye, mani mumanyeenge sa muti, olubwa lwasyo luba lumalire ohwoola.

Luka 21:24

bachia ohwiitwa neende obusoonjo bw'engaanga haandi bayirwe mu jeela mu byaalo biindi byoosi; mani Yerusalemu sichia ohuseenakirwa mu makulu neende Bateende, ohwoola lu ndaalo ch'Abateende chiriweera.

Yowaana 1:18

Abulao omuundu yeesi owabonaho Nasaae; ohutusaho Omwaana mudeerwa wa

Amalako Kohubiri 33:2

Yaboola ati, “Omwaami yatula hu lugulu lwa Sinai, n'asiingira koti elyuuba n'atulira Seyiri, mani n'ahosa naali hu lugulu lwa Parani, naali alala neende aboolerefu elifu ehumi. Yahosa neende omuliro kwaaduha nikumuli hu muhono kwae muluungi.

1 Abatesalonika 3:13

Mu ngira yino nilwo lwaachia ohubameederamo amaani, mani mube ababulaho esibi syoosi, haandi aboolerefu mu moni wa Nasaae weefwe haandi Seefwe, hu ludaalo lu Omwaami weefwe Yesu yahakobolereho alala neende aboolerefu bae boosi.

Abaibburania 10:29

Bulaanu mubaasa muti omuundu olekeeresa Omwaana wa Nasaae, mani yaayira amabaanga k'endagaano ya Nasaae akamwoosaho esyonoono koti esiindu sibulamo obuhoonyi, haandi onyoolesa Mwooyo w'embabaasi, haba saachia hunyoola husaandisibwa huungi muno hwahoyerwa?

1 Petero 1:12

Nasaae yeekesa abanabbi bano ati haba sibehalaabanira abeene, nae bahalaabanira eng'we nibalomaloma hu bwadyeeri bu muwulira bulaanu. Bawamwaanda b'Emboosi Ndai abalomaloma neende obunyala bwa Mwooyo Mwoolerefu owatumwa ohutula Muukulu, nibo ababeekesa obwadyeeri buno. Buno nibwo obwadyeeri bu bamalaika bosi badaha ohumanya amahuluundu kaabwo.

Yuda 1:14

Enoka, omwiichuhulu wa Adamu wa tiiri mu luse lwohutaanu-na-habiri, yabalomalomaho n'aboola ati, “Bone, Omwaami yeecha neende abaandu bae boolerefu elifu neende elifu,

Ohubwiihulirwa 11:2

Nae otakera ebiseenge biri erwaanyi daawe, olwohuba ebyo byamala ohubeereswa abakafiiri, abanaaseenakire Esiko Syoolerefu hu mbaka y'emyoosi amahumi kane-na-kibiri emilaamba.

Ohubwiihulirwa 6:10

Behuuma mu kono hoongo bati, “Omwaami w'Obunyala bwoosi, omwoolerefu haandi owadyeeri mweene! Hwahaliinde ohwoola liina, hu weemeo oheengere abaandu bohu syaalo omusaango haandi obasaandye hulw'ohutwiita?”

Abakayi 13:18

Mani malaika yeecha yateeba ati, “Siina syeene esikera mwaadaha ohumanya eliita lyaange? Eliita lyaange liita eliwukisaanga.”